الموضوع: رجه فى المطور مع التكيف

كل من يسأل عن الرجرجه فى المتور سببها الأساسى إن القواعد بتاعت المتور عيزه تتغير ، وما بيظهرش العيب ده إلا بعد تشغيل التكيف ، وممكن تكتشفها لو كانت السياره أتوماتيك إن حد يبص فى المتور وحد يغير الجير من وضع n إلى وضع D ومن وضع n إلى وضع R وفى الحاله دي يلاحظ إن المتور بيفز من مكانه وبيكون فى رجرجه خفيفه فى العربيه والأربي إم بينزل تحت 10.
من الأفضل تروح لميكانيكي كويس يشوف لك الحكايه دي , بس نصيحه سيبه يقول لك إنها قواعد المتور ، يعنى ما تتطوعش وتقول له إنها القواعد ، وممكن قبل ده كله تتأكد من إن البوجيهات وطلمبة البنزين تمام .
بس غالبا هتكون هي قواعد المتور هي السبب خصوصا إذا كانت المشكله دي ما بتظهرش إلا مع تشغيل التكيف وتكون العربيه سخنه ، لان القواعد دي عباره عن كاوتش ومع الإستهلاك بيتقطع وبالتالى ما بيكونش المتور ثابت مكانه كويس ، وعدم تغيرها ممكن يأثر على باقى القواعد وعلى أداء العربيه وعلى حجات تنيه

المشاركة الأصلية كتبت بواسطة m.elgergawy

بالظبط قواعد الموتور
والقنطرة دي فيها قاعدتين
لو فيهم حاجة تعمل الرعشة على السلانسيه ومع تشغيل التكييف وعند فصل الكباس اثناء تشغيل التكييف

شكرا يا باشا على المساعده ...بس ممكن تقولى تغيير الحاجات ديه بيكلف كام