الموضوع: مجتاج كاميرات مراقبه اعمل ايه؟؟

السلام عليكم و رحمه الله و بركاته

حضرتك حظك حلو , انا كنت لسه بدور فى الموضوع ده و وصلت لحلول كويسه , انا كنت عاوز كاميرات اشوفها و اسجل الصور عن طريق الكمبيوتر و فضلت ادور لغايه ما لقتيت برنامج رائع اسمه iSpy و ده ممكن توصل عليه الكاميرا و البرنامج مجانى و تقدر تظبه انه يسجل لما يبقى فيه حركه معينه او من غير تسجيل خالص زى ما اتن عاوز , و كمان تقدر ترسم خريطه للمصنع و تحدد كل كاميرا فين بحيث تدوس على المكان اللى انت عاوز يطلعلك صورته

تانى حاجه بالنسبه للكاميرات طبعا فيه موديلات و انواع كتير و انا كنت ساسا نزلت ادور فى باب اللوق لان دى ارخص حته اعرفها , جربيت كاميرتين و الاتنين Audio / Video يعنى مش IP Camera , الاولى كانت لاسلكى و كان تمنها 275 جنيه بس طلعت تعبانه اوي و مداها صغير اوي , يعنى بالكتير جوه الاوضه لو طلعت بره الصوره تروح

و بعدين جبت واحد تانيه سعرها 175 جنيه طلعت كويس اوي و فيها رؤيه ليله عن طريق Infrared Leds يعنى حتى لو الدنيا ضلمه خالص بتقدر تشوف بس الصوره بتكون ابيض و اسود و جربتها عندى فى البيت و شغاله كويس اوي

بالنسبه لو انت عاوز توصل الكاميرات دى على تلفزيون حتبقى سهله لان التلفزيون اصلا فيه مدخل Audio / Video أما لو عاوز توصلها على كمبيوتر او لاب توب لازم تجيب حاجه اسمها DVR

لو حضرتك مهتم و عاوز تعرف معلومات اكتر يا ريت تبعتلى انت عاوز تعمل ايه بالظبط و انا احاول افيدك باللى وصلتله

طبعا انا بشكر حضرتك على المعلومات دى

ممكن اعرف نوع الكاميرا الى ب 175؟؟

انا كل الى عايز اعمله ابقى قاعد فى الدور الى تحت و شايف المكان فوق و كل الى هحتاجه كامرتيين او تلاته بالكتيير بس فى الغالب كامرتين

انا كنت بفكر فى موضوع الاى بى كاميرا بس انا جربته قبل كده فى مكان تانى كان فيه مشكله للكاميرا و كل شويه تفصل و حوارات من دى

فياريت حضرتك تشرحلى فكره الكاميرا الاديو فيديو دى و كمان انا فعلا عايز اوصلها على كمبيوتر فياريت تقولى بكام الجهاز الى حضرتك قلت عليه الى هو dvr و ده ايه وظيفته بظبط؟؟

المشاركة الأصلية كتبت بواسطة motoxp

لو عايز حاجة محترمة من شركة schneider كلمنى على الخاص وعلى فكرة انا شطبت مصانع كتير و انظمة كاميرات كتير و ممكن افيديك

انت غالبا هتحتاج 4 كاميرات 2 ثابتة و 2 متحركة (على كلامك ) انا مزود واحده للمدخل مهمة جدا فى الظروف الصعبة دى

وdvr يسجل حتى 2000 جيجا
و 2 شاشة lcd 21
, وبطاريات تكفى التشغيل 3 ساعات
وcontroller keypad للتحكم فى حركة الكاميرات المتحركة

طيب ممكن اعرف الاسعار التقريبيه كام؟؟

انا مش هحتاج اكتر من كامرتين لان المكاان صغير هو بس احنا هنحتاج كاميرات علشان نعرف الدور الى فوق شغالين ولا قاعدين بيضيعوا فى الوقت انت عارف بقى العمال و المجهود الى بيتعمل علشان يشتغلو

كمان انا مش هحتاج شاشات خالص انا عايز اوصل الكامرتيين دول على الكمبيوتر الى تحت مش اكتر

فياريت حضرتك تقولى هتكلف كام تقريبا؟؟