هوندا سيفيك - جولف - جيتا - اوكتافيا - حد يقولى اشترى انهى واحده !!!!

**hany63** · 16-03-2012 12:01 AM

المشاركة الأصلية كتبت بواسطة bob12345

بص ياباشا عشان نجيب من الاخر اولا كده حضرتك بتشتري مستعمل ف ممكن يقع قدامك سيفك حلوه و جولف تعبانة
فهتجيب السيفك ومش هتجيب الجو لف فا الحرية في الاختيار هتبقي اقل بس بافتراض تساوي الحلات هيبقي الاتي
ليك في الفخامة و البرستيج و العربية الركوبة عليك و علي الالماني
عايز عملية خليك في الاوكتافيا عايز فخامة و برستيج خليك في الجيتا عايز شبابي خليك في الجولف
السكودا احسنهم في اعادة البيع الجيتا احسن حاجة ال 2009 بس علي حسب الميزانية
الجولف خليك في ال 5 عشان الفتيس بس هتتعب عشان المغروض منها مش كتير مش غارف ليه في ناس كتير داخية غلي جولف 5 ....... في جميع الحالات اكشف علي اي واحدة منهم كويس
اما لو غاوي حري و عربية ناعمة و مش معقدة و في نفس الوقت ثابتها كويس خليك في السيفك
بس لو عندك مطبات كتير هتزعلك في عشتك خصوصا لو بيركب معاك ناس او في السفر هتزعل هتزعل هتزعل
و نفس الموضوع في الجيتا بس في السيفيك اكتر عشان بتهبط من ورا مع التحميل انا كنت راجع من الساحل و شفت
سيفك في 3 ورا و محملة شنط كان منظرها يصعب علي الكافر
اما رائي الشخصي كمجمل افضل حاجة الاسكودا الي متقلش في المزايا عن الاخرين و في نفس الوقت اقل في العيوب من الاخرين و ربنا يباركلك

رأي موضوعي بس حضرتك مزودها شويه في حتة الارتفاع عربيتي 2010 اعلى من الباسات و الاوكتافيا و الجيتا وعن تجربه على نفس المطب و الحموله

**bob12345** · 16-03-2012 12:18 AM

المشاركة الأصلية كتبت بواسطة mmans

طيب يا باشا ... الفرق بين ثبات السيفيك و ثبات الاوكتافيا او الجيتا على الطريق .. لصالح مين ؟؟
وهل الفرق واضح و كبير ولا الفرق بسيط !!؟؟

المشاركة الأصلية كتبت بواسطة hany63

فرق الثبات لصالح الالماني عن الهوندا بس بنسبه بسيطه بيحسه اللي بيركب الماني يعني ندي الهوندا في الثبات 85% و الالماني يبتدي من 92% بقيه الياباني مايزدش عن 75% و الكوري اخره 65% و باريت حضرتك تشوف الموضوع ده http://www.nilemotors.net/nile/264585-a.html

والله الباشا هو الي يفيدك اكتر لانه مجرب ال 2 .... انا مش بحب افتي انا ركبت السيفك كان في زحمة و معدناش 80 فمش هفتي و سقتها بس بردو مجرتش بيها

**bob12345** · 16-03-2012 12:27 AM

المشاركة الأصلية كتبت بواسطة hany63

رأي موضوعي بس حضرتك مزودها شويه في حتة الارتفاع عربيتي 2010 اعلى من الباسات و الاوكتافيا و الجيتا وعن تجربه على نفس المطب و الحموله

انا الي بقول عليها دي كانت الشكل الاول 2006 . 2008 مش المعدلة بس شكلها معلم معايا جامد الراجل صعب عليا ممكن تكون حلتها وحشة بس هيا كان شكلها نضيف الله اعلم غير كذا واحدة شفتهم بردو كده بس مش للدرجة دي ... بس بردو حضرتك ادري بغربيتك مش هفتي بس ممكن يكونو عدلو حاجة في 2009 2010

**mmans** · 16-03-2012 12:10 PM

طيب يا شباب عاوزين نلخص الموضوع .. اجيب سيفيك ولا حاجة تانية من الالمانى دول !! ؟؟

**WalidAdel** · 17-03-2012 11:41 AM

اسمحوا لي بسؤال
بالنسبه للعفشه ... انهي انعم علي الالماني ولا السيفيك
لان بمشي في طرق مكسره كتير اوي و الاهتزازات بتتعب جدا فعايز عربيه تبقي مريحه في المطبات دي
بس خايف من الالماني العفشه بتاعته ناشفه عن السيفيك
انا خايف من الارتفاع بتاع السفيك و انها هاتبقي متعبه في السواقه بس في المقابل عفشه ناشفه نوعا ما في الاوكتافيا و الجيتا
موضوع محير اوي

**mazgangy** · 04-04-2012 02:13 AM

قطع الغيار شبه واحده فى اوكتفيا وجيتا وجولف 5 وابعد الهوندا مع احترامى الشديد وحبى ليها بس مش بحبها تقعد جنب جيتا واوكتفيا وممكن تسموها عندى عقده الالمانى بس طبعا الهوندا اقرب عربيه مش المانى ولكنها قريبه جدا من الالمانى واسف للطاله وانا لو مكانك فى الاخر اجيب جولف 5 لو لسه شاب صغير لو مش صغير هات اوكتفيا او جيتا مفيش فرق كبير بينها فى الاداء او قطع الغيار وهما موتور واحد وشاسيه واحد مش حتفرق اختار اللى ترتحلو اكتر فيهم بس الجيتا تحك فى مطبات عاليه والاوكتفيا لا

**mostafa53** · 04-04-2012 09:24 AM

السلام عليكم ورحمة الله وبركاته
إنتوا دايما ياجماعة بتهملوا نقطة مهمة جدا فى المقارنات اليومين دول وهى قوة التكييف وتأثيره على موتور العربية. طبعا فى النقطة دى الهوندا تكسب بمراحل. الأوروبى عامة حتى لو كان التكييف مش بطال فى سنين العربية الأولى بييجى بعد كده ويشحر, وده سبب نزول سعر الأوروبى المستعمل جامد قصاد سعر اليابانى اللى بيفضل ثابت فى دول الخليج. يعنى تصور إن سعر المرسيدس لو فات عليه 10 سنين يساوى أقل بكتير من سعر السيفيك نفس السنة

**arakysolom** · 04-04-2012 02:00 PM

رأي شخصي ارشحلك كورولا 2010 -2011 اوتو عربية ممتازة و سوق اعادة بيع ممتازة و انتشار اكبر
الهوندا ممتازة بس انتشار اقل قطع غيار اغلي منخفضة جدا و تكاد تكون غير مناسبة لشوارعنا و كمان اعادة بيع اقل
الفانتازيا هايلة بس قطع غيار مولعة
وعليك بالتجربة و الكشف الجيد و اخيرا الاستخارة