نظام فودافون 14 قرش الدقيقة و الخدعة

**Hacker5** · 11-03-2012 06:30 PM

انا الاول كنت على نظام 19 قرش الدقيقة
و من 3 ايام حولت لنظام 14 قرش الجديد اللى المفروض على حسب كلامهم فى الاعلان (من غير شروط )
اتضح انهم بياخدوا 25 قرش على اول دقيقة فى اليوم و بعد كدة كل دقيقة بـ 14 قرش
مع ان فى الاعلان ماكنش مكتوب كدة
حتى لما كنت بحول اللى بتتكلم ماقالتش حاجة عن موضوع الـ 25 قرش دة
حتى على الموقع الرسمى بتاعهم مش مكتوب عنها برضو غير ان النظام بدون اى شروط
يعنى لو حسبناها هتلاقيها هى هى نظام 19 قرش
يعنى 5 دقائق 14 قرش بـ 0.95 جنيه
و برضو 5 دقائق 19 قرش بـ 0.95 جنيه يعنى مش هاستفيد من النظام الا من بعد الدقيقة السادسة
و الرسائل بقت بـ 30 قرش يعنى اغلى من نظام الـ 19 قرش
دة غير رسوم التحويل للنظام 2 جنيه حرق و نار فى جتتهم يعنى 10دقائق
فريق تسويق غبى و فاشل جدا جدا دة اذا كان فيه اصلا فريق تسويق
حسبى الله و نعم الوكيل فيهم
نفسى فى مرة فودافون تعمل نظام واضح من غير خبايا او نصب على العميل
لازم كل نظام يكون فيه نصباية

**korkor** · 11-03-2012 06:45 PM

انت متاكد من الكلام ده انا كنت على نظام 14 قرش وكانوا بيخصموا اول مكالمه فى اليوم بس ب 25 قرش وبقيه اليوم ب 14 قرش لكل الشبكات ازاى بقى هيبقى نفس نظام 19 قرش . بالنسبه للعرض الجديد انا راجعت تفاصيل المكالمات زى ماقالوا مش بيخصموا غير 14 قرش للدقيقه حاول بس تتاكد من موضوع اول دقيقه ده

**Hacker5** · 11-03-2012 06:51 PM

انا لقيت الناس فى المنتديات بتتكلم فى الموضوع دة
النظام دة لسة نازل من حوالى 4 او 5 ايام
ماهو لو حضرتك حسبتها
14 قرش اول دقيقة + 25 قرش رسم فتح اليوم + 4 دقائق 14 قرش يبقى 0.95 جنيه
و 5 دقائق 19 قرش الدقيقة برضو بـ 0.95 جنيه
الشبكات كلها بتعمل عروض عادى و عروض واضحة و فودافون لسة بتتكلم فى فتح المكالمة و فتح اليوم و من اول دقيقة مش عارف ايه
ايه العك دة
ياريت حد ياكدلنا على موضوع الـ 25 قرش دة

**korkor** · 11-03-2012 07:10 PM

سيدى الفاضل هو انت واضح انك عندك لبس فى الموضوع ايوه نظام 14 قرش القديم اللى كانت اول دقيقه فى اليوم ب 25 قرش لو خمس دقايق فى اليوم ب 95 قرش زيه زى نظام 19 قرش لكن بقيه اليوم فى فرق 4 قروش فى الدقيقه مين فى مصر دلوقتى بيتكلم خمس دقايق فى اليوم بس ده كان للنظام القديم اما النظام الجيد فا الدقيقه ب 14 قرش من اول دقيقه ومافيش 25 قرش فى اول مكالمه ولا حاجه والموضوع بسيط لو حابب تتاكد تدخل على النت على الموقع بتاع فودافون وتنزل تفاصيل مكالماتك وتتاكد من اللى انت عاوزه

**alfath8** · 11-03-2012 07:10 PM

فودافون دايما مصاريفها مستخبية كده على طول وشبكة مش كويسة خالص عن تجربة بس بصراحة خدمة عملاء كويسة جدا بس مفيش حل للمشاكل خالص

**Hacker5** · 11-03-2012 07:13 PM

ياريت يكون كلام حضرتك صح

**grand hand** · 11-03-2012 07:36 PM

شركات المحمول بتتفق مع بعض تقريبا قبل ما ينزلوا عروض جديدة
اتصالات برضه عاملة نظام (14 قرش بجد) بتكلم اى شبكة والارضى بـ 14 قرش من اول دقيقة
ومفيش مقالب او حاجات مستخبية جربته بنفسى والتحويل بجنيه ونصف

**aly_hosny** · 11-03-2012 07:58 PM

انا موبينيل و 15 قرش من اول دقيقة و اتصالات 14 قرش من اول دقيقة

المشاركة الأصلية كتبت بواسطة mohamadfawzy

شركات المحمول بتتفق مع بعض تقريبا قبل ما ينزلوا عروض جديدة
اتصالات برضه عاملة نظام (14 قرش بجد) بتكلم اى شبكة والارضى بـ 14 قرش من اول دقيقة
ومفيش مقالب او حاجات مستخبية جربته بنفسى والتحويل بجنيه ونصف

لا دي بتبقى تسعيرة جهاز تنظيم الاتصالات و اول ما يوافق على تخفيض التعريفة كله بيخفضها

**nabaster** · 11-03-2012 08:06 PM

في فرق بين نظام 14 القديم الي بياخد 25 قرش منك مع اول مكالمه

ونظام 14 الجديد الي بدون الـ 25 دي

المشاركة الأصلية كتبت بواسطة aly_hosny

لا دي بتبقى تسعيرة جهاز تنظيم الاتصالات و اول ما يوافق على تخفيض التعريفة كله بيخفضها

تنظيم الاتصالات شال ايده ليه حوالي سنه من موضوع التسعير ده وسابلهم المنافسه

بس بشرط ان تكون اسعار الدقيقه للشركات التانيه نفس السعر

يعني لو فرضنا انك فودافون

انتا حر في سعر دقيقيتك جوه الشبكه بتاعتك ان شاء الله تخليها ببلاش

لاكن اسعار الشبكات التانيه تبقي زي بعض ان شاء الله لو خليتها بقرش الدقيقه يعني متخليش اتصالات بسعر والارضي مثلا بسعر مختلف

وهما فعلا بيتفقوا مع بعض علشان ميحرقوش بعض بس دي وظيفة قسم الماركتينج في كل شركه

A.Yakout