الموضوع: عاوز اركب تكييف للبولو ارجو الاهتمام

المشاركة الأصلية كتبت بواسطة ashoub

انا معايا عربيه بولو 97 والتكييف الى راكب فيها مش بتاعها كومبرسور صغير وطبعا الكفاه وحشه جدا لازم اكون بجرى بالعربيه علشان الجو يبقى كويس ففكرت مثلا انى اركبلها تكييف دايو او فيرنا فهل ده ممكن ينفع ولا لا وايه التكييف المناسب ليها لان تكييف البولو الاصلى مش حلو فعاوز اعرف هل ممكن اركب تكييف الفيرنا والتكلفه هتبقى كام بالتفصيل واسعار القطع الى اجبها ومعلش هتعبكم معايا بس ياريت الى عنده اى معلومه يقولهالى وشكرا

السلام عليكم

ازيك يا هندسة عامل ايه عايزك ترد علي الأسئلة دي عشان نحاول نوصل لأفضل نتيجة بأقل تكاليف ان شاء الله
1- هل انت حاولت مثلا تشحن تكييف عربيتك و تضبط الفريون فيه قبل كده ؟قلنا عملت ايه و النتائج
2- التكييف عندك متركب حسب كلامك ؟ هل تقدر تقلنا نوع الكمبوريسور اللي عندك ايه ؟
3- هل لما ركبتلها تكييف كل حاجه كانت أصلية يعني سربنتينه خارجيه و داخلية و مواسير و مكثف و حساسات و .... كل المكونات كانت أصلية و الكمبوريسور فقط هو اللي مش أصلي و لا ؟
4- وانت بتركبه جبت القاعده الي عليها الكمبوريسور و اللي بتتثبت علي الموتور أصلية ولا عموله ؟
5- السربنتينه الخارجيه اللي جنب الرادياتير كبيرة ولا صغيره و مروحة واحده ولا اتنين ؟
وياريت تصورلنا الدنيا عندك عشان توضح
6- العزل عندك في العربية ظروفه ايه كويس ولا وحش و لا ايه بالضبط ؟

منتظر ردك و ربنا يوفق و أقدر أساعدك

المشاركة الأصلية كتبت بواسطة ashoub

متشكر جدا ياهندسه على الاهتمام
بالنسبه للعربيه انا كنت شاريها كده بالعربى متركب تكييف بلدى الكومبرسور الى موجود يابانى بس صغير والسربنتينه الاماميه انا شارى الصدر كله استيراد بمروحه واحده والسربنتينه الداخليه مش قوى مش عارف نوعها ايه وشحنت قبل كده التكييف مرتين بيشتغل حلو لما تبقى ماشى مثلا على 120 بيبقى كويس لكن لو واقف فى زحمه قله احسن مبيعملش حاجه خالص وطبعا لا فى حساسات ولا حاجه الراجل الواجب الى عمله ان كان مركب ترموستات وبالنسبه للعزل كويس فانا قولت اكبر دماغى واغير الليله ده كلها فياريت حضرتك تقولى اركب كومبرسور نوعه ايه وهيتكلف كام انا بفكر اركب تكييف دايو ايه رايك؟ وشكرا على اهتمامك

رأيي ان كفاءة التكييف بتعتمد علي عوامل كتير جدا و مش شرط تغيير الكمبوريسور هو اللي يحل مشكلتك و كنت عايز أعرف منك العربية كانت نازلة مجهزة تكييف ولا لأ يعني علي الأقل لو مجهزة تكييف يبقي السربنتينه الداخلية هتلاقيها اوريجينال و كذلك البلاور و فتحة الفلتر بالبوابة ؟هل دول متركبين ولا كانت نازلة بيهم و بعدين كملت

بخصوص كفاءة التكييف اللي عندك و العيب فين بالضبط
ممكن يكون تكييف عربيتك اللي متركب ده كويس و لكن فيه نقطة ضعف معينه ممكن نعالجها و تسيبه كده
بمعني انه ممكن يكون الكمبوريسور كويس و كل الدورة تمام و لكن المروحة اللي برة قدام السربنتينه ضعيفه و مش قايمة بوظيفتها في التبادل الحراري صح ولما بتمشي بسرعات عالية الهواء بيقوم بالوظيفة دي و هنا ممكن نغير السربنتينه لو صغيره و ولو كبيرة و المروحة هي اللي صغيره نغيرها بمروحة أكبر بتجهيزة او نشيلهم الاتنين و نركب سربنتينه زي اللي عندي بمروحتين هتلاقي الدنيا ظبطت و بقت فل

منتظر ردك علي اللي قلته و بناء علي ردك ممكن نكمل زي مانا بفكر معاك كده و نحاول نحل المشكلة بدون تغيير كامل

وفيه نقطة كمان انت مش واخد بالك منها ان الكمبوريسور كل ما كبر كل ما تأثيره بيكون اكبر علي المحرك اثناء بدء التشغيل و عند التحرك و لذلك مينفعش نركب اي حاجه علي محركك
يعني مثلا فيه الابيزا و الكوردوبا 2001 المحركين مختلفين و كذلك الاتنين كمبوريسور مختلفين لأن محرك الكوردوبا اكبر و عليه كمبوريسور اكبر و هكذا

المشاركة الأصلية كتبت بواسطة ashoub

والله انا حاولت فيه كتير بس جه الوقت الى اغيره لانه بجد الى مركبه كان بخلان قوى فيه ومش مكلفه وكنت عاوز اسال حضرتك على حاجه لو فكرت اجيب تابلوه جديد موديل مثلا 2006 او 2007 ينفع يركب عندى ويكون تكلفه التابلوه كام وايه مشتملاته لانى عاوز ادلع العربيه بصراحه

مينفعش لأنه تصميم مختلف تماما و كذلك التثبيت و مواضع كل حاجه مختلف
و طالما مصمم تغير التكيف كله خلاص غيره و لكن هيكلفك كتير و ممكن متحسش انك مغيرتش و كمان مش هيفيدك في ثمن العربية
تجربتي سابقا لما كان معايا ابيزا 98 و فاضية تماما و لقيت أسعار الكماليات عالي و التركيب عك في عك كبرت دماغي و غيرت العربية تماما و اشتريت كوردوبا كاملة بكل حاجه و الحمد لله كويسه معايا