السلام عليكم
عايز اعمل جنينه في حته 4 متر * 20 متر و حته 3 متر * 30 متر تقريبا
هو شكل في دماغي علي شكل حرف l بس عايز اللي ينفزهولي
محتاج اعرف الحاجات دي تتعمل فين و ازاي ؟
و الرعايه المفروض تتعمل تبقي ازاي ؟
و شكرا
عرض للطباعة
السلام عليكم
عايز اعمل جنينه في حته 4 متر * 20 متر و حته 3 متر * 30 متر تقريبا
هو شكل في دماغي علي شكل حرف l بس عايز اللي ينفزهولي
محتاج اعرف الحاجات دي تتعمل فين و ازاي ؟
و الرعايه المفروض تتعمل تبقي ازاي ؟
و شكرا
مش لازم تبقي حديقه الازهر يعني
يعني في نجيله طبيعي بشوفها بتتباع حتت و تتفرد علي المكان
دي ايه نظامها و بتحتاج رعايه ازاي؟
و كمان لو في نباتات مش موسميه تكون دايمه ؟ تبقي ايه؟
اي افكار من اول انقع شويه فول في ميه او بصله
باشا الموضوع ان شاء الله سهل جدا
انا مهندس شبكات ري ولاندسكيب
بالنسبة للنجيلة بسيطة خالص
بس هل في تصور ليك للباقي ولا انت عاوزها نجيلة بس
ولا عاوز نباتات زينة
وهل هتحتاج شبكة ري ولا هتستخدم الخرطوم
وبالنسبة للرعاية بتاعتها
هي قطعة الارض دي في انهي منطقة بالظبط
بالنسبة للنجيلة هي كذا نوع بس احسن نوع يستخدم للحدائق سواء عامة او خاصة او فيلات نوع اسمه
باسبيلم 10
دا احسن نوع يستحمل المشي والظل
وهي فعلا بتتباع بالمتر
واحسن مكان تجيبها منه من مشتل كبير واغلبهم في القناطر
لكن بلاش من مشتل في مدينة نصر
لان في عيوب في النجيلة انها تيجي فيها بذور حشائش وغريبة
وجودة النوع نفسه
وتلاقيها في الاخر مثلا هتفرق علي 2-3 جنيه في المتر
فا بصراحة مش مستاهلة
نيجي للفرق بقي بين النجيلة الصناعي والطبيعي
بص يا سيدي النجيلة الطبيعي هي عبارة عن نبات حي والصناعي عبارة عن بلاستيك
سعر النجيلة الطبيعي من 8 - 14 جنيه للمتر علي حسب النوع والمكان الي هتتزرع فيه والموسم الي بتتزرع فيه والمساحة كل دا بيتحكم في سعر المتر
اما سعر النجيلة الصناعي من 100 - 300 جنيه للمتر برضه علي حسب النوع واستخدامه ( حدائق - ملاعب - .... ) والمكان والجودة بتاعت النجيلة نفسها
اكيد فرق سعر رهيب بس في مميزات وعيوب لكل واحد
نيجي كده سريعا للنجيلة الطبيعي
اولا بتحتاج ري بصفة يومية سواء شبكة ري او خرطوم ( يعني عندك تكلفة انشاء شبكة او لو خرطوم تكلفة فاتورة المياه فقط + تكلفة العامل الي بيقوم بري النجيلة في المساحات الكبيرة )
ثانيا بتحتاج صيانة مستمرة وهي عبارة عن قص النجيلة بماكينات القص والتسميد والمبيدات والتحديد
بالنسبة بقي للنجيلة الصناعي
- مش بتحتاج شبكة ري او اي تكلفة في فاتورة المياه ومش بتحتاج صيانة وفيها ميزة برضه انها بدرجة خضار ( اي بتحافظ علي اللون الاخضر بتاعها ) طوال الـ 12 شهر في السنة طبعا بغير الطبيعي اكيد بيتغير لونها في الشتاء ولو بدرجة خفيفة دا غير ان لو عدي 3 ايام من غير ماء برضه لونها يصفر بنسبة ما علي حسب العطش
يعني دي الفروق بينهم باختصار كل شخص بيختار الي تناسبه طبعا
في ناس مثلا عاوزين يعملو نجيلة علي الروف ومافيش اي صرف فا مش هينفع يبقي في ماء فا بيضطر يستخدم نجيلة صناعي
وكمان لو مكان ظل مستديم هيستخدم نجيلة صناعي
ولو عاوز رائي الشخصي
طبعا مافيش بعد الطبيعي كفاية الهواء الي بتتنفسه ولو انه محتاج بعض الرعاية بس اكيد مافيش احسن منه بس يبقي جودته كويسة ومزروع كويس
واي استفسار انا موجود :)
مع انى مش ناوى ازرع بس استفدت اوى من المعلومات
جزاك الله خير
يا فندم و الله انا مش عارف اشكر حضرتك ازاى , فعلا معلومات مفيده جدا و انا كنت حسال فعلا عليها فى مدينه نصر لانى ساكن هناك بس كويس ان حضرتك نبهتنى
معلش حسال حضرتك سؤال تانى , انا الارض اللى عاوز ازرعها عباره عن مساحه ارض فى بلدنا فى الشرقيه عاملينها زى ملعب للكوره او اى حاجه فهل فى مشاتل تكون على طريق مصر الاسماعيليه او بلبيس او حتى فى الصالحيه ممكن اشتري منها النجيله الطبيعي
و بالنسبه للنوع اللى حضرتك قولت عليه , ده سعر بالتحديد كام و ايه مميزاته عن الانوا اللى ارخص منه و ازاي اعرف علشان محدش يضحك عليا
اخر حاجه بالنسبه للري , اي تكلفه عمل الرشاشات اللى بتدور دى , هلى بتكون تكلفه عاليه و لا ممكن عملها بسهوله و جزاك الله كل خير
الموضوع ان شاء الله بسيط ومش معقد
الحديقة تتكون من
1- اشجار - اشجار زينة بتدي زهرة او بيكون شكلها جميل او بتدي ريحة جميلة وكمان داخل معاها نخيل الزينة الي شكلة كويس
2- شجيرات بتكون اقل من الاشجار في الطول وبيكلون ليها ازهار او شكلها مميز او بتدي رائحة جميلة
3- معمرات عشبية مزهرة او ذات الوان شكلها جميل -نباتات كده ممكن تشفها مزهرة ازهار جميلة او ليها الوان مبرقشة او محمرة مصفرة او داخلة في بعضيها او الورقة ليها شكل جمالي معين
4- مسطح اخضر او جروند كافر وده اسهل منة مفيش سعرة رخيص وبياخد جزء كبير من الحديقة وسعر المتر حسب الكمية وحسب النقل من ارضة ممكن يوصل ل 4 او 5 ج للمتر وهو حمول جدا بس مينفعش في مكان فيه ظل
5- بعض الديكورات البسيطة الي ممكن تتحط مع الزرع-ممكن كور مدورة فيها اسبوطات وممكن اشكال مضيئة اثنائ اليل
6- الاضائة - ممكن تحط اسبوطات في اماكن معينة في الزرع عشان بالليل تديك شكل جميل ومريح
7- متسلفات عشان لو عندك سور ممكن تحط علية نبات متسلق يحجب رؤية الناس الي برة عن السور الحديد الي انت حاطة وكمان هيديك ازهار جميلة او زيحه حلوة فية بيدي ريحة بالليل وفية بيدي ريحة بالنهار
8- شبكة الري وانت وامكانياتك ممكن يكون خرطوم يدوي وممكن رشاشات وممكن تخليها محابس يدوية او اوتماتيكية
9- كمان لو حبيت تعمل مشايات او شكل ديكوري معين من الرخام الي متعشق مع الظلط او اشكلال خري ممكن زي برجولات بطريقة معينة ممكن لو المساحة كبيرة
-------------------------------
انت وامكانياتك في الحديقة
يعين ممكن تكلفها حجات بسيطة وممكن تكلفها الي مالا تتخيلة
اما بالنسبة للرعاية
فيه بسيطة ومش عاويصة ممكن انت تعملها بنفسك
هتحتاج ماكينة قص نجيل لو المساحة كبيرة هتستخدم ماكينة بالبنزين او الكهرباء لو المساحة محدوده ممكن ماكينة قص يدوية
النجيل ممكن يتروي في الصيف يوم بعد يوم او كل ثلاث ايام علي حسب الجو
التسميد برحتك هو حمول ممكن تسمده مرتين او ثلاثة في السنة باسمده معدنية موجوده في كل حتة
الاشجار والشجيرات والمعمرات ملهاش احتياجات كتيرة تسميد خفيف ممكن مرتين في السنة او زي متحب لو عايز تزود مفيش مشكلة لانة هيديها قوة اكبر وحجم اكبر وعملةي القص والتقليم ودي بتكون كل سنة مرة او كل سنتين مرة مشك كتيرة
انا بشرح بالبلدي عشان محدش يقول الكلام عويص
انت ممكن تقوم بعمل كل هذه الاشياء بعتبار انها جننتك وانك مهتم بيها وكمان هي كائن حي بترعاه وتحافظ علية
او ممكن تتقاول مع جنيني يجيلك بالزيارة ويضبطلك الدنيا او انت ممكن تشتري الادوات وتقوم بعمل كل شيء علي سبيل الهواية
الموضوع اسهل منة مفيش بس عايز حب ورعاية مش اهمال زيها زي اي حاجة في البيت اعتبرها زي العربية بتاعتك
------------------------------------------------
و ياريت كمان تعمل حوض فية شبة شلال صغير يحط فية سمك كوى دا لما بيكبر بيبقى خطير جدا
ياه كل الكلام و الوصف ده
مش باقي الا صور بقي من الواقع و انواع الشجيرات بقي (:
المكان في التجمع انا عامل انجليش كورت في الخلفيه - بس علشان الارتفاع المنخفض السور و المبني حاجبين الشمس اغلبيه اليوم
ممكن اعمل الكلام ده في الزدود الامامي هيبقي في شمس هناك و سور حديدي بدل المصمت
الموضوع محتاج شويه نفكير
بس شكرا علي المعلومات الهايله دي جدا
لو عندك استعداد ان انت تتنازل عن النجيلة في الكورت الخلفية
انا ارشحلك ان انت تعملها تروبيكال هتبقي تحفة
ممكن تستخدم فيها نباتات التروبيكال وهي مش بتحتاج شمس بطريقة مباشرة
وكمان هي عبارة عن نباتات اورقها ملونة فا بتدي شكل جميل جدا
وفي دلوقتي اصحاب فيلات بيطلوب التروبيكال حتي لو عندهم شمس لانه شكل بيبيقي حلو جدا
وانت مش بتبقي مرتبط بمعاد تزهير النبات لان دا الورق ملون
وان شاء الله علي اخر اليوم اكون رفعتلك صور ليهم
بس ياريت لو انت كمان تصور المكان بحيث نعرف نتصوره صح
</B>abdo_general
عضو فعال
http://www.nilemotors.net/Nile/custo...tar36884_6.gif
السلام عليكم
قرات موضوعك و احب ان اذكر ان العضو الفاضل عبدو - جنرال - متخصص فى هذه الاعمال
ارفقت لك سابقه من اعماله بعتها ليا - ارجو اتك تلاقى معاه النصيحه
تحياتى
الروابط المرسله لى
http://www.megaupload.com/?d=2ZN9VLS3
ودا لينك فيه بعض الصور لشغلي
http://imageshack.us/g/715/dsc0001pv.jpg/
واتمني اني اتعاون معاك في شغل قريب ان شاء الله
جميل شغلك (gelgel2004) ما شاء الله . ومشكور علي المعلومات . وعاوزينك تعمل لنا موضوع عن التشجير والري
لو عاوز اعمل كدة قدام البيت . وتقريبا بنفس المساحة . ويكون فيها اضائة ولو ممكن (الماكينة الي بتسقي الزرع "فسقية") مش عارف اسمها .
ياتري ممكت تتكلف اد اية ؟
http://desmond.imageshack.us/Himg256...jpg&res=medium
وسوري يا استاذ شريف في التأخير في الرد عليك في موضوع التروبيكال
الصورة دي علي سبيل المثال
ImageShack® - Online Photo and Video Hosting
وفي انواع كتير من النباتات التروبيكال وتصميمات اكتر
بس ياريت حضرتك لو صورة بحيث نقدر نتخيل عليها