عندك رينو سينيك ادخل هنا

**ah_ar87** · 09-03-2012 03:01 PM

السلام عليكم ورحمةالله وبركاته الأخوه الأعزاء أنا لاحظت ان مفيش موضوع متناول الرينو سينيك بالشرح والتفصيل الوافى اللى يفيد اى حد بيجمع معلومات عن السياره علشان يقدر ياخد قرار الشراء ولذلك فكرت انى أعمل موضوع وأرجو من كل واحد عنده العربية دى يدخل ويكلمنا عنها كالتالى

موديل عربيته كام والموديل ده نزل من سنة كام لسنة كام
المحرك من حيث قوته بالحصان وعزمه ونوع البنزين وصوته ومعدل استهلاك البنزين
العفشه من حيث القوه والنعومه والثبات
الصالون من حيث الوسع والراحه والكماليات ومتعة القياده
اسعار قطع غيار العربية ودى مهمه جدا لأن كل الناس بتخاف من الرينو علشان قطع الغيار
يا ريت كل واحد ينزل صور لعربيته لو أمكن
أفضل ان اللى يكتب كلمه فى الموضوع ده يكون فعلا مالك للسيارة دى مش واحد سامع عنها علشان المعلومات تكون معلومات حقيقية ومن واقعخبره
كل واحد يقولنا تجربته مع العربيه ورأيه فيها ايه بصراحه
اى حد عنده معلومات أكتر من كده يا ريت مايبخلش بيها علينا

**shamssad** · 13-03-2012 03:04 AM

السلام عليكم انا معايا سينيك موديل 2003 اخر الشكل (1) كامله اوتومتك موتور 1600 الكماليات ( اوتومتك و تكييف و بور و 4 زجاج كهرباء و مرايات كهرباء و تحكم الكاسيت من الطاره و تلاجه و 6 ارباج و 7 اماكن لاختفاء الاشياء و مفتاح ريمود و فوج ليت و سبويلر خلفي و مساحه خلفيه و سنتر و جنوط اسبور اصلي و 5 مساند راس و مسند يد في كرسي السائق و الكنبه الخلفيه عباره عن 3 كراسي يمكن طيهم و يمكن تحركهم الي الامام و الخلف و و يمكن شيل الكرسي الوصطاني و تحريك الكرسيين بجانب بعض و بزالك يكون الكرسيين متحركيين مثل كراسي الطائره و حامل اكواب و اطعمه في ظهر الكراسي الاماميه و امكانيييييييات كتير ممكن فيما بعد نتكلم فيها و ارجو انضمام ملاك السينيك الي الجرووب و انا تحت امركو في اي شياء

**Gelgel2004** · 13-03-2012 10:21 AM

الله يبارك لمالكي هذه السيار ة
انا باعشقها بجد

**ah_ar87** · 13-03-2012 11:41 PM

المشاركة الأصلية كتبت بواسطة shamssad

السلام عليكم انا معايا سينيك موديل 2003 اخر الشكل (1) كامله اوتومتك موتور 1600 الكماليات ( اوتومتك و تكييف و بور و 4 زجاج كهرباء و مرايات كهرباء و تحكم الكاسيت من الطاره و تلاجه و 6 ارباج و 7 اماكن لاختفاء الاشياء و مفتاح ريمود و فوج ليت و سبويلر خلفي و مساحه خلفيه و سنتر و جنوط اسبور اصلي و 5 مساند راس و مسند يد في كرسي السائق و الكنبه الخلفيه عباره عن 3 كراسي يمكن طيهم و يمكن تحركهم الي الامام و الخلف و و يمكن شيل الكرسي الوصطاني و تحريك الكرسيين بجانب بعض و بزالك يكون الكرسيين متحركيين مثل كراسي الطائره و حامل اكواب و اطعمه في ظهر الكراسي الاماميه و امكانيييييييات كتير ممكن فيما بعد نتكلم فيها و ارجو انضمام ملاك السينيك الي الجرووب و انا تحت امركو في اي شياء:y_hi_3[1]:

شكرا يا باشا لرد سيادتك بس أنا كنت باقترح ان سيادتك ترد على النقاط اللى فى الموضوع نقطه نقطه حتى نستطيع عمل موضوع متكامل ولو سيادتك عندك اى اضافات تانيه أفدنا بها

**ah_ar87** · 13-03-2012 11:47 PM

المشاركة الأصلية كتبت بواسطة mohamedadelemam

السلام عليكم..والدى معاه سينيك 2005 كاملة اوتوماتيك بانوراما ناقص بس مثبت السرعة..السيارة ماشاء الله غير اى سيارة تانية خالص بس يعيبها انها سحب ضعيف جدا واستهلاك بنزين حوالى 170 كم / 20 لتر

شكرا يا باشا لرد سيادتك بس أنا كنت باقترح ان سيادتك ترد على النقاط اللى فى الموضوع نقطه نقطه حتى نستطيع عمل موضوع متكامل ولو سيادتك عندك اى اضافات تانيه غير اللى مكتوبه أفدنا بها

**shamssad** · 14-03-2012 05:56 AM

هو صاحب الموضوع معا رينو سينيك اصل هو متكلمش عنها خالص

**diabloegypt1** · 14-03-2012 10:13 AM

المشاركة الأصلية كتبت بواسطة ah_ar87

السلام عليكم ورحمةالله وبركاته الأخوه الأعزاء أنا لاحظت ان مفيش موضوع متناول الرينو سينيك بالشرح والتفصيل الوافى اللى يفيد اى حد بيجمع معلومات عن السياره علشان يقدر ياخد قرار الشراء ولذلك فكرت انى أعمل موضوع وأرجو من كل واحد عنده العربية دى يدخل ويكلمنا عنها كالتالى

موديل عربيته كام والموديل ده نزل من سنة كام لسنة كام

عربيتى موديل 2006 وده نزل من 2004 حتى 2006 وكمل الشكل الجديد بتعديل بسيط فى الفوانيس والأكصدام زيها زى الميجان مع العلم أنها أنتاج فرنسى

المحرك من حيث قوته بالحصان وعزمه ونوع البنزين وصوته ومعدل استهلاك البنزين

على حد علمى أنها زى الميجان 114 حصان وبتوصل ل 124 حصان بسبب ترس الديفيزر ومش واثق من المعلومة دى ويا ريت حد يأكدها والماتور هو هو زى الميجان

العفشه من حيث القوه والنعومه والثبات

العفشة ناعمة وجميلة بس المشكلة المعتادة فى الميجان ... علبة الدريكسيون مبتستحملش بس أنا مصلحه من سنة وزى الفل لحد دلوقتى بس معتقدش تستحمل الشوارع المكسرة اللى فى بلدنا .

الصالون من حيث الوسع والراحه والكماليات ومتعة القياده

نجى لنقطة الأختلاف الوحيدة بينها وبين الميجان الأحساس الداخلى للسيارة أنك راكب عربية 4x4 علشان علو الصالون الداخى والعدادات الثلاثية الأبعاد وأماكن التخزين المهولة الى بداخلها من أدراج الى خبايا وأمكانية طى الكنبة الخلفية كل عل حدى وتعديل كل كرسى من الخلف على راحة الجالس عليه والوسع الداخلى لا يدل على حجم السيارة من الخارج من الأخر دى أحسن عربية عائلية ممكن تركبها من حيث متعة الصالون .

اسعار قطع غيار العربية ودى مهمه جدا لأن كل الناس بتخاف من الرينو علشان قطع الغيار

أسعار قطع الغيار زيها زى الميجان ومتوفرة والحمد لله العربية بقلها معيا سنة ونصف ولم أواجه أى مشكلة وتمن أسعار قطع الغيار أرخص من أى سيارة أخرى فى نفس فئتها وامكانية توفر قطع غيار بديلة عن الأصلى وبجودة عالية وأرخص بكتييييير

يا ريت كل واحد ينزل صور لعربيته لو أمكن

معلش مش جاهزة

أفضل ان اللى يكتب كلمه فى الموضوع ده يكون فعلا مالك للسيارة دى مش واحد سامع عنها علشان المعلومات تكون معلومات حقيقية ومن واقعخبره

أظن تم الأجابة بالأعلى

كل واحد يقولنا تجربته مع العربيه ورأيه فيها ايه بصراحه

من أمتع السيارات الى ركبتها ولو رجع بيا الزمن تانى هشتريها هيا هيا لأن ال بيهمنى فى العربية متعة الصالون الداخلى والأمكانيات وميهمنيش الشد والجرى مع أنها ما شاء الله سحبها كويس عل السرعات ( بعد الغيار الثالث)

اى حد عنده معلومات أكتر من كده يا ريت مايبخلش بيها علينا

أرجو أكون أفدتكم مع العلم العربيات دى حظوووووظ

**ah_ar87** · 14-03-2012 12:01 PM

شكرا يا دياب باشا على طريقة ردك ولو أمكن تجيب لنا بعض أسعار قطع الغيار وفى رأيك كده ايه أفضل موديل فيها

**ah_ar87** · 14-03-2012 12:05 PM

المشاركة الأصلية كتبت بواسطة shamssad

هو صاحب الموضوع معا رينو سينيك اصل هو متكلمش عنها خالص

يا باشا أنا مش معايا عربية حاليا وكنت بافكر فى اللوجان ولكن شفت اعلان للسينيك فعجبتنى كمالياتها وتقفيلها من صور الاعلان ودى كانت اول مره اخد بالى من السينيك فبدأت أبحث فى المنتدى علشان أعرف معلومات عنها فلم أجد أى موضوع ليها علشان كده سيادتك تجدنى كاتب نقط كتير فى الموضوع بحيث انى أقدر من خلال الردود على النقط دى أخد قرار الشراء وفى نفس الوقت أكون وضعت أساس لموضوع يستفيد منه كل من يفكر فى هذة السيارة من باب ( الدال على الخير كفاعله )