ماتور ل لانوس 2012

**beshoylove1** · 11-03-2012 02:22 AM

واحد صاحبي معاة لانوس 2012 و عاوز يسقطلها مكنه 1600 فا انا اقترحت عليه مكنه النوبيرا و نسيت خالص ان العربيه شفروليه فا عاوز اعرف ينفع يركب عليها مكنه اوبترا و لو ينفع حتعمل كام و ايه التعديلات المطلوبه

**lanos2004** · 11-03-2012 02:28 AM

شوف بقه لو غاوى يروح يشترى مكنه لانوس 1600 هيه بتاعت الانوس مش بتاعت النوبيرا دى بتركب على نفس القواعد ما فيش اى تغيير ويركبها ويمشى بيها عادى ويحتفظ بالماتور القديم وطبعا الفحص كل ثلاث سنوات قبل ميعاد الفحص باسبوع يركب مكنته يروح يفحص بيها ---لان اكيد مكنه الاوبترا غاليه جدا ومكنه الانوس 1600هتعمل من 2500 الى 3000 كامله ولو غاوى قوى يحط فيها مكنه ليجانزا بس هيطر يغير فى القاعدة اليمين ودى 2000 سى سى

**beshoylove1** · 11-03-2012 02:33 AM

شكرا قوي على الرد يا باشا ... طب المكنه دي حتعوز دفيره و كارته تانيه ولا حتركب ذي ما هي كده

**lanos2004** · 11-03-2012 02:42 AM

شوف هيه هتركب على نفس الضفيرة والكنترول وهتدور وهتمشى وهتجرى--بس استهلاك البنزين مش هيكون تمام وهتلاقى نتشه بين النقلات الصح الماتور بالكنترول--انا مغير ماتور لانوس مغيرتش الضفيرة بس غيرت الكنترول فقط مع ان القديم كان شغال بس كان فيه تنتيش راح لما غيرته--الماتور 1600 فيه سلك زيادة بتاع بلف vgis ودة ممكن تاخد سلكه من الكنترول مباشر او اصلا ممكن تخليه مفتوح على طول --يعنى الصح انك تغير الكنترول

**prince2005** · 13-03-2012 11:01 AM

changing the new engine with a used one is not a good idea after all.The car is brand new and you can try to enhance its performance by many things;like installing sport air filter,high performance ignition wire set or split fire.....etc

**احمد فهمى** · 13-03-2012 12:24 PM

خساره تعمل كده فى عربيه 2012 اشترى واحده قديمه ماتورها مفوت واعمل فيها الكلام ده ولو هتجيب هات متور من نص لانوس 1600 واشتريه بفتيسو وكنترولو وكل حاجه

**shaddadfalcon1** · 13-03-2012 03:03 PM

الواحد ممكن يعمل كده لما تكون المكنه خلاص اتعدمت ومش بتمشي خالص ومش نافعه او علي الأقل العربيه تكون موديل 5 سنين مثلا لكن 2012 ويعمل فيها كده حرام قوي والموتور لسه بصحته ولو باعه مش هيجيب حاجه