افيدونى ياوحوش الديزل والربع نقل

**amrelsha3er** · 08-03-2012 02:45 PM

ياجماعه انا ناوى اشترى سياره نيسان بيك اب ربع نقل اللى يعرف عيوب العربيه دى ايه ياريت ينصحنى او لو حد يمتلكها يبقى كتر خيره لو قالى على النقط اللى فيها انا روحت شوفتها هى عامله89.5 الف باور ومكيفه عامله 92.5الف انا ناوى اجيب المكيفه دى بالمره بقى ياترى التكيف فى النيسان النقل دى كويس ولا ملوش لزمه؟انا واحد قالى عيب العربيه دى ان ملهاش سوق وبصراحه انا مستغرب عشان سعرها حنين كده عن الشيفروليه والايسوزو والتويوتا كله بقى معدى ال100الف علما انى هجيبها قسط
مستنى نصائحكم ياغاليين

**amrelsha3er** · 09-03-2012 05:22 PM

ايه ياجماعه محدش عنده خلفيه عن النيسان معقوله؟!!!!!!!!!!!!!!!! طيب سلموا حتى طيب عبرونى يعنى ؟!!

**mazagngi2010** · 09-03-2012 05:38 PM

ازيك ياباشا علشان متزعلش
بس قليل لما حد بيرد هنا على اى استفسار عن النقل

**amrelsha3er** · 11-03-2012 04:29 PM

المشاركة الأصلية كتبت بواسطة mmffor

انا حفيدك ان شاء الله

بصراحة النيسان تختلف عن باقي النقل في 3 نقاط
1- الطلعة بتاعتها تقيلة شوية و محتاجة سواق شاطر ليها علشان مبينفعش معاها الحرق و القرص لكن بعد ما بتاخد سرعتها بتبقى ثابته جدا و طلقة ما شاء الله لكن اخرها طن و نص لان مع التحميل الطلعة بتتبهدل اكتر
على عكس الايسوزو و الشيفروليه تحملها 4 طن شغال

2- سعر اعادة البيع بتاعها اقل شوية و اتقل في اعادة البيع عن الشيفرولية و الايسوزو

3- موتورها صوته انعم شوية عن الايسوزو و لكن التويوتا طبعا تتفوق على كل العربيات دي سواءا في الاداء او قوة الموتور و السحب و لكنها اغلاهم

اللف شكر ياباشا موضوع اعاده البيع ده انا عندى بيه خلفيه ومظنش انى هجمل عليها اكتر من طن وبالصراحه هى اللى الوحيده اللى اقدر على تمنها الصراحه والعيوب دى اظن مقدور عليها عموما مشكور ياباشا على ردك والله

**mmffor** · 11-03-2012 05:07 PM

بالتوفيق
اعتقد ان الطلعة تقيلة بسبب ان الموتور مش تيربو مش اكتر لكن استهلاك وقود كويسة

و عربية جميلة ما شاء الله

**rockana9112007** · 24-03-2012 01:41 AM

انا عاوز اقول لحضرتك ياباشا ان النيسان عربية حلوة مش وحشة خالص وجراية بس مش عاوزة غشومية فى التحميل يعنى حمل عليها حاجات متتعداش الطن او الطن ونصف بالكتير ومتقرصش عليها
وكنت سمعت ان المحرك عمرة الافتراضى اقل من العمر الافتراضى بتاع الشفر مع انة اعلى فى الccيعنى النيسان 2700 والشفر 2500

بس والله عربية مش وحشة خالص بالعكس بس عاوزة محافظة وحرص وهيا هتبقى زى الفل معاك خصوصا انك هتجيبها زيرو