نظام فودافون 14 قرش الدقيقة و الخدعة

انا الاول كنت على نظام 19 قرش الدقيقة
و من 3 ايام حولت لنظام 14 قرش الجديد اللى المفروض على حسب كلامهم فى الاعلان (من غير شروط )
اتضح انهم بياخدوا 25 قرش على اول دقيقة فى اليوم و بعد كدة كل دقيقة بـ 14 قرش
مع ان فى الاعلان ماكنش مكتوب كدة
حتى لما كنت بحول اللى بتتكلم ماقالتش حاجة عن موضوع الـ 25 قرش دة
حتى على الموقع الرسمى بتاعهم مش مكتوب عنها برضو غير ان النظام بدون اى شروط
يعنى لو حسبناها هتلاقيها هى هى نظام 19 قرش
يعنى 5 دقائق 14 قرش بـ 0.95 جنيه
و برضو 5 دقائق 19 قرش بـ 0.95 جنيه يعنى مش هاستفيد من النظام الا من بعد الدقيقة السادسة
و الرسائل بقت بـ 30 قرش يعنى اغلى من نظام الـ 19 قرش
دة غير رسوم التحويل للنظام 2 جنيه حرق و نار فى جتتهم يعنى 10دقائق
فريق تسويق غبى و فاشل جدا جدا دة اذا كان فيه اصلا فريق تسويق
حسبى الله و نعم الوكيل فيهم
نفسى فى مرة فودافون تعمل نظام واضح من غير خبايا او نصب على العميل
لازم كل نظام يكون فيه نصباية

انت متاكد من الكلام ده انا كنت على نظام 14 قرش وكانوا بيخصموا اول مكالمه فى اليوم بس ب 25 قرش وبقيه اليوم ب 14 قرش لكل الشبكات ازاى بقى هيبقى نفس نظام 19 قرش . بالنسبه للعرض الجديد انا راجعت تفاصيل المكالمات زى ماقالوا مش بيخصموا غير 14 قرش للدقيقه حاول بس تتاكد من موضوع اول دقيقه ده

انا لقيت الناس فى المنتديات بتتكلم فى الموضوع دة
النظام دة لسة نازل من حوالى 4 او 5 ايام
ماهو لو حضرتك حسبتها
14 قرش اول دقيقة + 25 قرش رسم فتح اليوم + 4 دقائق 14 قرش يبقى 0.95 جنيه
و 5 دقائق 19 قرش الدقيقة برضو بـ 0.95 جنيه
الشبكات كلها بتعمل عروض عادى و عروض واضحة و فودافون لسة بتتكلم فى فتح المكالمة و فتح اليوم و من اول دقيقة مش عارف ايه
ايه العك دة
ياريت حد ياكدلنا على موضوع الـ 25 قرش دة

سيدى الفاضل هو انت واضح انك عندك لبس فى الموضوع ايوه نظام 14 قرش القديم اللى كانت اول دقيقه فى اليوم ب 25 قرش لو خمس دقايق فى اليوم ب 95 قرش زيه زى نظام 19 قرش لكن بقيه اليوم فى فرق 4 قروش فى الدقيقه مين فى مصر دلوقتى بيتكلم خمس دقايق فى اليوم بس ده كان للنظام القديم اما النظام الجيد فا الدقيقه ب 14 قرش من اول دقيقه ومافيش 25 قرش فى اول مكالمه ولا حاجه والموضوع بسيط لو حابب تتاكد تدخل على النت على الموقع بتاع فودافون وتنزل تفاصيل مكالماتك وتتاكد من اللى انت عاوزه

فودافون دايما مصاريفها مستخبية كده على طول وشبكة مش كويسة خالص عن تجربة بس بصراحة خدمة عملاء كويسة جدا بس مفيش حل للمشاكل خالص

ياريت يكون كلام حضرتك صح

شركات المحمول بتتفق مع بعض تقريبا قبل ما ينزلوا عروض جديدة
اتصالات برضه عاملة نظام (14 قرش بجد) بتكلم اى شبكة والارضى بـ 14 قرش من اول دقيقة
ومفيش مقالب او حاجات مستخبية جربته بنفسى والتحويل بجنيه ونصف

انا موبينيل و 15 قرش من اول دقيقة و اتصالات 14 قرش من اول دقيقة

اقتباس:

---

المشاركة الأصلية كتبت بواسطة mohamadfawzy

شركات المحمول بتتفق مع بعض تقريبا قبل ما ينزلوا عروض جديدة
اتصالات برضه عاملة نظام (14 قرش بجد) بتكلم اى شبكة والارضى بـ 14 قرش من اول دقيقة
ومفيش مقالب او حاجات مستخبية جربته بنفسى والتحويل بجنيه ونصف

---

لا دي بتبقى تسعيرة جهاز تنظيم الاتصالات و اول ما يوافق على تخفيض التعريفة كله بيخفضها

في فرق بين نظام 14 القديم الي بياخد 25 قرش منك مع اول مكالمه

ونظام 14 الجديد الي بدون الـ 25 دي

اقتباس:

---

المشاركة الأصلية كتبت بواسطة aly_hosny

لا دي بتبقى تسعيرة جهاز تنظيم الاتصالات و اول ما يوافق على تخفيض التعريفة كله بيخفضها

---

تنظيم الاتصالات شال ايده ليه حوالي سنه من موضوع التسعير ده وسابلهم المنافسه

بس بشرط ان تكون اسعار الدقيقه للشركات التانيه نفس السعر

يعني لو فرضنا انك فودافون

انتا حر في سعر دقيقيتك جوه الشبكه بتاعتك ان شاء الله تخليها ببلاش

لاكن اسعار الشبكات التانيه تبقي زي بعض ان شاء الله لو خليتها بقرش الدقيقه يعني متخليش اتصالات بسعر والارضي مثلا بسعر مختلف

وهما فعلا بيتفقوا مع بعض علشان ميحرقوش بعض بس دي وظيفة قسم الماركتينج في كل شركه

A.Yakout

موبينيل الدقيقة فى روقنجى اليومى بقت ب 14 قرش بدون رسوم فتح مكالمة و بدون اشتراك شهرى
و تكلفة التحويل من على الانظمة القديمة 1 جنية

انا فودافون وبتكلم ب14 قرش من اول دقيقة
انا نظام اسمه ايزي 14 ودة بيخليني اشحن ولما اخلص الشحن بدخل في كريدت Credit 150 جنيه اسدهم اخر الشهر بردو بكارت شحن
نظام مريح وموفر نوعا ما

وبعدين انا في الحاجات دي بحب اروح الأستور بتاع فودافون ومش بتكلم في التليفون مع خدمة العملاء - اللايف احسن واوضح

والله المستعان
،
،

يا جماعة انا على نظام فودافون 14 قرش وفعلا فى رسوم 25 قرش بس لاول دقيقة فى اليوم وباقي اليوم ب 19 قرش
يعني بالبلدي كده اول دقيقة فى اليوم ب 39 قرش وباقي اليوم ب 14 قرش للدقيقة

والكلام ده انا متأكد منه مليون فى الميه

اه صحيح انا على نظام ال14 قرش وفعلا رسم فتح المكالمه فى اليوم ب25 قرش ......اى هو هو نظام ال19 قرش لفه مالهاش اى لازمه وانا عارف ده من الاول بس قلت يمكن اتكلم اكتر من 5 دقايق ولا حاجه

يا جدعان حاولوا تفرقوا ما بين النظام القديم والجديد

النظام الجديد مبقلوش تلات ايام نازل

A.Yakout

اقتباس:

---

المشاركة الأصلية كتبت بواسطة nabaster

وهما فعلا بيتفقوا مع بعض علشان ميحرقوش بعض بس دي وظيفة قسم الماركتينج في كل شركه

a.yakout

---

غير صحيح يا حاج

اقتباس:

---

المشاركة الأصلية كتبت بواسطة أحمد كمال

غير صحيح يا حاج

---

هوا طبعا مفيش كلام بعدك

بس انتا متاكد؟؟

لان الكلام ده من ناس من عندكم ومن فودا برضه

A.Yakout

انا لسه محول ل فودا 14 قرش .... بس مش بحسب المكالمات لأني بتكلم كتير ..
بس مفيش اي سيرة عن ال 25 قرش دي خالص و عرفتها من الموضوع هنا بس

اقتباس:

---

المشاركة الأصلية كتبت بواسطة nabaster

هوا طبعا مفيش كلام بعدك

بس انتا متاكد؟؟

لان الكلام ده من ناس من عندكم ومن فودا برضه

A.Yakout

---

فتي السنين :)

اقتباس:

---

المشاركة الأصلية كتبت بواسطة mazagangee

انا لسه محول ل فودا 14 قرش .... بس مش بحسب المكالمات لأني بتكلم كتير ..
بس مفيش اي سيرة عن ال 25 قرش دي خالص و عرفتها من الموضوع هنا بس

---

طب اتصل بكام علشان اسجل في النظام دة؟

يا اخوانى انا لسه عامل النظام 14 الجديد بالاتصال ب 880 وفتحت مكالمه دقيقه وخصم 14 قرش فقط لاغير من غير ال 25 قرش زى النظام القديم
برجاء التاكد فقط

اقتباس:

---

المشاركة الأصلية كتبت بواسطة nabaster

يا جدعان حاولوا تفرقوا ما بين النظام القديم والجديد

النظام الجديد مبقلوش تلات ايام نازل

a.yakout

---

كلام سليم فعلا فيه قديم 25 فتح مكالمة و فيه جديد بدون شروط لسا مغيرله امبارح حتى اسمه نظام 14 قرش الجديد

ما دة الطبيعى من فودافون ولذلك انا لا استخدم الشريحة اطلاقا منذ بداية حركاتهم الغريبة فى التعامل الى ارسالهم رسالة لى اليوم بتاكيدهم لخصمهم 51 قرش شهريا وفقا للقانون !!! وطبعا ولا بشحن الخط ولا بتكلم فية

اقتباس:

---

المشاركة الأصلية كتبت بواسطة شريف

طب اتصل بكام علشان اسجل في النظام دة؟

---

lش عارف انا غيرت من على الموقع بتاعهم

اقتباس:

---

المشاركة الأصلية كتبت بواسطة memo823000

يا اخوانى انا لسه عامل النظام 14 الجديد بالاتصال ب 880 وفتحت مكالمه دقيقه وخصم 14 قرش فقط لاغير من غير ال 25 قرش زى النظام القديم
برجاء التاكد فقط

---

اقتباس:

---

المشاركة الأصلية كتبت بواسطة lad

كلام سليم فعلا فيه قديم 25 فتح مكالمة و فيه جديد بدون شروط لسا مغيرله امبارح حتى اسمه نظام 14 قرش الجديد

---

انا جربت النهاردة و عملت مكالمة الصبح لرقم فودافون و مدة المكالمة 30 ثانية ... لقيت رسالة تكلفة المكالمة 39 قرش ( 14 + 25 ) و رحت عامل مكالمة تاني لنفس الرقم لقيت الرسالة جاية 14 قرش بس ...
و انا لسه محول من يومين تلاتة على النظام الجديد و قريت كويس الشروط و ماكانش فيها اي كلام عن ال 25 قرش دول ...........
الحرامية النصابين النور ...... أعمل ايه بقى انا متغاظ جدا من كده ... أحول منه لاي نظام و انا بتكلم كتير ؟

اقتباس:

---

المشاركة الأصلية كتبت بواسطة mazagangee

lش عارف انا غيرت من على الموقع بتاعهم





انا جربت النهاردة و عملت مكالمة الصبح لرقم فودافون و مدة المكالمة 30 ثانية ... لقيت رسالة تكلفة المكالمة 39 قرش ( 14 + 25 ) و رحت عامل مكالمة تاني لنفس الرقم لقيت الرسالة جاية 14 قرش بس ...
و انا لسه محول من يومين تلاتة على النظام الجديد و قريت كويس الشروط و ماكانش فيها اي كلام عن ال 25 قرش دول ...........
الحرامية النصابين النور ...... أعمل ايه بقى انا متغاظ جدا من كده ... أحول منه لاي نظام و انا بتكلم كتير ؟

---

اعمل زى ماكل الشعب عامل
استغل عروض كل شركة بشراء عدتين واحده بخطين لفودافون واتصالات وعده لموبينيل وبكدا تكلفتك هتبقى قليلة جدا فى حالة لو بترغى كتير
والطريقة كالتالى
فودافون طول اليوم من الساعه 12 بالليل الى 6 المغرب ساعتين بجنيه وترغى زى منت عايز لاى رقم فودافون ولو حبيت تكمل رغى لفودافون بجنيه وربع من 6 المغرب ل 12 بالليل بيديك ساعتين

اتصالات ترغى ب 75 قرش من 12 بالليل ل 3 العصر ولو حبيت تكمل عندك 3 فترات تانى وطبعا تحاول تستغل فتره او اتنين بالكتير والفتره واقفه ب 75 قرش بتديك ساعه من 3 ل 6 ومن 6 ل 9 ومن 9 ل 12 بالليل (وكمان تقدر تدمج مع اتصالات نظام ال 14 قرش لاى رقم تانى سواء فودافون او موبينيل او ارضى ب 14 قرش الدقيقه

وموبينيل فيها نظام باقة الدقائق اليوميه ب جنيه بتديك ساعتين من 12 بالليل ل 6 المغرب زى فودافون

طبعا الكلام دوت للى بيدفع اكتر من 100 جنيه فى الشهر وطبعا بيقصر فى الكلام عشان الكارت ميخلصش بسرعه
وكمان لو تايه خش على موقع كل شركة ومخمخ واكيد فيه ايام مش هتكلم كل الشركات التلاته مع بعض فهتلاقى الموضوع موفر معاك جدا جدا

لاكن اللى بيرغى 10 دقائق لربع ساعة ومتنوع لل3 شركات اكيد نظام 14 قرش الجديد موفر ليه لان الكارت ابو 25 جنيه لاى شركة هيعطيك حوالى 180 دقيقه يعنى ممتاز جدا

متوقعه طبعا من فودافون انا استعملت فودافون سنة ونص بس اتعلمت فيهم الادب وغيرت تقريبا لكل الانظمة اللى كانت موجودة وبرده كان بيعملوا فى انظمة كثير رسوم فتح مكالمة ولو من اول دقيقة برده الاقى فى مشكلة وغير كدة كنت بالاقى الرصيد فى اوقات كثير بقى 0 مع انى مش اتكلمت... ودلوقتى بقالى بتاع 4 سنين فى اتصالات وبجد ممتااااااازة فى كل حاجة.سعر الدقيقة ثابت مافيش رسوم فتح مكالمة ولا غيره..

معقوله نظام 14 دقيقة للكل من غير فتح رسوم مكالمة ده يبقي جميل اوي