الصنى اتخرشمت :(

**just4fun** · 09-03-2012 03:20 PM

بجد مش عارف ايه اللى بيحصل ده :( , العربية اتخبطت مرتين و هى واقفه

من كام يوم كنت راكن العربية جنب البيت قريب من محل بيشطب المهم الشغل كان بعيد و الدنيا تمام , نزلت مره بشيل الغطا و كانت الصدمة الاولى الفانوس الامامى شمال وشه اتكسر و الشنطه خدت خبطة من فوق عند العلامة اتارى الباشوات عملوا مدخنة من جنب المحل و وقعوا طوب عليها و تقريبا عرق خشب وقع على الشنطة , اتنرفزت جدا و رحت كلمتهم قالولى منعرفش و صاحب المحل قال مكنش يقصدوا و بتاع , قلت الحمد لله انها جت فى العربية و ربنا يعوض و الموضوع انتهى .

انهارده بقى نازل الصبح لقيت الرفرف الشمال اتخبط و دخل جامد لجوة و الفانوس الشمال بردو اتكمل عليه لحد مبقيت مش طايق العربية .
المحصلة بقت فانوس شمال + رفرف شمال ينفع يترد + خبطة فى الشنطة , عايز نصيحتكم فى الحجات دى و الفانوس الاستيراد يعمل كام ؟ و ارد على البارد ولا ارش ؟

معلش طولت عليكم بس ده من همى ,و مستنى نصايحكم ....

**EhabVet** · 09-03-2012 03:30 PM

ولا تزعل نفسك
قدر الله وما شاء فعل
والحمد لله على كل حال

**Dr'AhmZZong** · 09-03-2012 03:30 PM

يااااااااااه معلش يا اندرو .. متزعلش .. كويس إنها جت على قد كده ..

عموما الحاجات المخبوطة ردها على البارد احسن .. بدل ما ترش و كلام فاضي ..

موضوع الفانوس ده بقى أنا سألت زميلنا manshestrawy و قال لي في فوانيس اسمها ديبو موجودة عن واحد اسمه محمد نجم في فيصل و دول فوانيس أظن تيواني .. ممتازين جدا و سعرهم في حدود الواحد بـ 280 جنيه و ميفرقش عن الأصلي في حاجة ..

لو عايز أي حاجة تاني كلمني .. و أنا تحت امرك

**Kareem Fawzy** · 09-03-2012 03:47 PM

انا كمان انصحك بDepo خامة وكويسة وسعر معقول عن الاصلى

**el_nahal2004** · 09-03-2012 03:47 PM

قدر الله ماشاء فعل
وان شاء الله تخلص الشغل الى فيها على خير

**Medicalist** · 09-03-2012 04:58 PM

انا كده زيك برضه مع انى بركن العربيه فى حتت واسعه بنزل الاقى الاكصدام محكوك واحد خابط السقف واحد خابط الشنطه عادى جداا دلوقتى بقيت بكبر و مش بصلح حاجه سايبها كده للذكرى الواحد زهق