الموضوع: اشتري ايه ب 150000 جنيه مصري ؟ اطلق لخيالك العنان

المشاركة الأصلية كتبت بواسطة screenplays

برضه بفكر في الفورد لاني بحب المنتجات الامريكيه جدا و خصوصا الشركه دي بس توكيلها توكيل معوق و العربيه و كل ما يخصها غامض بالنسبه للسوق المصريه للاسف

على حسب معلوماتي الفورد في مصر أوروبي (ألماني) مش أمريكي

المشاركة الأصلية كتبت بواسطة screenplays

اعتبروا انكوا بتكلموا بياع كرفس

المواصفات المطلوبه : :s_thum1[1]:

اداء رياضي - شكل رياضي - قطع غيار موجوده ان شالله في المريخ بس تكون موجوده - جنوط اسبور مقاس ميقلش عن 15 بوصه - كاوتش محترم - صناعه مش صيني حتي لو كوري بيس - تابلوه رياضي - مالتي فانكشن - مش مهم الانتشار - مش مهم سعر اعاده البيع لاني مش هبيع قبل 6 سنين مثلا - مش مهم اسعار قطع الغيار لان مشاويري قليله - عوامل امان زي فرامل abs و ايرباجز - تقفيل نضيف - خامات نضيفه - تستحمل الدريفتات و الجري و الكيك داون و الحرق علي الغيارات - عفشه رياضيه ناشفه عشان الثبات - ياريت تكون مانيوال لو اوتو مش مشكله - مش حريقه بنزين - متقلش عن 120 حصان - واسعه من جوه - فتحه سقف - فرش جلد

في انتظار ردودكم

انا مقدرتش اقرا كل الردود عشان اشوف مين قال ايه ، فاعذروني لو كان كلامي اللي هاقوله انتهى النقاش عنه واتحسم في وسط الردود اللي فاتت ، بس كنت هاقولك في السعر ده تجيب مازدا 3 هاي لاين وشششششششششش(سعرها 155 الف، جنوط 16 وعفشة رياضية وناشفة بس مش قوي ، عوامل الأمان زي مانت طلبت واكتر، خامات نضيفة جدااا وتقفيل ياباني 100% ونضيف جداا ... كل اللي انت طلبته ) لحد ما قريت واسعة من جوة و فرش جلد (مع انك ممكن تفرشها جلد لو رسيت عليها ) ، غير كده كل اللي انت طلبتو موجود فيها وعارف انك قولت مش اقل من 120 حصان بس ال 105 حصان بتوع مازدا زي ال 120 بتوع غيرها ( الفكرة مش في الرقم قد مالفكرة في هل الرقم ده بيوصل كله للعجل على الأرض ولا بيتهدر منه كتير لحد ماويصل ؟! )

انا سوقت العربية دي ومالقتش فيها اي عيب (لحد دلوقتي"عامل 8200 كيلو") غير عيبين اتنين مش فارقين معايا في حاجة:
1- ضيقة ورا سنة صغيرة ( انا ركبتها وركبت لانسر بومة وشايفهم نفس الوسع من ورا بفرق بسيط لصالح لانسر) بس انا مش معايا عائلة و حتى لما صحابي بيركبوا ورا مش بيكونوا مضايقين اوي يعني فبقولهم مش لازم تجعص وانت قاعد منك له :) ، والشنطة واسعة مش ضيقة زي الموديلات القديمة ، انا بتكلم على موديل 2011 ، وهي اوسع من موديلات 2009 واللي قبل كده

2- سحبها قوي جدا بس التسارع مش قد كده لو سرعتك بين ال 120 وال 100، وانا مش جايبها عشان اشد واجري بيها فا مش فارقة معايا (ملاحظة: العربية عدادها مقفول على 185 كيلو في الساعة مع انها ممكن تجيب بعد كده بس مش عارف قافلينها ليه ، بس وانا على السرعة دي انا كنت حاسس اني راكب فانتازيا في الثبات بتاعها الحمد لله وكله بستر ربنا مش بشطارة حد ، ربنا يستر طريق كل واحد فينا )

انما في الجري والدرفتات من الثبات هاتحس ان معاك اسد ماشاء الله، بجد طلعتها من الثبات قوية جدا

(ملاحظة: العربية لو تانك البنزين فيها قرب يخلص هتلاقيها مش بتستجيب معاك في الشد والكيك داون عشان توفر معاك بنزين)

يبقى الخلاصة : لو انت غاوي جري وشد من الثبات هاتعجبك جدااااااا ، لكن لو انت على سرعة بين ال 80 وال 100 وحد جري جنبك وحبيت تشد معاه هاتضايقك (هتلاقيك جايبه ومحصله بس مش قادر تطلع منه) ( على فكرة انا مجربتش اشد على السرعة دي بال ستب ترونك ، يمكن لو جبت الفتيس على المانيوال تشد احسن) وانا قصدي لو جري جنبك وهو جاي من وراك بسرعة فوق ال 140 وطاااير وانت كنت مثبت سعرتك على ال 100 ... ساعتها هتلاقيك مش قادر تجري عشان تجيبه وتعديه ، بس لو هو جنبك وماشي معاك 80 و 100 هاتعديه هاتعديه )

غير كده كل اللي انت قولته موجود في المازدا 3 زي مانت عايز بالضبط وزيادة ((وبسعر منافس جدا مقارنة بأسعار العربيات التانية اللي فيها نفس المواصفات الهاي لاين 2011 عاملة 155 الف بس لو لقيتها )) مع ملاحظة ان مشاويرك مش كتير يعني خارج تقضي غرض او مصلحة وراجع مش خارج عشان تشد وتجري مع الناس :)

إنما بقى لو دماغك قافلة و غاوي جري وشد ومش عايز حد يشوفك لما تجري منه :) ، يبقى تريح دماغك وتقلل مقارناتك في العربيات اللي فيها موتور تربو وتريح دماغك بس لازم يكون معاها ثبات طبعا


وربنا يوفقك في اختيارك ايا كان ان شاء الله :)