الموضوع: لو عاوز تويوتا مستعملة(كورولا) !!!!!!!!!

المشاركة الأصلية كتبت بواسطة Dr_MaTrix

اتوماتيك ي 1300 يا 1600 يا ريت لو سعر دى او دى......انا عارف انى متقل بس استحملنى

الاتوماتيك ال 1600 هتلعب في رنج ال 110 الف ده للحالات النضيفة

الاتوماتيك ال 1300 مش متاكد من سعرها اوي كان معروض عليا من مدة مانويل 1300 على 85 ! فاعتقد الاتوماتيك ال 1300 ممكن في رنج 90-95 !

المشاركة الأصلية كتبت بواسطة zangry

120 ليييييييييييييييييييه ؟؟ هى كانت بكام زيرو عشان تبقى بعد 5 سنين بالسعر ده؟؟

كانت زيرو ب 140-145 ! وكتير اوي فعلا انها تتباع ب 120 الف

المشاركة الأصلية كتبت بواسطة roffa1

أنا لسه شارى من شهر تقريبا كرولا 2007 اوتوماتك 1600 ايرباج واحده تكييف سنتر ريموت 4 أزاز و مرايا كهربه عامله 42000 كم عامله صيانتها فى التوكيل لون السيارة : شامبين -حالة الصالون : ممتازة -الحالة العامة او التقييم العام للسيارة :ممتاز -حالة البطارية كويسه حالة الكاوتش محتاجه تغيير الكاوتش الاصلى اللى نازله بيه - حالة الموتور ممتازه
فابريقه بره و جوه ماعدا رفرف امامى يمين مرشوش ب 115000 جم لأنى اخدتها من تاجر
انا مش هاممنى اذا كانت فيها زياده حتى 5000 جم لكن كل اللى يهمنى مايكونش ملعوب فى عدادها بالاخص انها من تاجر
لكن الحمد لله أنا اطمنت من الامر ده ازاى ................
اتصلت ب16550 وطلبت حجز ميعاد للصيانه فقالى صيانه ال كام
قولتله بصراحه انا لسه مشترى العربيه من يومين مستعمله ومش متأكد من عدادها بس اللى باعهالى أكدلى ان صاحبتها الاصليه استاذه فى الجامعه وكانت بتعمل كل صياناتها فى التوكيل
فقالى ...قوللى نمرة العربيه كام
فكشف على النمرة فى الكمبيوتر و قاللى ان العربيه دى دخلت عندهم صيانه 4 مرات
فقلتله اخر مره كانت امتى و كانت العربيه عامله كام كم
قاللى كانت فى 23/6/2010 و كانت عامله 28714 كم
و بحسبه بسيطه لقيت انها رخصت العربيه اول مره فى فبراير 2007 لغاية يونيو 2010 لما عملت آخر صيانه كانت بتمشى حوالى 725 كم فى الشهر
و من تارخ آخر صيانه لغاية ما اشتريتها(42500 كم) كانت بتمشى حوالى 650 كم فى الشهر يعنى العداد ما اتلعبش فيه و مااتغيرش
فعلا انا اطمنت جدا و حمدت ربنا كتير بالذات انها أول مره فى حياتى اشترى عربيه مستعمله كل العربيات اللى اشتريتها قبل كده ( 3 ) كانوا زيرو و لسه حاجز بيكانتو زيرو لابنتى و دى تكون العربيه الرابعه الزيرو
أخيرا أنصح كل اللى عاوز يشترى مستعمل من تاجر لازم يتأكد ان العربيه مش ملعوب فى عدادها
علشان يكون مرتاح من ناحيه الموضوع ده ويفضل انه يشترى المستعمل من واحد صاحبه و يكون عارف تاريخ العربيه كويس
اما من ناحيه العربيه دى فهى ركوبه مختلفه تماما عن اى عربيه تانيه ركبتها قبل كده . نعومه ايه و عفشه ايه و تكييف ايه و عزم شديد حتى لو انت ماشى على 120 و عملت كيك داون تلاقى العربيه تجمع سرعه و قوه منين ماتعرفش
ده غير انها معمره جدا
الخلاصه انها عربيه زى الفل

+111111111

انا بحترم التفكير ده !

حتى لو هتدفع 3-4 الف زيادة في عربية مستعملة بس تاخدها حالتها نضيفة ومش هتصرف عليها ! احسن ماتشتريها ارخص من تمنها ب 3-4 الاف وتدفع اكتر منهم صيانات وتصليح ! غير طبعا التعب والمجهود !

وبعدين برضوا لازم الواحد يعرف ان لما تبقى العربية نضيفة صاحبها بيمسك فيها سعر ! ولو ماجبتلوش السعر اللى هو عايزه مش بيبيع لانها كدة كدة نضيفة وحالتها كويسة ! طبعا الا لو واحد مزنوق او حصل معاه ظرف بيبقى مضطر يبيع !

المشاركة الأصلية كتبت بواسطة ahmed1006

لا تعليق علي السعر
وربنا يفوقك للخير والكورولا من 2004 الي 2007 ممتازة يعيبها الثبات فوق 110 او 120 لو لوحدك
غير كده ممتازة
لو 2007 اظن انا هتبقي ب حاجة وتسعين الف وحسب بقي لو اوتو و 1600 هتعلي شوية
انما زي ما احمد قالك لو عداد قليل ونظيفة مش رشه وحالة الماتور تمام امسك فيها بكل حاجة مش ايدك وبس
تحياتي

+11111111

هو الشيب القديم مشكلته الثبات بتاعه مش قد كدة ! وده عشان ارتفاع العربية عن الارض والنعومة !

نفس المشكلة عندي في الياريس بس ركبت كاوتش اعرض مع جنط 16 ظبط الموضوع الحمد لله !

المشاركة الأصلية كتبت بواسطة roffa1

الكاوتش اللى راكب عندى مقاس 185/70/14 هل ممكن أركب مقاس 16
و يكون كام المقاس ؟ ينفع أركب 205/55/16

المقاس 185/70/14 مقاس هيمشي مع مقاسات كتير اوي !

الافضل بالنسبة ليك اما

205/50/16

او

195/55/16

وممكن برضوا المقاسات دي تمشي معاك بدون مشاكل

205/55/16 ---- 195/50/16