الموضوع: نصيحة بخصوص التموين من محطات البنزين

من أعتقادي أن الوساخة مهما كانت مش هتخلي العداد يقرأ براحة لأن العوامة بتترفع مع المنسوب اللي داخل التنك من البنزين سواء فيه وساخة مع البزين او سوايل تانية ولا مفيش.

وبالنسبة لموضوع التانك بتاعك عشان موضوع التقطيع دا, مادام مش هتعرف تنزل التانك فيه حل ممكن تعمله أنك تروح لميكانيكي انت تعرفه وهتقله عايز افضي التانك وتاخد معاك جراكن نضيفة علي قد البنزين اللي جواها
هيحط لك خرتوم ويشفط ببقه او باي حاجة هتلاقي البنزين كله طالع من التنك
اخر 10 لتر دخلهم وطلعهم مرتين عشان لما بتصبهم تاني في التانك بيحرط الوساخة او الترسبات اللي في قعر التانك وبتطلع لك لما بيشفط تاني.

تسيب البنزين اللي انتا طلعته بره اما يصفي خالص وتحط النضيف منه أو تروح تفول العربية
عشان تبقي ريحة بالك أكتر.
لو فضلت القراية وحشة يبقي الطرمبة عندك بدأت تتعب أو الفلتر اللي جواها اتوسخ من الشوائب, بس الفلتر مالوش علاقة برضه بالقراية.

المشاركة الأصلية كتبت بواسطة romieh

انا هنا مش بتكلم عن تنك البنزين بتاع عربيتى

انا بتكلم عن محطة البنزين نفسها (عداد الطرمبة اللى بيكون فيها المسدس)

هى دى اللى كانت بتحط بنزين فى عربيتى ببطئ شديد

انما انا قراية العداد بتاع عربيتى سليم مافيهوش مشكلة ومالوش دعوة بالمشكلة اللى حصلت

بالنسبة لاقتراح حضرتك فانا اشكرك عليه بس برضه مش هينفع

لان مهما الراجل سحب بالخرطوم مش هيوصل انه يسحب الشوائب اللى هتكون فى اسفل التنك وفى الاماكن الضيقة اللى فى التنك

شكرا ليك مرة تانية على معلومة التموين والعربية دايرة

أه أنت قصدك علي العداد بتاع البنزينة نفسه..
أنا وكذا عضو فهمو ان قصدك علي عداد بنزين عربيتك عشان كدا بدأ الكلام يدخل في مجري انتا بتسيبها دايرة ولا لأ.
وهيا فكرة حلوة برضه ان الواحد يراقبه وانا دايما براقبه عشان الحساب,
بس موضوع انو يبقي بطئ دا مقدرش أحكم فيه انو يكون تانك بيشطب ولا طرمبة البنزينة نغسها ضعيفه. لان في بنزينات زي الحكومية اللي هيا بنزينه مصر والتعاون عداداتها رقمية مش ديجيتال, ودي سرعتها أقل وعمرها اقدم من الديجيتال الجديد سواء اللي امارت مصر او شل ومش بيبقي في منها مشاكل او يتخاف منها.
وفي كل الاحوال الاحتياط واجب لو السرعه مش حلوة أو لو فيهت تخريف نتجنبها أفضل,
شكرا ليك برضه علي الملحوظة دي.