الموضوع: مستلم صني جديد .. وعاوز متابعة من أحبابي .. ساعدوني

المشاركة الأصلية كتبت بواسطة mido_hero

بسم الله الرحمن الرحيم

صباح الفل يا أجمل أعضاء في الدنيا

أجمل إدارة لأحلي منتدي


الحمد لله ربنا وفقني واشتريت النهاردة نيسان صني ( سوبر صالون ) 2012 واستلمتها الصبح

طبعا أنا بصراحة عمري ما دخلت منتدي أجمل من دة .. الكل بيساعد ومفيش حد مستني حاجة

بيساعدوا اخواتهم .. بيحبوا الخير لكل الناس

ومن خلال وجودي البسيط في المنتدي لقيت ان الأمثلة كتيرة جدا للناس المحترمة

لدرجة اني متأكد إن مفيش حد في المنتدي إلا لما يكون إنسان محترم

أسف طبعا للإطــــــــالة

بصوا يا رجالة أنا اشتريت صني سوبر صالون وعاوز متابعة منكم أعمل أية في كل كيلو أمشية

عاوز مساعدتكم بجد علشان أحافظ علي العربية لإني بجد تعبت علي ما جبتها

لو في أي حاجة المفروض هعملها .. هشتريها .. توكيل أروحله .. أي حاجة ممكن تتعمل

وأنا منتظر مشاركتكم ومساعدتي

وكان ليا بعض الملاحظات وأنا في طريقي من الصالة لحد البيت

- أولا الدريكسيون تقيل نسبيا وخصوصا وأنا واقف تقريبا تقيل أوي ( عيب ولا عادي ) ؟؟


لو في أي حاجة قابلتني هبلغكم أول بأول

في رعاية الله وياريت ألاقي الناس اللي بتساعد في موضوعي لإني محتاجهم بجد

اولاً :

اهلا بيك فى اسره نيسان ونيابه عن احبائى فى القسم اشكرك على ذوق حضرتك وعطر كلامك الطيب

ثانيا :

الف الف الف مليوووون مبروووك على اختيارك لنسيان وخاصه ( السوبر صالون ) وربنا يحفظنا ويحفظك منها ويحفظهالك
يارب يديك خيرها ويكفينا ويكفيك ويكفى كل صاحب عربيه شر الطريق

ومعلش لى سؤال هيه هاى لاين ولا ايه وياترى سعرها وصل كام دلوقتى لان عرفت انها زادت حوالى 2000 ج

ثالثا:

ارجو ان تتقبل نصيحتى


* خلى الـ 1000 كم الاولى امشى على مهلك وبصوره طبيعيه وبدون جرى او كيك داون وخلى مشيك ديما فى حدود 90 او 100 كم ومتخليش الـ ( ار بى ام ) يزيد عن 3 وفى هذه المرحله دون ملاحظاتك على السياره واى حاجه تحسها فى العربيه تسجلها واول ماتروح التوكيل تقولهم عليها ومتشغلش التكيف كتير يعنى تشغلوا بسيط للإطمئنان على كفاءته وتطمن على دوره التبريد فى التكيف ( عشان ممكن الفريون يكون محتاج احياناً زبظ ( بالمناسبه لازم تتصل بنسيان لتفعيل كود الضمان)

*اضبط الكاوتش زى ماهو مكتوب اسفل التابلوه على الجنب الشمال مـن السيــــــاره ( باب السائق) (امام 36 وخلف 33) وحافظ على دا دائماً ولو حبيت تغيروا لنتروجين افضل ويكون الزبط عند واحد بس متغيروش ابداً

*ثقل فى الدريكسون ( هوا مش تقيل اوى بالدرجه اللى حضرتك متخليها) وارجو ان تكتبها كملاحظه عند صيانه الـ 1000 كم لان ممكن يكون رجلاش علبه الدريكسون محتاج زبط

*نيجى بأه لأهم حاجه وهى الله لايقدر لك اى سوء احنا وانت ولكل صاحب سياره يارب( تروح على التوكيل وانت مغمض) عشان التوكيل هوا افضل مكان للعربيه هوا غالى حبتين بس الغالى تمنوا فيه ونفرض ان حاجه اتصلحت او اتغيرت عند التوكيل بتكون بضمام وتقدر ترجعهم لو الف مره من غير متغرم ولا مليم

*اما تحب تغير الزيت بعد الألف الأولى اشترى زيت لــ ( ليكوى مولى ) التخليقى لان المانى وناس جربوه كتير هنا فى سيارتهم النيسان وشكرو فيه اوى وتشتريه من الموزع المعتمد وتاخدو معاك وحضرتك رايح التوكيل

ارجو ان اكون قد افدتك حضرتك واسف على الاطاله


واكرر شكرى لك ولحضورك وانضمامك لإسرتنا الكريمه