من شويه وانا قاعد في الشقه

جرس الشقه رن

والدتي قامت فتحت لاقت شاب وفتاه

قالو احنا تبع شركه بروكتور جامبل ومعانا عرض

12 علبه ايريال ب95جنيه

امي في الاول صدقتهم

اتصلت بحبيب قلبي من قسم الدايو استاذ هاني عبد الفتاح بصفته شغال في الشركه دي

قالي الكلام ده نصب وكان العيال خد الفلوس ومشيو بس ادونا رقم موبايل

قولت لو قولتلهم عايز ارجع الحاجه مش هيرضو يبقي لازم استدرجهم

قولتلهم عايز عرض تاني في التليفون ونزلت في العماره تحت

خليتهم دخلو وقفلت الباب علينا

قولتله حصل كذا كذا وكلمت مدير الشركه في الشرق الاوسط وحوارات كده وقالي انتو نصابين

وكارنيهم كان في ايدي

يا تجيبو الفلوس يا هتصل بالبوليس واحبسكم

قعد يقولي احنا مش نصابين وحوارات كده وانا لو نصاب مكنتش هرجعلك تاني

قولتله علي اساس اني ما قولتلكش اني عايز عرض تاني علشان استدرجك

الواد وشه جاب الوان واداني 100 جنيه وخد العلب وهيمشي

قولتله استني الواد اتخض والبنت معاه

قولتله ليك 5 جنيه واديتله الفلوس والكارنيه ومشي

-----------------------
من الاخر بناء علي مكالمه استاذ هاني الشركه ما بتعملش عروض والا اي حاجه

ومفيش اي علاقه بينهم وهم بيقولو ده عرض من شركه ايديال مع اريال