تجربه قاسيه مع الكبالن وزيت الفتيس فى الفليشيا
طبعا بسلم على كل الاعضاء الي مبيبخلوش بمعلومه علينا:Y_hi_3[1]:
القصه بدأت معايا من اسبوعين وكنت مسافر بالعربيه فى بلد ريفى والمطر كان عامل شغل عالى طبعاً الي بيسافى فى المطر فى الارياف هيعرف قصدى يعنى زحلقه وشوارع ضيقه وربنا الي بيستر
المهم العربيه وانا بلف زاويه ضيقه الاكس بتاع الكوبلن طلع من مكانه وده اول الموضوع ان لو حد بيغير كبالن ياخد باله كويس اوي من التيله الى بتركب فى الاكس عشان يمسك فى الكوبلن كويس
المهم ان ربنا كرمنى وفكيت الجنب كله بس كان البلى بتاع الكوبلن وقع وطبعاً ملقتش قطع غيار للعربيه وكان اقرب مكان انى اسافر طنطا او المنصوره برضه بفضل من الله لميت كام بليه وركبتهم تانى فى الكوبلن وقفلت كل حاجه تانى ومشيت بالعربيه وجابتنى بالسلامه واشتريت الكبالن وركبتها
وجه تانى مشكله ان عشان تزود زيت الفتيس لازم من مكان سلك السرعه وبتشيل الصوباع الي تحت السلك لازم لازم تاخد بالك انه ربط المسمار كويس وان الصوباع ركب مكانه كويس لأن تانى يوم لقيت تسريب زيت وده بسبب ان الاستاذ بتاع الزيت مقفلش كويس
ولما فكيت اشوف لقيت ان الترس الي بيشغل العداد وقع جوا الفتيس بالعمود الحديد الرفيع بتاعه من فتحه صغيره فى الجمب
الخبر الوحيد الكويس ان الفتيس بيبقى فيه مغنطيس بيلم الرايش من الزيت وده الي نفعنى ان الفتيس ما اتكسر التروس بتاعته .
طولت عليكوا بس حبيت اشرح الموضوع من الاول عشان الي ميعرفش ياخد باله