الموضوع: تقرير : تركيب شماسة DvD (بالصور) ...

مساء الخير جميعاً ...
طبعاً انا قررت أركب شماسات DVD وقررت أكتب عنها
علشان كل الناس تستفيد زيي ، وتعم الفائدة على الجميع

في البداية : هيا مفيدة جداً علشان بتبقى الشاشة مخفية كده في
السقف وكل الي راكب معاك يقدر يشوفها ...

في منها نوعين ... نوع بسي دي ... ونوع تاني بشاشة أكبر
بيتركبلوو فلاشات بس ... وبيشغل ال mp3 و avi وmpg

وسعرها رخيص جداً : في ب 400 جنية وفي ب450 وفي ب
470 جنية .

وطريقة العمل : أنها بتاخود أي كابل بور ... علشان تشتغل
وبترسلك أشاره على موجة الراديو علشان تسمع الصوت ... يعني تبقى سايق وتتفرج على فيلم يا معلم ... أو تشغل للعيال
أفلام كرتون كده وينبسطو ويحلوو عن دماغك .

المكان : توكيل مشهور بجمهورية مصر في الهندسين (علشان الدعاية) .

المهم دخلت جوا ممكن اصور الشاشات علشان اعمل عليها
تقرير في المنتدى أتخض الراجل هتصور يعني صحافة يعني
ضرايب لالالالا أرجوك معلش اصل الرف متغبر وكده يعني
مفيش مشكلة . هو حرررر مش عاوز اصور محلو مش مشكلة
بس انا حر اصور عربيتي .

ادي ياسيدي منظر الشماسة .

وادي لمن فتحنا الكرتونة شايف الحلاوة والجمال

وجي معاها ريموت كنترول كمان علشان تتكيف

وابتدى الواد يفك ويخلع في الشماسة الاصلية كده

ويبني براااااااااااااحة وانتا بتركبها ... صلي على النبي
على مهلك شوية أنتا أيه هتخلع السقف
عوزك بأه يابطل تخلعها براحة علشان لو حبيت
في يووووووووم من الايام اخلعها وارجع الاصلية
أقدر أركبها عادي
وقام قلي ياباشا متخفش ومتقلقش
وشوية شوية يقلي عربيتك في أيد أمينة
ألله يخرب بيتك يا أمينة هو انتي ورانا ورانا .

قلت لنفسي أه مدام جاب سيرة أمينة يبقى عليه العوض
ومنوووو العوض

المهم قاعد ساعة الواد وهو يحاول يركبها بالعافية
وفي الاخر جية بأه كبير المهندسين وكبير الفنين
بيقولوأ أيه ياحمادة أنتا لسة مخلصتش
قلت أه وكمان اسمو حماده يبقى رحنا في دهية
المهم حماده قالو البتاعه مش راضية تركب
قالو وريني ... قالو ياحمار منتا شايفها كبيرة يعني لايمكن
تركب ... دي لايمكن تركب ... وانا من جوايه قاعد بغلي
وأقول يابن اللذينة بعد مافكيت السقف وبهدلتلي الدنيا
مش كنت تشوفها الاول هتركب ولا لأ قبل ما تحل او تنيل

المهم قلتلو رجعلي بأه ياحلو الدنيا زي ماكانت براحة كده
وبشويش وخد أدي سجارة أهي عاوزك تمخمخ فيها .
(حار ونار في جتتوو ... دي مارلبور أبيض )

المهم قعد نص ساعة يركب فيها (الشماسة الاصلية ) أنو يعرف
يتنيل ويركبها ... المهم شوية وأسمعلك صوت تتتتتتتتتتتك ... وبصيت يقولي هيا العربية دي يباني .. ههههههههه قلتلو لأ تيواني أخلص حصل ايه ... قالي لا مفيش ده اليبانين دول
عليهم حتت دين دماغ ... قلتلو أسم الله على دماغك انتا أيه
صوت الطقة ده ... قالي لا متخفش يابية دي كليبسات ...
ألاهي يكلبسوك يابعيييييييييييد في حيطة ولا في عمود نور
ويكهربوك كده 260 فوولت واشوفك كده منور قادر ياكريم
المهم : قالي ياباشا متقلقش دي كليبسات عارف لو أسبيرنز
مينفعش ترجع تركب تاني ... لا واللهي فرحتني ... شهادة
أعتز بيها هعلقها على باب المنتدى ... وأبروزها في مكتبي . أخلص ... المهم من هنا لهنا ... راح مركبها ... وقالي خلاص بقت زي الفل .

جي أبص عليها ألاقي الواد لمن يقفل الشماسة تبقى زي الفبريكة تيجي تفتحها تقوم مدلدلة كده من السقف ... يافرحتي يافرحتي يافرحتي ... لا ويقلي متخفش يابيه ماهو مفيش حد بيفتحها انتا خليها مقفولة ههههههههههههههههههه
رحت ناطط في كرشو واقلتو وانتا مال أهلك حد يفتحها ولا ميفتحهاش ... ده انا عندي مراتي بعد ماتقعد في العربية وتقفل الباب اول حاجة تقوم منزلها هيا المراية ... بصيت لقيت الواد بيرد عليا وبيقولي يابيه ماهو في مراية صغيرة ممكن تحطها
في شنطتها ... ردووو غظني أكتر رحت مشمر كمامي وعليه
دب دب دب هبدتو في الارض واد مستفززززززززز .
وفي النهاية طلع المدير ثبتني بكلمتين وهدي اعصابك ...

وامشي ياد هناك ... مش عاوز أشوف وشك تاني وأمشي يا وحش أمشي ... علشان يهديني وتاني يوم يرجعو الشغل عادي
وكسيبت صلاة النبي ... بس حبيت أنقلكم تجربتي علشان محدش يبوظ سقف عربيتو او شماستوو ... وتحياتي .

واللهي انتي الوحيدة الي فهماني يابسبوسة