اقتباس المشاركة الأصلية كتبت بواسطة Ahmazong مشاهدة المشاركة
للاسف ده مش عيب في هيونداي هي فعلا ملهاش ذنب ده عيب في التوكيل نفسه ربنا لا يبركله ..

بصراحة نيسان قيمتها كل يوم بتزيد في نظر الشعب المصري .. و اللي خلاها كده .. توكيلها
أنا باشتغل في توكيل (كان صيني) وحاليا ايطالي وان ماكنش في العربيات بس في حاجة قريبة (مهندس مصاعد) طبعا حاجات اوتوماتيك وربط كمبيوتر وسلالم كهربا وكدة مش الشغل البلدي.. المهم ممكن أقولك الفرق بين توكيل نضيف وغيره زبالة
مثلا التوكيل الزبالة.. يبعتلك اللي انت عاوزه وشكرا.. مايعرفش أساسا حصل فيها ايه ولا يسألك عاوزها ليه عشان يتأكد انك شغال صح.. دا كان التوكيل الصيني.. منتهي الاهمال.. مهمته جمع الفلوس وخلاص.
التوكيل الايطالي.. ممكن تطلب باكدج مثلا 30 مصعد يتأكدو عاوزهم ليه و في ايه وأبعاد الأبيار والاحمال ولازم كله يبقي تمام التمام وتركب فيهم بعد 6 شهور قبل التشغيل بفترة تلاقي خبير طب عليك زي القضا المستعجل.. يراجع كل حاجة بالمللي ويا ويلك يا سواد ليلك لو فيه مسمار متركب غلط.. قبل كدة عمل مشكلة عشان لقي مسمار فيه غفير (اللي بيدخل في خرم عرضي في المسمار عشان يمنع الصامولة تطلع لو بدأت تحل) مش راكب رغم ان ده راكب في تالت زرجينة من ورا مجرد أمان للتيش اللي ماسك واحد من 5 حبال.. تصور الأمانة؟ وعلي قد ما اتضايقت اني أتأنب علي حاجة صغيرة للدرجة دي علي قد ما حسيت بفخر اني شغال مع توكيل فعلا نضيف.

تعالي لهيونداي.. علي مرآي ومسمع الجميع.. عربية فيرنا مركبلها موتور مش بتاعها أساسا.. وعربيات بياكل فلوس حاجتها النضيفة ويحط كاسيت JVC قذر مايدلش علي سعر العربية بأي شكل من الأشكال.. تيل فرامل وكاوتش من أسوأ الأنواع.. سماعات جولدي معفنة ماتتحطش في توك توك.. غير انه أساسا بيطلب من الشركة أقل مواصفات موجودة و (حاكرر تاني) فرز تاني وعيب أوي ان شركة زي هيونداي يطلعو فرز تاني ويبيعها علي انها من أحسن الفئات وبنفس سعر أنضف مثيلاتها في دول اخري في دول تانية ان مكانش أعلي.

فيين اللي يراجع وراه وييجي يبص ع المهزلة اللي بتحصل في المصانع؟؟ ماهو لو كان حد بيراجع وراه مكانش تمادي في استهباله

اقتباس المشاركة الأصلية كتبت بواسطة m7mda7md مشاهدة المشاركة
شكرا يا باشا علي التقرير و نورت القسم
حاسك كمان شوية حاتقوله "حاتوحشنا والله.. تبقي تيجي تاني.. مع السلامة"
If you know what I mean