الكرتيرة تقريبا معرقة زيت :(

**ahmadmidop** · 09-03-2012 02:07 AM

نزلت ابص على العربية من تحت وبعد مشوار طويل والموتور سخن لان بقالي فترة مش مرتاح .... لقيت تقريبا الكرتيرة معرقة زيت بجد مش عااارف اعمل ايه وهل زيت موتور ولا زيت فتيس بجد انا مخنوووووق ... وياترى ده من ايه والحل ايه ربنا يستر

**ZOoOoMA** · 09-03-2012 03:14 PM

سؤال و جاوبني عليه الكرتيره بس اللي عليها زيت ولا الكرتيره و ما حولها و هل انت عندك خرطوم الفايظ متركب ولا لا و في الاخر ممكن انا مش عارف ممكن يكون عمود الكامه و الله اعلم و الاعضاء الاكتر خبره مني يفيدوك

**ahmadmidop** · 09-03-2012 05:58 PM

والله ما انا عارف ... بس لحظت حاجة غريبة .. ان الزيت بينشف او بمعنى اصح ... انا امبارح لما بصيت وحطيت ايدي كنت راجع من مشوار طووويل والعربية سخنة ,, يدوب ساعة طلعت لبست ونزلت ابص تاني ملقتش حاجة زي مايكون الزيت نشف هوا اصلا كان حاجة بسيطة جدا .. واحد قالي احتمال اللي كان بيغيرلك زيت كان موقع عليها زيت من بره ولما بتسخن الزيت الناشف ده بيسيح ولما تبرد بينشف .. ومش عارف اقتنعت بالرأي ده ليه ... مش عارف اعمل ايه لاني من يوم ماجبت العربية من وهيا زيروو الكبوت ماجاش عليه نقطة مياه من تحت ابدااا
وهل التعريق ممكن يكون طبيعي ده اذا كان في مثلا .. وهل ممكن الكلام ده الكرتيرة
يحصل في عربية 2006 .. انا شفت خرطوم كده فعلا مش عارف ده بتاع ايه هل ده خرطوم الفايظ وده فايدته ايه

**Dr.A.Nabil** · 09-03-2012 06:02 PM

ممكن تكون الجوانات بتسرب

**Moe86** · 11-03-2012 03:07 AM

إغسلها من تحت و شوف النظام
لأن الموضوع دة حصل معايا و طلع إن العربية لما إتخبطت مرة من قدام, السيليكون اللى ماسك الكارتيرة بالعربية فك شوية, فالميكانيكى فكها و شال بقايا السيليكون القديم و لزق سيليكون جديد مكانه (نوع مخصوص للمواتير علشان يتحمل الحرارة العالية) و ربط المسامير تانى
الفكرة طبعا ان كارتيرة البونتو طلعت ملزوقة بسيليكون مش بجوان كاوتش, معرفش الباليو إية بس أعتقد زيها

**misoalex** · 11-03-2012 08:08 PM

المشاركة الأصلية كتبت بواسطة ahmadmidop

والله ما انا عارف ... بس لحظت حاجة غريبة .. ان الزيت بينشف او بمعنى اصح ... انا امبارح لما بصيت وحطيت ايدي كنت راجع من مشوار طووويل والعربية سخنة ,, يدوب ساعة طلعت لبست ونزلت ابص تاني ملقتش حاجة زي مايكون الزيت نشف هوا اصلا كان حاجة بسيطة جدا .. واحد قالي احتمال اللي كان بيغيرلك زيت كان موقع عليها زيت من بره ولما بتسخن الزيت الناشف ده بيسيح ولما تبرد بينشف .. ومش عارف اقتنعت بالرأي ده ليه ... مش عارف اعمل ايه لاني من يوم ماجبت العربية من وهيا زيروو الكبوت ماجاش عليه نقطة مياه من تحت ابدااا
وهل التعريق ممكن يكون طبيعي ده اذا كان في مثلا .. وهل ممكن الكلام ده الكرتيرة
يحصل في عربية 2006 .. انا شفت خرطوم كده فعلا مش عارف ده بتاع ايه هل ده خرطوم الفايظ وده فايدته ايه

خرطوم الفايظ ده حتلاقيه خرطوم صغير داخل فى الخرطوم الكبير بتاع الهوا اللى جاى من الفلتر الهوا ورايح للبوابه بتاعه الانجكشن