الوزن "الحمولة" وعلاقته بالسعة اللترية للماتور والتسارع !

السلام عليكم ورحمة الله وبركاته

من فترة كنت في شارع المرغني مع واحد زميلي معاه بومة CVT وقالي تعالى نطلع على المحور نجرب العربيتين مع بعض

وانا طبعا لاني بحب دايما موضوع شد المكن فصعب اني اقول لحد لاء :bravo:

قلتله ماشي وطلعنا المشكلة كان لازم عربية يكون راكب فيها 2 غير السواق وعربية راكب فيها واحد غير السواق !

في المرة اللى كان معايا واحد وهو راكب معاه 2 فضلت طالع منه لحد 165-170 تقريبا بعدها طلع بفرق بسيط حوالي عربية ونص - عربيتين وده لسبب ان العربية عندي فعلا بتموت جامد بعد ال 165-170 !

قالي نبدل الحمولة وانا الوزن اثر معايا !

لما عملنا العكس طلع مني على كافة السرعات وبفرق كبيييير !

قالي شفت انو الوزن كان ماثر معايا ! قلتله لاء انت الوزن ماثرش معاك بس لما جت حمولة عندي على ماتور 1300 اثرت جامد معايا !

فعربيتي انا اللى ادائها قل انما انت ادائك زي ماهو ! قالي لاء تاثير الوزن عندي زي عندك ! قلتله ازاي وانا 1300 وانت 1600 ؟ ؟ ومعروف ان الماتور ال 1300 سحبه بيضعف مع الوزن عن الماتور ال 1600 ! !

وهنا حصل لبس في الجزئية دي ! :Copy of majd(4)::Copy of majd(4):

وانا بصراحة طول عمري بسمع ان العربيات اللى ماتورها 1300 بتبقى اكثر تاثرا بالوزن عن العربيات ال 1600 ! بس مش لاقيلها سبب او تفسير منطقي ! يعني مثلا عشان الماتور صغير او ضعيف ؟ ماهو مناسب مع وزن العربية !

من جانب اخر وزن العربية ككل اللى بيبقى نازل فيها ماتور 1300 بيبقى اخف من وزن العربية اللى فيها ماتور 1600 ! ؟ << طبعا مش شرط بس بتكلم غالبا !

فاللى عايز افهمه الحمولة او الوزن بيعتمد في تاثيره على التسارع على السعة اللترية للماتور ؟ ؟

بمعنى الماتور ال1000 يتاثر عن الماتور ال 1100 ! والماتور ا ل1300 يتاثر عن ال 1600 ؟ وكذلك كل مالسعة اللترية للماتور تبقى اعلى كل ماكان تاثره بالوزن اقل ؟ ؟ ؟

هل ده صحيح ؟ ولا الموضوع بيعتمد اكتر على ال Horse power والعزم اللى بيطلعها كل ماتور مقارنة بوزن العربية Net result ؟ ماهو ممكن ماتور 1300 بيطلع Horse power اعلى من ماتور 1600 !

ام بتعتمد على وزن العربية ككل ؟؟ ماهو العربية اللى نازلة بماتور 1300 على وزن وليكن طن ! لو هتقارنها بعربية نازلة بماتور 1600 على وزن طن و 200 كيلو ! ممكن تكون المحصلة في الاخير متساوية ؟

فلو زودت شخص "70 كيلو في المتوسط زيادة" هل التاثر هنا هيبقى زي هنا ؟

وايه اللى يخلي مثلا عربية 4*4 ماتورها كبير وليكن 3700 او 4200 ! التسارع بتاعها يفضل ثابت ومايقلش حتى ولو Full loaded ! ؟

مش المفروض الوزن ده حمل زيادة على الماتور حتى ولو الماتور قوي وبيقدر يطلع اقصى قوته مع الحمل المفروض مع عدم وجود حمل يطلع نتيجة احسن ؟ ؟

واخر حاجة : استفسار بسيط هل فيه حل للتغلب على موضوع ضعف التسارع مع وجود حمولة ؟ يعني مثلا عندي العربية بحسها بتتاثر بالوزن جامد فهل فيه حلول لتفادي الموضوع ده ؟

حسب معرفتش ي اخي العزيز ،، ملهاش دعوة بالسعة اللتربية ،،

لكن ليها دعوة بالهورس باور !!

تخيل عربيتين بيجرهم نفس العدد من الأحصنة !! بنفس الصحة و العربيتين ليهم نفس الوزن !!

لما تزود وزن في عربية من الأثنين !! حيأثر ده على سرعة العربية الي بيجرها الحصان !! :)

و السعة اللتربية لا تؤثر في كده !! لأن في عربيات ال سي سي بتاعها قليل و لكن الهورس باور بتاعها يكافء هورس باور بتاع عربيات السي سي بتاعها كبير

فهي عامةً منظومة ،، كل حاجة فيها بتنفذ على الثانية ،، لكن في العموم ،، بيحكم الموضوع ده ،، "الهورس باور" :)

تحياتي و انتظر رأي الآخرين

اقتباس:

---

المشاركة الأصلية كتبت بواسطة smsm_nabawy

حسب معرفتش ي اخي العزيز ،، ملهاش دعوة بالسعة اللتربية ،،

لكن ليها دعوة بالهورس باور !!

تخيل عربيتين بيجرهم نفس العدد من الأحصنة !! بنفس الصحة و العربيتين ليهم نفس الوزن !!

لما تزود وزن في عربية من الأثنين !! حيأثر ده على سرعة العربية الي بيجرها الحصان !! :)

و السعة اللتربية لا تؤثر في كده !! لأن في عربيات ال سي سي بتاعها قليل و لكن الهورس باور بتاعها يكافء هورس باور بتاع عربيات السي سي بتاعها كبير

فهي عامةً منظومة ،، كل حاجة فيها بتنفذ على الثانية ،، لكن في العموم ،، بيحكم الموضوع ده ،، "الهورس باور" :)

تحياتي و انتظر رأي الآخرين

---

والله يا باشا كلام حضرتك منطقي بس في حالة لو العربيتين نفس الوزن !

يعني ال Horse power هو اللى يحكم في حالة لو الوزن ثابت في الحالتين !

لكن لو الوزن متغير هنا هالموضوع هيحكمه Power to weight !

وارد عربية بتطلع Horse power اقل من عربية تانية لكن مع الوزن الاخف بيدي افضلية للعربية الاولى في التسارع !

فاللى انا عايز افهم لو فرضا عربية A حسبنا التسارع بتاعها وبعدين ركب فيها 4 اشخاص وحسبنا التسارع مرة تانية لقينا ان التسارع مع الاربع اشخاص قل بنسبة 20%

وعربية B حسبنا التسارع بتاعها وبعدين ركب فيها نفس الاربع اشخاص وحسبنا التسارع بعدها لقيناه قل بنسبة 40% ! اشمعنى هنا قل 20% وهنا 40% ايه اللى بيحكم الموضوع ده وبناء على ايه نقول العربية دي تتاثر بالوزن عن العربية دي ؟ ؟

ده اللى عايز افهمه !

المتحكم هو أرقام أداء المحرك

لأن ممكن يكون يكون عندي محرك متربن و بيطلع نفس ارقام ال 1600

اقتباس:

---

المشاركة الأصلية كتبت بواسطة mzeid

المتحكم هو أرقام أداء المحرك

لأن ممكن يكون يكون عندي محرك متربن و بيطلع نفس ارقام ال 1600

---

+111111111

اقتباس:

---

المشاركة الأصلية كتبت بواسطة Mzeid

المتحكم هو أرقام أداء المحرك

لأن ممكن يكون يكون عندي محرك متربن و بيطلع نفس ارقام ال 1600

---

قصدك أيه بأرقام أداء المحرك ؟؟

اقتباس:

---

المشاركة الأصلية كتبت بواسطة Ahmod

والله يا باشا كلام حضرتك منطقي بس في حالة لو العربيتين نفس الوزن !

يعني ال Horse power هو اللى يحكم في حالة لو الوزن ثابت في الحالتين !

لكن لو الوزن متغير هنا هالموضوع هيحكمه Power to weight !

وارد عربية بتطلع Horse power اقل من عربية تانية لكن مع الوزن الاخف بيدي افضلية للعربية الاولى في التسارع !

فاللى انا عايز افهم لو فرضا عربية A حسبنا التسارع بتاعها وبعدين ركب فيها 4 اشخاص وحسبنا التسارع مرة تانية لقينا ان التسارع مع الاربع اشخاص قل بنسبة 20%

وعربية B حسبنا التسارع بتاعها وبعدين ركب فيها نفس الاربع اشخاص وحسبنا التسارع بعدها لقيناه قل بنسبة 40% ! اشمعنى هنا قل 20% وهنا 40% ايه اللى بيحكم الموضوع ده وبناء على ايه نقول العربية دي تتاثر بالوزن عن العربية دي ؟ ؟

ده اللى عايز افهمه !

---

مازال المتحكم هو الهورس باور !!
الأداء حيقل بنسبة 40 % ،، لو الهورس بور أصلاً قليل !!! بالتالي أي زيادة في الوزن حتأثر عليه بسهولة و بسرعة !!

لكن لو الهورس باور ساساً عالي ،، زود في الوزن براحتك ،، حبيقى في أينعم قصور في الأداء و لكنه بسيط ،، لأن أنت بالفعل عندك هورس باور عالي يعوض الوزن الي زاد على عربيتك ده :verygood:

انا فهمت كلام حضرتك وهوا فعلا يلخبط :)
كده كده الوزن بيفرق علي الموتور سواء كان 1000 سي سي او 8000 سي سي
وهنفترض مثال هنا عربيه لانسر 1300 سي سي و لانسر 1600 سي سي ونفس الفتيس الاتنين
هنفترض ال 1300 وزنها 1000 كيلو وال 1600 وزنها 1200 كيلو
ال 1300 بتطلع من 0 ل 100 في 14 ثانيه وال 1600 بتطلع في 12 ثانيه
هنيجي نركب 5 اشخاص في العربيتين
اعتقد -- وده رأيي الشخصي ويحتمل الصواب ويحتمل الخطا --
ان ال 1300 ممكن تطلع في 17 ثانيه -- الزمن الاصلي 14 --
لكن ال 1600 ممكن تطلع في 13.5 -- الزمن الاصلي 12 --
انت بتفكرني بحاجه مشابهه ل
اتنين واقفين في مدخل عمارة واحد طفل عنده مثلا 10 سنوات والتاني شاب مفتول العضلات عمره مثلا 22 عام
الشاب بيطلع العماره اسرع من الطفل مثلا ب 5 ثواني
هنفترض ان احنا هندي كل واحد فيهم كيس وزنه 30 كيلو
هل تعتقد ان فرق ال 5 ثواني هيفضل زي مهوا ؟
اعتقد ان الفرق ممكن يوصل للضعف تقريبا

اقتباس:

---

هل ده صحيح ؟ ولا الموضوع بيعتمد اكتر على ال Horse power والعزم اللى بيطلعها كل ماتور مقارنة بوزن العربية Net result ؟ ماهو ممكن ماتور 1300 بيطلع Horse power اعلى من ماتور 1600 !

---

في الجزئيه دي انا بتكلم عن نفس الموتور بس اختلاف السعه لكن مينفعش تقارن موتور 1300 تربو او في تك بموتور 1600 عادي
لكن انا فاهم قصدك انت عاوز تفهم الموضوع جاي ازاي
بمعني انت عاوز مثلا حاجه زي معادلات
موتور 1300 سي سي يشيل لحد 200 كيلو بدون تأثر
موتور 1600 سي سي يشيل لحد 350 كيلو بدون تأثر
موتور 122 حصان يشيل وزن 400 كيلو بدون تأثر
موتور 198 حصان يشيل وزن 1 طن بدون تأثر
موتور 160 عزم نيوتن يشيل وزن ........
موتور 220 عزم نيوتن يشيل وزن .........
لو انت قصدك كده انا معرفش :glasses18: ومعرفش في ناس فكرت في الحته دي اصلا ولا لا :glasses18:

اقتباس:

---

فلو زودت شخص "70 كيلو في المتوسط زيادة" هل التاثر هنا هيبقى زي هنا ؟

---

اعتقد لو في عربيه زي الدودج رام مش هتحس انت مركب 5 مش واحد بس :glasses18:

اقتباس:

---

واخر حاجة : استفسار بسيط هل فيه حل للتغلب على موضوع ضعف التسارع مع وجود حمولة ؟ يعني مثلا عندي العربية بحسها بتتاثر بالوزن جامد فهل فيه حلول لتفادي الموضوع ده ؟

---

اكيد لا طبعا
انا اعتقد ان الموضوع اولا بيعتمد علي السعه اللتريه وبعد كده بيعتمد اكتر علي العزم مش الهورس باور
والله اعلم

ممكن بالتعديلات تتغلب على حكاية تباطىء التسارع :)

اقتباس:

---

المشاركة الأصلية كتبت بواسطة smsm_nabawy

ممكن بالتعديلات تتغلب على حكاية تباطىء التسارع :)

---

التعديلات دي هتسري ع العربيه بتاعته والعربيه التانيه بردو

اقتباس:

---

المشاركة الأصلية كتبت بواسطة smsm_nabawy

حسب معرفتش ي اخي العزيز ،، ملهاش دعوة بالسعة اللتربية ،،

لكن ليها دعوة بالهورس باور !!

تخيل عربيتين بيجرهم نفس العدد من الأحصنة !! بنفس الصحة و العربيتين ليهم نفس الوزن !!

لما تزود وزن في عربية من الأثنين !! حيأثر ده على سرعة العربية الي بيجرها الحصان !! :)

و السعة اللتربية لا تؤثر في كده !! لأن في عربيات ال سي سي بتاعها قليل و لكن الهورس باور بتاعها يكافء هورس باور بتاع عربيات السي سي بتاعها كبير

فهي عامةً منظومة ،، كل حاجة فيها بتنفذ على الثانية ،، لكن في العموم ،، بيحكم الموضوع ده ،، "الهورس باور" :)

تحياتي و انتظر رأي الآخرين

---

+11111111 ونفس الكلام دة بينطبق على العزم اكيد عزم البوما اعلى من عزم الياريس:O_stupid[1]:

الموضوع كله عزم لا هورس باور ولا سعة لتريه

اقتباس:

---

المشاركة الأصلية كتبت بواسطة ahmedbasto

+11111111 ونفس الكلام دة بينطبق على العزم اكيد عزم البوما اعلى من عزم الياريس:o_stupid[1]:

---

معرفش والله علشان مكنش بفتي .. أنا معرفش انهو عزم أكبر لأني معرفش العربيتين اوي لدرجة اني أعرف عزم كل واحدة بيطلع على قد ايه!!

بس هيا منظومة !! العزم و الهورس باور ،، هما الي ليهم علاقة بالموضوع ده ،، و بيأثر عليهم زيادة وزن العربية !! :)

بس هو العزم زى ما يوكو قال وانا قولت فى مشاركتى لان العزم دة بيكون عزم الجر والتحميل يعنى مثلا عربية فيات او فولكس تبريو 1400 عزم 205 تقدر تحمل وتطلع من عربيات كتير لان عزم الجر بتاع العربية عالى اللى هو يقدر يحرك العربية بكل وزنها دة اللى بيفرق من عربية لعربية بجد موضوع العزم يعنى مثلا هات الشاهين وحمل فيها اربعة وهات جمبها لينيا تيربو وبرضو حمل فيها نفس الأربعة هتلاقى اللينيا طلعت من الشاهين دة علشان فرق العزم بين العربيتين وكمان العزم دة بيطلع عند أر بى أم كام دى تفرق مع اللى سايق فى النقل هينقل امتى علشان يأخد عزم العربية كله .

ياباشا العزم هو العامل اللي بيفرق في الموضوع يعني خد عندك مثلا عربيات النص نقل اللي حمولتها 2 طن هتلقى الحصان بتاعها كلام فارغ بس عزمها عالي جدا باختصار العزم العالي هو اللي بيخلي العربيه فايقه تحت كل ظروف الاحمال (وزن العربيه-حموله-مطالع-تكييف)

فعلاً العزم يا جدعان ،، النهارده سألت معيد عندنا في ميكانيكا !1 و قالي نفسس حكاية العربيات النقل دي !! :))

hany63

هوا انت المعيد ولا اييييييه ؟؟؟؟؟ =)))

اللى بيفرق العزم

وما ينفعش تقول زودت او نقصت 70 كيلو هنا وهنا

لان الـ 70 كيلو نسبتهم مختلفة في كل عربية

لو ادينا اي مثال تانى وقلنا مثلا جهاز كمبيوتر الرام بتاعه 4 جيجا وجهاز تانى الرام بتاعه 512 ميجا

ما ينفعش اقول انا هنقص 256 ميجا من الاتنين واشوف الاداء هيقل بنفس المقدار ولا لا

لانك في الحالة الاولى نقصت 1/16 وفي الحالة التانية نقصت النص
فبرغم ان الـ 256 كقيمة ثابتة بس تأثيرها بيفرق حسب نسبتها من الاجمالى

اقتباس:

---

المشاركة الأصلية كتبت بواسطة smsm_nabawy

فعلاً العزم يا جدعان ،، النهارده سألت معيد عندنا في ميكانيكا !1 و قالي نفسس حكاية العربيات النقل دي !! :))

hany63

هوا انت المعيد ولا اييييييه ؟؟؟؟؟ =)))

---

هههههه لا انا واحد تاني انا كنت من فتره برضه متلخبط بين العزم و القوه الحصانيه و اللي خلاني افهم و احس بالفرق عمليا ان كان عندنا باسات FSI 115 حصان سحبها نيله ولما نزلت ال TSI 122 حصان قلت ياواد ال 7 حصان مهما عملوا الفرق مش كبير و لكن المفاجأه لقيتها وحش كاسر جنبها كأنها 6 سلندر فابتديت اشوف العوامل التانيه لقيت مثلا ان فتيس ال TSI )DSG مافيهوش power loss مقارنه بالاوتو العادي اما الفرق الرهيب حصل بسبب عزم موتور ال tsi 200 نيوتن مقارنه بال fsi 150 نيوتن فوزن العربيه التقيل مبقاش عامل مؤثر كانك حطيت موتور 1600 على عربيه ماروتي اتمنى اكون وضحت وجهه نظري

loud and clear :D

زي ما انتم كلكم قولتوا العملية كلها مرتبطة بالعزم مش بالسعة

بإختصار العزم ممكن نعبر عنه بانه القدرة على مقاومة الاحمال ( أو يعني تسيير حمل )
اما القدرة الحصانية هي القدرة على إكتساب السرعة

فلو انت بتحمل كتير يبقى يهمك في المقام الاول ان العزم عندك يكون كبير

العزم +الهورس باور+وزن العربيه+السعه التريه +نوعيه الجر سواء خلفى او امامى =اعتقد المعادله دى كلها لازم تتحسب علشان نعرف ازاى دى سبقت دى
مينفعش عنصر لوحده

اقتباس:

---

المشاركة الأصلية كتبت بواسطة minicooper20

العزم +الهورس باور+وزن العربيه+السعه التريه +نوعيه الجر سواء خلفى او امامى =اعتقد المعادله دى كلها لازم تتحسب علشان نعرف ازاى دى سبقت دى
مينفعش عنصر لوحده

---

العزم ومنحناه ومقدار الفقد في الات الجر كفايه جدا

الهورس باور هو اللى بيحدد السرعة القصوى ... والعزم هو اللى بيسهل الوصول للسرعة دى رغم اختلاف باقى المتغيرات مثل الوزن الزائد وظروف الطريق زى المطالع أوالمشى عكس اتجاه الهواء وما إلى ذلك .

اقتباس:

---

المشاركة الأصلية كتبت بواسطة No Comment

الهورس باور هو اللى بيحدد السرعة القصوى ... والعزم هو اللى بيسهل الوصول للسرعة دى رغم اختلاف باقى المتغيرات مثل الوزن الزائد وظروف الطريق زى المطالع أوالمشى عكس اتجاه الهواء وما إلى ذلك .

---

الله ينور عليك

الموضوع مرتبط بعزم المكنة فقط لاغير

MMamdouh

اقتباس:

---

المشاركة الأصلية كتبت بواسطة amrelsaqqa

الله ينور عليك

---

وعليك يا جميل ... مش حضرتك برضوا اللى كنت عامل تعديل لعددات البيجو .

لا ياباشا بتأثر على كل السعات عموما يعنى انا لى واحد صاحبى بيحكيلى على حد من اصحابه مكنش بيركب معاه فى العربيه اكتر من واحد بس علشان السباقات و المطبات -مع انه كان بوموتور مايفك 2400 سى سى -