محتاج ورشة اصلاح عدادت التابلوة

**hanyboudy** · 05-06-2008 12:02 AM

السلام عليكم و رحمة الله و بركاته

اخوانى طبعاً انتو عارفين المشكلة بتاعتى السابقة بتاعة وش السلندر اللى طار بعد انتهاء العمرة ب 48 ساعه

وطبعا حضراتكم شرفتونى وواسيتونى كمان

المهم ان امبير الحرارة عندى واضح ان فى مشكلة

لان انا غيرت الردياتير والخراطيم كلها وطلمبة المياة ةترموستات المروحة وصباع الحرارة

كل ما يتعلق بدورة التبريد براند نيو

المهم ان امبير الحرارة واقفلى على الربع الاخير

والعربية اخيرا مبقتش سخنة بس اخر واحد قاللى ان العداد نفسه فيه مشكلة

فلو حد يعرف حد بتاع اصلاح عداد لان اول مرة اوجه المشكلة دى ياريت يفيدنى

مع العلم بان عربيتى بونتو 94 وفيها كنترول يونت ضفيرة الكهربا بتوصل ليه

وجزاكم الله خيراً

**serahmed** · 05-06-2008 10:17 AM

فيه ورشة صغيرة بالزاوية الحمراء ميبنش عليها انها ورشة
لكن فيها صانيعى تمام اسمة الاسطى حسن
بجانب موقف الزاوية
للاسف مش عارف العنوان بالظبط بس ممكن لو سائلت علية هناك توصل بسرعة

**sab3aawy** · 05-06-2008 10:23 AM

وفيه واحد تانى مشهور جدا فى شارع رمسيس عن تقاطع شارع رمسيس مع احمد سعيد،

فيه هناك نجف بتاع الفول (معرفش لسة فاتح وللا قفل) ، عند نجف اسأل فين بتاع الأمبيرات اللى هنا وخمستاشر ألأف واحد هيدلوك لأنه اشهر من نار على علم

**hanyboudy** · 05-06-2008 10:43 AM

استاذ احمد و استاذ سبعاوى

جزاكم الله خيراً على ردكم واهتمامك وان شاء الله هاروح هناك النهاردة ونشوف اخرة وجع القلب اللى جالى ده ايه

جزاكم الله خيراً تانى على ردودكم

**wagbr** · 05-06-2008 08:43 PM

لو انت قريب من المطريه في واحد في السواح اسمه مركز نجم مشهور اوي بتاع امبيرات هو جنب الكمين اللي في السواح اسال وميت واحد هيدلك لو موصلتش كلمني ونروحله مع بعض انا كمان عايز اشوف شويه حاجات في التابلوه بس للامانه انا ماتعملتش معاه قبل كده بس بسمع انه ممتاز

06-06-2008 07:47 PM

هو فيه احسن من عمك سيد بتاع الدقى :)

اكاد اجذم انه احسن واحد بيصلح عدادات فى العالم :)
وعلى فكره بيصلح كمان ال ecu !!!
وبيعمل remapping كمان
وبيفك شفرة ال Immobilizer كمان
اوصل ميدان الدقى ...واسأل اى محل قطع غيارهناك ...وهو هيشاورلك عليه
هوعموما تحت الكوبرى