عرض للطباعة
انا بفكر اركب تكييف فى العربيه فليشيا 1300 وعايز اي معلومه بخصوص النوع والاسعار واماكن البيع يعنى ناس قالتلى بلاش الاصلى بتاعها وناس قالتلى متركبش اصلا وطبعا الكل بيقول اي سعر وخلاص(الصراحه انا مش عايز اغير العربيه وعايز اكمل امكانيتها)مستنى اهل الخبره والاسعار مهمه:praying:
انا عندى نصيحة لحضرتك....
اصرف نظر عن هذا الموضوع لتحسب الدخول الى مشاكل ومتاعب عديدة....*
بص يا فندم العربيه دي عدد الاحصنه قليل هتركب تكييف يسحب كمان
بس مدام حضرتك غاوي بمعني الكلمه وعايز تصرف وبجد هتلاقي
يبق تشتري نص اتحاد اوربي من 7000 -8000 جنيه بمصنعيه
تكييف وبور واير باج واي بي اس وسخانات في الكراسي وحجات تانيه وعيش
بلاش بشهادة من اصحاب ليا
طيب رأى حضرتك عشان الحراره ولا عشان السحب؟اقتباس:
المشاركة الأصلية كتبت بواسطة sakr1964
وشكرا على الرد وتعبك
انا بحب اسأل على المنتدى لأنى بسمع اراء جميلهاقتباس:
المشاركة الأصلية كتبت بواسطة XMANX51
ايه موضوع نص اتحاد اوروبى ده مش فاهم؟
وانا ياباشا غاوى بس مش للدرجه دى لو معايا 7000 كنت اشتريت موتور كامل 1600 مثلاً او اسقطلها موتور جولف الصراحه كانت معايا قبلها كامله وموتور 2000 e2 بس كان جبااااار
شكرا على المشاركه الجميلهاقتباس:
المشاركة الأصلية كتبت بواسطة lad
انا كنت بفكر ان لو المشكله هتبقى سخونه بس فممكن تتحل بريدياتير كويس ومراوح شديده وكمان الشبكه الاماميه لو اتعدلت هتسمح بمرور الهوا بطريقه احسن وطبعا ده رأى واحتمال يكون غلط
العربية كام سي سي وكام حصان بعد اذنك؟؟؟
دا موتور كامل يا فندم من اول الرديتر لحد الطبلوه بفيشه بضفرته بالعفشه بالسنسور
النص دا بيكون زي ما انت عايز 1600
والتسارع بتاعه علي من صفر الي 100 في 13 ثانيه
ولو علي مشكله السخونه بس الصيف يشد شوية وانا هعرف لو تجربتي الاخيره نجحت لو مشيت علي اختبار الشتا في التجربه نجحت والحمد لله لسه الصيف
وانا غاوي زي حضرتك كدا السنادي لسه صارف 2500 جنيه والسنه الي فاتت 1500 جنيه والي قبلها كانت 2000 تطوير في اداء الموتور
بس يا رتني كنت اعرف موضوع النص الاتحاد الاوربي
اوعى تعمل حكايه التكيف دى هتبقى فلوس وراحت على الفاضى
العربيه كانت معايا 96 وكانت متركبلها تكيف اول ما اشغله العربيه تولع والحرارة توصل ل 100 درجة
وبعتها علشان السبب دا وانسى انا اى حد يحللك المشكله دى
انا رحت عند 60 واحد ولا حد فاهم فيها حاجة
هى 1300 سى سى بس عدد الاحصنه مش عارفه بس اكيد مش قوى زى اليابانى مثلاً
وشكراً للرد
كده فهمت بس طبعاً انت عارف هيبقى المبلغ كتير وفى نفس الوقت لما يكون حالة العربيه كويسه بتبقى عايز تزود الي انت محتاجه بساقتباس:
المشاركة الأصلية كتبت بواسطة xmanx51
بس فعلاً كلامك صح لو هتصرف يبقى بالمره وتخلص وتبقى عدلت كل حاجه مره واحده
ومستنى اعرف التعديلات الي حضرتك عملتها فى العربيه؟
لأن انا الحاجه الوحيده الي بتزعلنى من العربيه دى التصارع بتاعها كسلان شويه
انا برضه الي معايا 96 بس مش عارف ازاى ملوش حل يعنى دورة التبريد حتى لو كويسه بتسخن؟اقتباس:
المشاركة الأصلية كتبت بواسطة tota_ys
ولا بتبقى مشكلة تهوية المراوح ولا المشكله الي كلنا بنواجها ان الميكانيكى بيفتكس وهو مبيفهمش؟
السلام عليكم
أولا: بالنسبة لسكودا فيليشيا موتور 1300 كربريتور عادي عدد الأحصنة 64 حصان.
ثانيا: سكودا فيليشيا بتنزل بتكييف أصلي وبتنزل فاضية.
ثالثا: سكودا فيليشيا اللي بتنزل بتكييف أصلي بيكون مستوى التبريد بتاعه مش عالي لأن coil (الكويل) بيكون بره الصالون (في حوض الموتور) وبالتالي بيكون التبريد متوسط.
رابعا: أي عربية في كوكب الأرض بتتأثر بتشغيل كباس التكييف، لكن التأثير نسبي يعني مرسيدس 6 سلندر3000سي سي مش هتتأثر زي ماتيز 850 سي سي. وبالنسبة لسكودا فيليشيا التكييف هيأثر على معدل السحب والتسارع لأن العربية أساسا متوسطة التسارع ووزنها لا يستهان به بالنسبة لفئتها ودي ميزة في رأيي مش عيب عشان متانة صاجها واتزانها في السرعات عن بقية مثيلاتها. بس ده مش هيمنع إنها تجري بسرعات معقولة وأمر التسارع هيكون معتمد على ضبط الموتور والتاكيهات وحالة الكاتينة وطقم الدبرياج.
خامسا: يمكن تركيب تكييف لعربية سكودا فيليشيا بشرط أن يكون ياباني وجديد والكويل داخل الصالون، وبيتم فك التابلوه بالكامل وعمل الوصلات، مع مراعاة أن يكون الردياتير بحالة ممتازة أو تركيب ردياتير 3 ماسورة عريض ومع المروحة أمام السربنتينة...... سيادتك هتنسى سخونية العربية بص لازم يكون فني التكييف أستاذ ورئيس قسم وفاهم هو بيعمل إيه.
سادسا: السعر 3000ج.م تكييف ياباني ساندن بضمان سنة.
بالتوفيق
يا جماعه انا قربت احل مشكله السخونه في العربيه دي ومستني انفخ العربيه مشوار محترم عشان احدد انها بطلت تسخن ولي لا بس الوقت الحالي انا بظبط العربيه لسه عامل الفرامل النهارده 120 جنيه وركنتها عشان عايزه تغير زيت وانا مش فاضي والحاله الحمد لله بدأت تتحسن شوية هنزل تقرير الفرامل كمان 10 دقائق
مشتاقين والله نعرف اختراع القضاء على الحمي اللى بتلبس العربية فى الصيف........*اقتباس:
المشاركة الأصلية كتبت بواسطة xmanx51
قريب باذن الله هينزل بس اغير الزيت لانه عفن في العربيه بقالي اكتر من تلت شهور محطتش بنزين غير النهارده حطيت شوية بتاع 15 لتر جبتهم من العربيه التانيهاقتباس:
المشاركة الأصلية كتبت بواسطة sakr1964
الله ينوراقتباس:
المشاركة الأصلية كتبت بواسطة benmatar
شرح وافى و كلام مضبوط
انصحك بمركز كوول اير
26202455 م ايمن عبد الجواد
وممكن نروح سوا و نسال و تشوف بنفسك
اطمن همه خبره و بيراعو ربنا و تشطيبهم كويس
اقتباس:
المشاركة الأصلية كتبت بواسطة xmanx51
يعنى حضرتك( نص الاتحاد الاوربى )ده خاص بالاسكودا ولا ايه ومين مضمون
فى القاهره او الاسكندريه ممكن نشترى منه . شكرا لحضرتك
النص دا بتاع فليشيا وكاان في زميل لينا في المنتدي من عندنا من الزقازيق كان اشتراه وركبه علي فيفوريت وحسب كلامه ان التكييف تلاجه والعربيه تجمعها سريع وتعتبر اسرع فيفوريت في مصر
واشتراه من بور سعيد بس منين بظبط انا كنت بشوف العربيه وهي مركونه قدام بيته بس محصلش ان اتعرفت عليه في مره
اقتباس:
المشاركة الأصلية كتبت بواسطة XMANX51
يا ريت الزميل الفاضل اللى له خبره سابقه فى موضوع( النص بتاع الاتحاد الاوربى ) يشوف الموضوع ده و يفدينا :satelite:حتكون مشاركه مفيده جدا
الله ينور عليك هو ده الكلام الي من الاخر يعنى فعلاً كلامى صح ان كل حاجه ليها حلاقتباس:
المشاركة الأصلية كتبت بواسطة benmatar
متشكر لحضرتك
تحت أمرك، حضرتك ممكن تعمل مجرد جولة، يعني استشارة.... إزاي؟؟
تتوكل على الله وتعمل زيارة لأكثر من مركز تكييف محترم ومشهود بيه ممكن تعرفه من معارف أو السادة الزملاء زي ما تفضل زميل وقال لحضرتك على مركز كوول إير مثلا وغيرهم.... وتسأل كل مركز بعد معاينة عربيتك، هتعملو إيه؟ بكام؟ إزاي؟ نوعه إيه؟ الضمان؟ كفاءة التبريد؟ ...إلخ
وهتجمع من الردود شوية معلومات وهتعرف الصح منها من الغلط، وإيه اللي يريحك وبالتوفيق.
كلام مضبوطاقتباس:
المشاركة الأصلية كتبت بواسطة benmatar
الله ينور يا باشا..
+11111111111111111111111اقتباس:
المشاركة الأصلية كتبت بواسطة gelgel2004
انا مش عارف اوصله لان عايز اعدل عربيتي وهو اتخرج واشتغل وباع الفيفوريت :crashcomputer5:اقتباس:
المشاركة الأصلية كتبت بواسطة heshammorsy
بص يا عم زيجا , انا كانت عربيتي فاضية و ركبتلها تكييف ياباني سندن بقالي 4 سنين و بصراحة يعني العربية بتسخن رغم اني عملت كل حاجة تقريبا , ركبت مروحة شاهين مانفعش , ركبت رادياتير اصلي جديد مانفعش , ركبت رادياتير صيني ( اكيد مانفعش هههههه ) , رجعت اركب مروحة اصلي 6 ريشة بقميص برضه مانفعش و ان كان نسبيا افضل , للامانه العربية بتاعتي كانت بتجيب 160 كسرعة قبل ماركب التكييف , كان موتورها فايق اوي و لما ركبت التكييف كانت العربية برضه فايقة بس لمدة شهرين تلاتة و بعديها بدأت في النازل , بس بعد كدة اخدت عليها , يعني لما تبقى درجه الحراره في عز الصيف مثلا فوق الــ 40 بلاش تشغله للامانه يعني عشان العربيه ممكن تسيح بجد , وش السلندر ممكن يسيح او يتلوح او يتشرخ مع القرص و التكييف , لكن لو درجه الحراره مثلا في الصيف معتدله او متوسطة ممكن تشغله شوية و تريح تكييف العربية شوية , من الاخر يعني بلاش تتقل الحمل على عربيتك بالذات في الصيف , لو باليل شغل التكييف زي مانت عايز , و توقع ان درجه الحراره بالنسبة للعربية لن تقل عن 95 او 100 و ماتستغربش لان كل الفيليشيا كدة مع التكييف في درجات حراره معتدلة اما بقى الاستهبال بتاع الصيف و درجات الحرارة الـ 45 و 50 فيستحسن بقى بلاش تخرج بالعربية اصلا بجد
متشكر جداً للرد التفصيلى الي حضرتك تعبت وكتبته وطبعا انا كاتب الموضوع عشان اخد برأي الناس كلها لأن مهما كان التجربه بتفرق كتير والاهم ان حضرتك بتكلمنى على نفس العربيهاقتباس:
المشاركة الأصلية كتبت بواسطة wael_ghreez
متشكر جداً
السلام عليكماقتباس:
المشاركة الأصلية كتبت بواسطة wael_ghreez
المفروض لما بنركب اللكباس بالرقم
يعنى كباس ساندن له ارقم
كل رقم بيمشى مع الحصان الخارج من العربيه - قدره الموتور - بدليل بسيط وواضح انه البرودوا - 850 سى سى - عليها كباس
و انا شخصيا كنت مركب كباس على 127 - 900 سى سى ومكانش عندى مشكله
المشكله بتيجى منين
1/ الفنى بيركب كباس وكثيرا بيواجهن عربيات راكب ليها كباس موش متناغم مع قدره الموتور- علشان يضمن ان التكييف يبقى بارد جدا و ده بياثر بالسلب على قدرة سحب الموتور
2/ علميا الكباس بيستهلك من 3 الى 5 حصان من ناتج خرج الموتور
3/ جوه البلد غير الطريق المفتوح
4/ انصح بالاتى
-تروح كوول اير م ايمن الللى فى جسر السويس و جهز كل الاستفسارات اللى عاوزهاو ان شء الله تلاقى الرد.
-تكشف على قدره الموتور الاول.
-لو عايزنى معاك انا تحت امرك.
تحياتى.........
كلام حضرتك علمي جداً وفعلاً انا فى ناس كتير رشحتلى نفس المكاناقتباس:
المشاركة الأصلية كتبت بواسطة gelgel2004
وكده يبقى فعلاً التكييف الاصلى بتاع العربيه محدش بيجيبه عشان تبريده قليل وبالتالى يبقى ده الانسب للموتور ولا ايه ياجماعه؟؟؟؟؟؟؟؟؟؟
اقتباس:
المشاركة الأصلية كتبت بواسطة gelgel2004
انا اصلا مركب التكييف عند اير كوول و عارف ان سندن له قدرات كتير حسب قوة العربية , بس المشكلة بجد ان الفيليشيا اصلا بتسخن نوعا ما عن بقيت العربيات فمع التكييف العيب بيزيد اكتر , هي بس عايزة مسايسة و رضاء بالقضاء و القدر هههههههه هي الفيليشيا كدة و نصيبنا كدة معلش
الحل سهلاقتباس:
المشاركة الأصلية كتبت بواسطة wael_ghreez
اسال المهندس ايمن و ان شاء الله تجد الرد
وممكن تراجعه فى جزئيه السخونيه\26202455
و بلغه من طرف محمد عبد الجليل و ان شاء الله تكرم