الموضوع: تقرير عن غسيل و نشر و كي فلتر هوا العربية !!

المشاركة الأصلية كتبت بواسطة sunset

ممكن صور ؟

و اسفاه مفيش صور المرة دي لكن د \ حازم شاف شكل الفلتر طبعا رجع اللون اللي فيه تاني لأصله هههههه
بس ان شاء الله هصور الفلتر بكرة و ارفع الصور

المشاركة الأصلية كتبت بواسطة sunset

انا بس كنت عاوزة اعرف ايه الفلتر ده ... شكله ايه ... وفين مكانه !!

اه فلتر الهوا بيكون في العمة اللي فوق الموتور العمة ديه عبارة عن علبة يا بتكون مستطيلة زي عندي يا بتكون مدورة زي الماروتي ياما اي شكل ع حسب
لما تفتحي الكبوت هتلاقي في الوسط ناحية الشمال شوية علبة سودا كبييرة مدورة و طالع منها زي دراع مفتوح ديه العمة بتتفح بمفتاح و تتفك الصامولة بيكون جواها الفلتر محطوط و تحته الموتور هو ده اللي بيتشال و يتغير او يتنضف بالهوا و يتحط تاني يعني اي شخص يعملها و الدراع اللي طالع و مفتوح ده اللي بياخد الهوا و الفلتر بيكون مدور الشكل ع شكل العمة عشان ياخد الهوا اللي داخل كله و بيفلتر الهوا عشان يدخل ع الموتور عشان عملية الاحتراق

المشاركة الأصلية كتبت بواسطة sunset

أه تقريباً عرفتها
جزاك الله خيراً
من شهر أو إثنين كنت بأشتكي من شكوى وهمية في العربية ورحت لميكانيكي وفتحها وقال إنه نظفها
بس أنا مش كنت أعرف هو إيه ده أصلاً !!!

طيب ممكن حد كريم يعمل موضوع عن أجزاء العربية تحت الكبوت

لا ديه اي حد بينضفها حتي المنطقة اللي تحت العمة اي حد فينا بيفتحها ينضفها و ينضف الثروتيل بالمنظف منظف كربراتير زي علبة الاسبراي و طالع منها زي الشاليمو

و فلتر الهوا نضفيه كل شهر مرة ع الاقل عند بتاع الكاوتش او وقت تغيير الزيت عشان العربية متبقاش مكتومة و تسحب كويس لأن كل ما الهوا دخل بدون عائق و مفلتر كل ما الادء احسن عشان كده بيركبوا فلتر هوا سبور فتحاته اوسع عشان العربية تسحب احسن

و فعلا احنا ان شاء الله بنرتب للموضوع ده دلوقتي اسماء كل جزء في الحوض :)

و اي سؤال او استفسار عن اي حاجة في العربية او قطع الغيار الدورية و اماكنها و طريقة تغييرها اسألي و ان شاء الله نرد

المشاركة الأصلية كتبت بواسطة SunSet

اساسا العربية بقت شوارع من التراب والشتا

اروح بنزينة يضبوهالي ؟

كدة كفاية ؟

وكنت احب اعرف هو ايه الحاجات اللي تتعمل كل قد ايه !!؟

وامتى مثلا نملأ الاطارات هواء ننظف ايه وهكذا

اه روحي بنزينة يغسلوها برة و جوة و تحت و الموتور يتغسل مرة في السنة مش اكتر بعد الشتا
بالنسبة الحاجات التانية اللي بتتنضف كل مدة لكن بلاش العاملين في البنزينات يعملوها
الكربراتير و البنزين : عند الميكانيكي
فلتر الهوا عند اي بتاع كاوتش او مع تغيير الزيت

الحاجات اللي تتغير بشكل دوري

-السيور
سير الكاتينة : يفضل كل 40 الف مع انها تقعد اكتر من كده بس الاحتياط واجب ده موتور مش هزار
سير الدينامو : كاتبيين تغييره بشكل دوري لكن انا افضل عدم تغيير الا في حالة انه يكون خلاص ابتدي يجيب اخره لأن برده الفبريكة فبريكة و بيقعد



-طقم الكهربا :
البوجيهات : كل 30-40 الف و الفبريكة عندي غيرته ع 100 الف تقريبا

الابلاتين : لما لما يكون فه حاجة في الكهربا لكن محدش يجي ناحية الموبينة او الكوندنسر الفبريكة


- الكاوتش : لو ابتدت النقشة تروح او السلك يظهر او يبتدي يبان او تبان فقاقيع او تتلوح او يكون عدي ع تاريخ الانتاج اكتر من 5 سنين تتغير فورا لو حاجة من دول اتحققت و شوفي الموضوع ده هيبينلك ازاي تعرفي تاريخ الانتاج و مواصفات الكاوتش

http://www.nilemotors.net/Nile/232923-a.html

و بيتملي كل اسبوعين تلاتة ع حسب لو حسيتي بتغيير لكن الافضل تجيبي منفاخ ومقياس منها تنفخي بنفسك بعيدا عن فزلكة بتوع الكاوتش و منها يكون احتياطي في الطريق

http://www.nilemotors.net/Nile/195073-a.html

و لو نفختي نيتروجين هيريحك بالشهور طالها الكاوتش مدخلش فيها مسمار او اي حاجة هيفضل الضغط ثابت بالشهور هي ديه ميزته

- الفلاتر
فلتر الهوا : بيتنضف بالهوا بس كاتبين تغييره بشكل دوري كام مش عارف كام الف لكن انا اغيره لو ظهرت فيه ما يدل انه اللتر خلاص لا يصلح و هي انه يوبر او الريش تبتدي تبقي معوجة غير كده بنضفه بالهوا لكن عامة هو رخيص للماروتي يعني المصري بـ10 جنيه و شغال فممكن تغيريه كل 20 الف

فلتر الزيت : مع تغير الزيت كل تغييرتين لو هتغيري نوع الزيت يبقي تغيري الفلتر مع النوع الجديد

فلتر البنزين : مرجحش تغييره لأن الفبريكة مفيش منه تاني و كل اللي موجود هيكون تقليد فبنضفه بس لكن لو توصلنا لنوع يقترب للفبريكة هنقول عليه في القسم عشان اللي عايز يغير


- السوائل :

مية الريداتير المية الخضرا : بتتزود في القربة فقط لحد المعدل المبين ع القربةاللي هو full و و كل سنتين المية كلها بتتغير

زيت الفرامل : برده بنزود في القربة اللي فوق الماستر العمومي هتلاقيها علبة في النص لونها ابيض مصفر و غطاها صغيرة و مكتوب عليها الفرامل و دوت 3 بنزود لحد المقياس اللي جوة برده و الزيت بيتغير كل سنتين برده عشان بياخد رطوبة و شوائب

البطارية : صيانة عند توكيل البطارية او اي شخص متخصص فيه و بيقيس الشحن لكن البطارية مبتتغيريش غير لما تجيب اخرها و تظهر الاعراض

زيت الموتور : طبعا ع حسب عددد الكيلومترات و بلاش موبيل فيه انواع احسن دلوقتي زي فيسكو و كاتسرول و فالفولين و شيل كان كويس بس اللي جربه دلوقتي لقاه زي موبيل بعد ما بقي بيتعبأ هنا

زيت الفتيس : بيتغير تقريبا كل 40 -50 الف غير كده بيتزود بس و بلاش لما تزودي يت الفتيس تحطي من اللي في الاسطوانة البرتقالي لأنها عبارة عن زيت عربيات ع شحم جيبي جيركن زيت فتيس زي زيت الموتور و اللزوجة 90


- التيول

تيل الفرامل الامامي : الفبريكة عدي معايا الـ40 الف اما باقي الانواع فبنتابع التيل كل كام الف و حاليا بنجرب اكتر من نوع و لما نتوصل لنوع كويس يقترب من الفبريكة فيهم هنقول عليه برده في القسم عشان الجميع يستفيد

تيل الفرامل الخلفي : ده انسيه اساسا لأنه بيقعد و بيعدي الـ100 الف بكتيير فيه ناس قعد عندهم سنين السنين

طبعا لازم نراعي ان الفبريكة مش زي اللي بنجيبه

بس ممكن اعرف موديل العربية و عاملة كام الف و ايه اللي تم تغييره لحد دلوقتي عشان لو فيه حاجة تاني محتاجة تتغير او تتعمل ؟