الموضوع: موبايل سوني اريكسون xperia arc s للبيع

المشاركة الأصلية كتبت بواسطة alsharief

باشا بعد إذن حضرتك بما إنك من مالكى التليفون ده و أنا بصفة عامة أحترم السونى جدا جدا جدا بس أنا عايز أعرف عيوبه من حضرتك لإنى سمعت عن عيب معين من كذا واحد إتعامل مع فصيلة الإكسبيريا بالأخص
فممكن حضرتك توضحلى العيوب من وجهة نظرك و شكرا

هوا انا مش فاهم الكلام موجه لي ولا للاخ صاحب الاكس 10
ايا كان لو ليا
فأنا هقولك الجهاز ده ابدعت فيه سوني بجد
تفوق وتطور ملحوظ ما شاء الله
سوني قادمة وبقوة والاكسبيريا اس اللي هينزل قريب عندنا تحفة فنية فعلا

الارك اس جهاز لا يمل منه ماشاء الله بس انا محتاج شاشه اكبر من كده وغالبا هجيب النوت او لو الجهاز هنا مجبليش السعر هشتري تابلت وخلاص ولا ابيع ولا اوجع دماغي

المشاركة الأصلية كتبت بواسطة ahmed mubarak

لو تسمح ممكن انا اعرف ايه العيب اللى حضرتك سمعت عنه علشان انا مقبل على شراء تليفون سونى اريكسون

بالنسبالي مفيش عيوب

في ناس ممكن تشوف الذاكرة الداخلية لاجهزة سوني صغننه
برد عليهم واقول مفيش اكتر من البرامج اللي بتنقل كل حاجه عالميموري وعن نفسي مستب اكتر من 80 ابليكيشن علي جيمز منهم جي تي ايه 3 اللي ملفاتها بس جيجا ونص !!!

تحياتي

المشاركة الأصلية كتبت بواسطة alsharief

[color="purple"]والله هو ليا واحد صاحبى عنده التليفون xperia x10 و كان عايز يبيعه و كنت هشتريه منه بس لما قولت أجربه الأول لقيته بيفصل لوحده بيعمل ريستارت كل شوية ( و أنا بعمل مكالمة منه ألاقيه يدى صفارة غريبة و يفصل و لما يشتغل تانى ميقرلش sim card مع إنى كنت لسه من دقيقة قبل ما يفصل بتكلم و كله تمام كذلك مثلا تيجى تشغل الوايرلس أو البلوتوث تلاقيه تنح و فصل و ساعات يفصل و مايرضاش يشتغل بس لاحظت إنى لما بشيل السيم و كارت الميمورى يفضل شغال زى القطر من غير أى مشاكل

بصراحة مش عارف المشكلة فين لإنى حاولت معاه مرارا و تكرارا أملا فى حل المشكلة ( تغير سوفت ووير و أبديت للإندرويد نفسه مش بس كده فتحنا التليفون و غيرنا البوردة إللى مسئولة عن قراءة السيم كارد مافيش فايدة .

مش عارف ده مشكلة تليفون صاحبى ده و للا ده فى الx10 , و للا ده فى كل الإكسبيريا

طبعا أنا قولت أسئل لعل و عسى حد قابلته المشكلة ده و بفضل الله عرف يحلها [/color]

ده شكله عيب هاردوير ياباشا

انا عن نفسي معايا الارك اس عمره اصلا ما رستر
واختي معاها ارك اس بينك والحمد لله تمام التمام

ومشفتش حد اشتكى من ولا جهاز للسوني فغالبا دي مشكله فردية

تحياتي