من بعد الشنبر وأنا محتار ساعدونى :)

**ggaamm** · 09-03-2012 05:04 PM

بسم الله الرحمن الرحيم

أرجووووووووووووكم حد يقولى الكلام النهائى بس يريت اللى يقرا يركز معايا شويتن ضرورى :)

أنا معايا مازدا 323 1600
عملتلها شنبر من شهر تقريباً

العربية بعد الشنبر كانت بطلع دخان أبيض أول ما أدورها
الميكانيكى قالى أستنى يمكن يكون تخزين فى العلبة بتاعت الشكمان
لكن بعد العملية ماطولت وفضل الوضع زى ماهو .. قالى أنه ممكن يكون كاوتش صباب
سألت كذا حد وأجمع على نفس الرأى مفيش غير واحد بس قالى خد بالك من التقسيمة ممكن تكون هى سبب المشكلة !!

المهم توكلت على الله وفكيت تانى الوش بصيت لقيت 2 صباب فى الوش مش شغالين أصلاً ومش مسودين زى الباقى .. وراح الميكانيكى عشان يتأكد رش بنزين على البساتم مع العلم أنها جديدة وفضلنا منتظرين حوالى ربع ساعة ومانقش البنزين ولا ملي الحمد لله .... راح الميكانيكى قال كده يبقى العيب من الكاوتش صح والعملية مارحتش هدر :)))
وحمدت ربنا حمد من القلب :))

بس وروحت غيرت كوتش الصباب وكمان الدليل جبته يابانى لمازدا 2000 cc وبالغالى عشان أنجز الكلام ده كان من 4 أيام ..!!

دلوقتى بعد ماقفلت كل حاجة وصرفت اللى فيه النصيب تانى والحمد لله فوجئت أنى وأنا بدور النهاردة الصبح الدخان زى ماهو وظاهر فى المرايا كمان !!!

ولما بزود بنزين بيزيد وفى الآخر لما العربية تسخن بيبطل الدخان ,, بصيت على الشكمان لقيته بينقط ميه والعربية مظبوطة ومافيش حاجة زودت مافيش دخان !!!

صحيح أنا اللى خلانى أفك من تانى هو أن البوجيه رقم واحد لقيته معرق زيت وفصل وأضريت اغيره وده اللى خلانى أعجل بالموضوع لأنى خفت عالشنبر ليبوظ تانى ..

فبصرااااااااااااااحة أنا تعبببببببببببببت جداً وأتحبطت عالآخر !!!!!!!!!

يريت يكون عندكم الحل
ساعدونى بالله عليكم

**lameey** · 09-03-2012 06:12 PM

عربيتى كمان بتعرق زيت من البوجية 3 و 4 وفيه دخان ابيض وباين كمان من المرايه والبوجيهات التالت والرابع بيفصلوا من الزيت كل فترة ومش عارف اعمل ايه

**ggaamm** · 09-03-2012 10:57 PM

المشاركة الأصلية كتبت بواسطة lameey

عربيتى كمان بتعرق زيت من البوجية 3 و 4 وفيه دخان ابيض وباين كمان من المرايه والبوجيهات التالت والرابع بيفصلوا من الزيت كل فترة ومش عارف اعمل ايه

لا ياباشا الموضوع كده مختلف
أنت كده واضح ان الموتور عندك بدأ يخف وهيحتاج شنبر أو عمرة

**rotanamasoud** · 10-03-2012 11:48 AM

كان الافضل وش سلندر جديد لو سعره رخيص
طيب جرب انتظر يومين بعد اللى عملته عشان لو بواقى زيت ممكن تروح

**ggaamm** · 13-03-2012 08:43 PM

المشاركة الأصلية كتبت بواسطة rotanamasoud

كان الافضل وش سلندر جديد لو سعره رخيص
طيب جرب انتظر يومين بعد اللى عملته عشان لو بواقى زيت ممكن تروح

ماهو وش السلندر حتى لو كنت جبته جديد بارضو كنت هلعب فيه على الأقل كاوتش جديد
بس أنا كده شايف انى دفعت تمن موتور جديد 2 كاربيراتير يابانى كمان زى اللى معايا مش أوروبى

بصراحة أنا محبط جداً وقررت أسيبها حتى لو جابت عيال من الشكمان
هههههههههههههه

صحيح أنا سمعت حاجة ان الموتور ال1600 بتاع المازدا بياخد 3 كيلو زيت بس
هل ده صحيح ؟؟

أصلى لما بغير الفلتر الراجل بيحطلى ال4 كلهم ولما بغير بدون فلتر بيحط 3.5
فأنا قلت يمكن ده يكون ليه دور خصوصاً وأنى لقيت الكاوتشات بتاعت مسامير الوش متاكلة وجايبة زيت مع العلم أنها جديدة بارضو !!
فأنا خايف يكون الزيت كتير وبالتالى شغالة تضرب فى جلب ومش بعيد كمان شوية جوانات مع العلم كمان ان الزيت عالمقياس بيكون فوق الفول بحاجة بسيطة

فأنت أيه رأيك ؟؟

**rotanamasoud** · 14-03-2012 11:46 AM

الحكم فى الزيت من المقاس شوف المقاس لو على اعلى نسبه بس معدهاش يبقى مظبوط

**ggaamm** · 16-03-2012 07:09 AM

المشاركة الأصلية كتبت بواسطة rotanamasoud

الحكم فى الزيت من المقاس شوف المقاس لو على اعلى نسبه بس معدهاش يبقى مظبوط

طيب هغير زيت وأبص تانى

شكراً ليك ياباشا

**engwms** · 16-03-2012 04:22 PM

حضرتك ممكن تغير زيت
وتطلع بالعربية مشوار جامد
وجرب وانشاء الله تتحل

**ggaamm** · 17-03-2012 12:49 AM

المشاركة الأصلية كتبت بواسطة engwms

حضرتك ممكن تغير زيت
وتطلع بالعربية مشوار جامد
وجرب وإن شاء الله تتحل

إن شاء الله .. يريت :))

بإذن الله ناوى أجرب الإسبوع ده الحوار بعد تغير الزييت وأشوف

لكن أيه وجهة نظرك فى الحكاية دى طيب ؟

**engwms** · 17-03-2012 09:19 AM

ان ممكن يكون بواقى زيت مركون ف علبة الشكمان
لان كان عندى نفس الموضوع وكل ميكانيكى يشوفها يقوللى طقم شمبر
واللى يقوللى الموتور مفوت وعمرة وكلام كتير تعبنى نفسيا
فرحت غيرت زيت وفلتر وطلعت بالعربية مشوار سخن قرصنا على حميع الغيارات
وربنا كرمنى وبطلت تطلع دخان ومنسوب الزيت ما بينقصش زى الاول

الموضوع: من بعد الشنبر وأنا محتار ساعدونى :)

LinkBack

أدوات الموضوع

عرض

-

-

-

-

المواضيع المتشابهه

محتار اشترى ايه .... ساعدونى

ساعدونى انا محتار

محتار ساعدونى ارجوكوم!

محتار قوى ساعدونى !!!!

محتار ساعدونى يا بشر :))

الكلمات الدلالية لهذا الموضوع

المفضلات

المفضلات

ضوابط المشاركة