قرار شراء سيتى ولا لنسر - رجاء المشاركة

**ahmed_su** · 04-06-2008 12:25 PM

بسم الله الرحمن الرحيم

الاصدقاء اعضاء المنتدى الرائع , محتاج رايكم بشدة وبمزيدا من التفاصيل

اولا قررت ان اتوكل على الله واغير عربيتى العزيزة فيات تمبرا موديل 93 وبعد قرأة مستفيضة فى كل المنتدى عجبتنى الهوندا سيتى من ناحية الاداء والرفاهية واستهلاك الوقود القليل وجودة التقفيل بس مش عجبنى شكلها اوى.... وانا باخذ اراء اصدقائى كلهم رفضوا اختيارى وبينصحونى باللنسر وخصوصا بعد تخفيض الوكيل لها 7000 جنيه وانها عربية بياعة والكلام المعتاد وان السيتى عربية تقيلة فى اعادة البيع وكمان هتخسر فلوس كتير ده اذا اتباعت ...الخ ,بس انا لى انطباع عن اللنسر انها بقت فقيرة فى المحتوى الداخلى وعدم جودة مكونات الصالون (رخيصة) وكمان (ده انطباعى انا ) شكلها الخارجى معتاد اوى وكمان شايف ان صاجها ضعيف و كتير منها فى الشارع موديلات 2007 ومظهرها كأن فات عليها 10 سنين بتتبهدل بسرعة كده ليه رغم ان سعرها مش قليل

فلى رجاء انا تشاركونى برأيكم ولو انتم مكانى هتختروا ايه ؟وليه ؟ وان امكن مقارنة مستفيضة للعربيتين - وجزاكم الله كل خير

**احمدعبدالعزيز** · 04-06-2008 12:35 PM

توكل على الله وخد الانسر للاسباب الاتيه

1- كثرة الانتشار = اعادة بيع سهله + قطع غيار متوفره + ممكن اى حد يصلحها
2- سعرها بعض التخفيض ممتاز جدااااااااااااااااااااااا ااااااااااااااااااااااااا اااااااااااااا

وربنا يوفقك للاحسن إن شاء الله

**ahmed_su** · 04-06-2008 12:44 PM

المشاركة الأصلية كتبت بواسطة zizo

توكل على الله وخد الانسر للاسباب الاتيه

1- كثرة الانتشار = اعادة بيع سهله + قطع غيار متوفره + ممكن اى حد يصلحها
2- سعرها بعض التخفيض ممتاز جدااااااااااااااااااااااا ااااااااااااااااااااااااا اااااااااااااا

وربنا يوفقك للاحسن إن شاء الله

أول الغيث قطرة

اشكرك يازيزو باشا على اهتمامك بالرد -جزاك الله كل خير

**ahmed_su** · 04-06-2008 12:47 PM

المشاركة الأصلية كتبت بواسطة SEATLOVER

لا دى ولا دى
السيتى ماتركبش بعد التمبرا ...واللانسر زمن وعدى

امال ايه اللى يتركب ياباشا
ولا اصرف نظر واروح اشد التمبرا العزيزة شدة محترمة واكمل بيها الى ان يأذن الله بغيرها ولا ايه رايك

**ahmed_su** · 04-06-2008 01:10 PM

SEATLOVER باشا

شوف ياسيدى الحقيقة استهلكها فى البنزين بقى عالى من 150 الى 180 فى الصفيحة ولما اشغل التكيف بيشفط البنزين , التكيف عانيت منه مرات كتيرة وصرفت عليه كتير واخيرا غيرت الكمبيروسر
والتكيف بيسحب جزء لابأس به من قدرة العربية وبيأثر على سحبها بدرجة ملحوظة مع انها 1600 , وجونا بقى خليجى يعنى التكيف بقى ضرورى وكمان الموديل بيتقادم يعنى كل سنة بتمر بيقل سعر بيعها اكتر وقلت من المناسب ان اقوم بتغيرها وهى لسه ليه تمن واركب حاجة احدث واتومتيك فى شورعنا اللى بتقف فيها اكتر مابتمشى
الحقيقة انا معجب بعربيتى الى حد كبير وانا اصلا بافضل السيارات الاروبى وكمان هي ذات اداء عالى وثبات رائع ولكن هى تعرضت لعدة خبطات وهى مركونة وده على مدار عدة سنوات انا صلحت الخبطات كام مرة استعدادا للدهان ولكن بتتخبط تانى ودى حاجة خلتنى احلف انى مش هدنها فبقى مظهرها مش عجبنى وكل ماأفكر فى دهنها الجميع ينصحنى بالتغير للاحدث

يعنى المطلوب موديل حديث امكانيات (تكيف - اتوماتيك ) اقتصادية فى التشغيل مع انى عارف انه مش هيكون اقتصادى ولا حاجة (قطع غيار اكيد مولعة) والشراء هيكون بالقسط على سنوات قليلة حوالى 30 شهر مع دفع مقدم حوالى 60% (مع انى باكره موضوع القسط ده كره العمى)

**SEATLOVER** · 04-06-2008 01:58 PM

طب اية رايك يا احمد فى
- الجيتز لو هاتش باك
-الريو لها مستقبل حلو
- الياريس ..الحل الوحيد

**ahmed_su** · 04-06-2008 02:22 PM

المشاركة الأصلية كتبت بواسطة SEATLOVER

طب اية رايك يا احمد فى
- الجيتز لو هاتش باك
-الريو لها مستقبل حلو
- الياريس ..الحل الوحيد

شوف ياسيدى انا بقالى حوالى شهر قرايت كل الموضيع عن اغلب السيارات فى المنتدى

وقد كونت انطباع معين عن اغلب السيارات من اراء مستحدميها ومن الاعضاء المتميزين اللى زى حضرتك ورحت معارض واتفرجت على عربيات كتير يعنى كل ماميل لاتجاه ماركة معينة اروح اتفرج عليها ...الحقيقة لقيت سمة غالبة على اغلب السيارات (وده انطباعى الشخصى) انهم بقو يسترخصو قوى فى الخامات والفنشنج يعنى محركات عالية الاداء على بودى ضعيف ورخيص - حرام والله مع الاسعار المرتفعة دى - يعنى اقدر اقول انى ارتحت نفسيا للهوندا سيتى مع تحفظى على شكلها واللنسر من ناحية الاداء وتحفظى على حالتها التى تبدو عليها بعد فترة قصيرة وكأنها مرت عليها سنوات طويلة