الموضوع: أخوانى فى الله أرجو مساعدتى فى حل مشاكل عربيتى

أخى فى الله أرجو أن تساعدنى فى حل مشاكل عربيتى أشرح لحضرتك اللى فيها
1- الكربرتير بكون عليه زى شحم كله والخراطيم كمان غرقانه شحم
2- وبكون تحت الكربرتير زيت مغرق المنطقه اللى تحتيه
3- ولما بفتح غطا الأسبراتير بلائى جوا زيت بسيط على المنطقة اللى فيها الأبلتين
4- وعندى جسم العربية من تحت غرقان زيت عند الكرتيرة والفتيس وكمان الحته اللى فى أول الشكمان بعد الفرن لحد نصف الشكمان من تحت
5- وصوت عالى زى ما يكون الشكمان مخروم مع العلم الصوت ده اول ما حصل العربية سحبها ضعف أوى الصوت بزيد لما بدوس بنزين زى ما تقول كده العربية عزمها ضعف اوى
أرجو مساعدتى ربنا يجزيكم خير

بالنسبة للكربرتير انصحك تروح مركز الصفا ودة مخصص لصيانة الكربرتير وظبطة بالكمبيوتر هما غاليين شوية بس بعدها مش هتشتكى من الكربرتير نهائيا
اما بالنسبة للاسبراتير ممكن تكشف فى المركز فسة على الاسبراتير
وموضوع الزيت اللى من تحت لازم تخلى الميكانيكى يشوفلك اية اللى بيسرب زبت
ولازم تكشف على الشكمان وتتاكد ان مفهوش اى خرم وانشاء الله دة كلة ممكن يختفى بعد متصلح الكربراتير