قرار شراء سيتى ولا لنسر - رجاء المشاركة

**ahmed_su** · 04-06-2008 02:22 PM

المشاركة الأصلية كتبت بواسطة SEATLOVER

طب اية رايك يا احمد فى
- الجيتز لو هاتش باك
-الريو لها مستقبل حلو
- الياريس ..الحل الوحيد

شوف ياسيدى انا بقالى حوالى شهر قرايت كل الموضيع عن اغلب السيارات فى المنتدى

وقد كونت انطباع معين عن اغلب السيارات من اراء مستحدميها ومن الاعضاء المتميزين اللى زى حضرتك ورحت معارض واتفرجت على عربيات كتير يعنى كل ماميل لاتجاه ماركة معينة اروح اتفرج عليها ...الحقيقة لقيت سمة غالبة على اغلب السيارات (وده انطباعى الشخصى) انهم بقو يسترخصو قوى فى الخامات والفنشنج يعنى محركات عالية الاداء على بودى ضعيف ورخيص - حرام والله مع الاسعار المرتفعة دى - يعنى اقدر اقول انى ارتحت نفسيا للهوندا سيتى مع تحفظى على شكلها واللنسر من ناحية الاداء وتحفظى على حالتها التى تبدو عليها بعد فترة قصيرة وكأنها مرت عليها سنوات طويلة

**ahmed_su** · 04-06-2008 02:54 PM

المشاركة الأصلية كتبت بواسطة sokasoon

كده الياريس

شكل جديد

موتور اقوى

توكيل ممتاز

كماليات اكثر

قطع غيار مش غالية

شكل مش حلو اوى (راى شخصى)

اليارس انا فى الحقيقة مش معجب بيها خالص لاشكل خارجى ولاداخلى وخصوصا التبلوه فى النص مش عارف ليه الحكاية الغريبة دى , العدادات دى المفروض لقائد السيارة مش شير مع كل اللى ركبين العربية (ده رأى ) بالاضافة اللى سعر مبالغ فيه اوى

بالاضافة لحاجة شفتها النهاردة الصبح وانا رايح الشغل - هى ملهاش علاقة بالموضوع بس انا كرهتها اكتر - (عفانا الله وايكم) قبل مطلع كبرى الفردوس امام مرور الدراسة عربية ياريس طالعة على الرصيف اليمين وداخلة فى عمود النور كل كبوت العربية بالموتور داخل حتى البرابريز والعمود مجرد انحناء بسيط

**ahmed_su** · 04-06-2008 03:40 PM

المشاركة الأصلية كتبت بواسطة SEATLOVER

مشكلتك انك فاهم يا احمد زيادة عن اللزوم
وكدة هايوجهاك مشكلة كبيرة اوى طول ما انت تحت ال مائة الف
اقرا الموضوع دة كدة ..هو هايعقدك اكتر معلش
بس هاتعرف انك على حق فى اللى بتقولة
ظاهرة تسليع السيارات ..... (لمن يبحثون عن شراء سيارة مٌعمرة)

SEATLOVER باشا انا فعلا كنت قاريت موضوعك الرائع ده امبارح وهو اكد مالدى من انطباع هو انى هابيع عربية كانت اعتماديتها عالية ومصاريف تشغيلها كانت معقولة لحد ما بحثا عن سيارة اكثر رفاهية (بس بكام ومصاريف تشغيل وصيانة بالاضافة لفترة زمنية قليلة فى الخدمة ) والغرض واحد !!!!.
هى المشكلة فى تقادم العربية عندى انا شايف ان ده انسب وقت للخلاص منها قبل ما يبقاش لها قيمة فعلا انا فى حيرة

**ahmed_su** · 04-06-2008 03:53 PM

المشاركة الأصلية كتبت بواسطة SEATLOVER

بصراحة مع انى مع اللانسر ..الا ان الوقت لا زمان ولا مكان بقى ليها بعد نزول اللانسر ال EX يعنى مش معقولة السعر دة و كمان كل ما تقول لحد تقولة
انا معايا لانسر (يفتكر الجديدة )... بعدين تقولة الشكل القديم !!

شكلى هانضم الى راى الاغلابية ...... بس مش عن اقتناع بل مضطر

**ahmediz2000** · 04-06-2008 04:13 PM

لو حضرتك بتقارن بين الانسر 1300 والسيتى يبقى السيتى ... موتور السيتى اقوى ماشاء الله حتى لو مشغل التكييف ما بتحسش بيه اوى + السيتى انعم بمراحل من الانسر .. الباور بتاعها ناعم عن الانسر وده عن تجربة

- استهلاك البنزين السيتى أحسن
- كماليات اكتر
- واسعة من جوه بس الانسر اوسع شويه فى العرض
- كفاية اسم هوندا
- التقفيل حلو والخامات ممتازة
- الصالون قعده اريح من الانسر وصالون عالى تحس ان قاعد مالك الطريق
- قطع الغيار الاصلية سعرها متقاربب جدا
- التوكيل ممتاز

لو عندك اى استفسار تانى عن السيتى انا تحت امرك

**ahmed_su** · 04-06-2008 04:55 PM

المشاركة الأصلية كتبت بواسطة ahmediz2000

لو حضرتك بتقارن بين الانسر 1300 والسيتى يبقى السيتى ... موتور السيتى اقوى ماشاء الله حتى لو مشغل التكييف ما بتحسش بيه اوى + السيتى انعم بمراحل من الانسر .. الباور بتاعها ناعم عن الانسر وده عن تجربة

- استهلاك البنزين السيتى أحسن
- كماليات اكتر
- واسعة من جوه بس الانسر اوسع شويه فى العرض
- كفاية اسم هوندا
- التقفيل حلو والخامات ممتازة
- الصالون قعده اريح من الانسر وصالون عالى تحس ان قاعد مالك الطريق
- قطع الغيار الاصلية سعرها متقاربب جدا
- التوكيل ممتاز

لو عندك اى استفسار تانى عن السيتى انا تحت امرك

اشكرك على اهتمامك

يعنى مزيد من التفصيل نحو هل ال1300 سى سى مناسب للفتيس الاتوماتيك (هل يكفيه + المكيف)
استهلاك بنزين كم/صفحية وما الى ذلك