أستفسار فى بناء قطعة أرض و تحويلها إلى بيت و الفتاوى كتيـــــــر
فيه قطعة أرض لشخص قريب جدا منى و عايز يبنيها (بس أتعقد نفسيا) و سئل ناس كتيرة جدا من ضمنهم أنا لو حد يعرف هيدفع أد أية فى الموضوع دة عشان كدة انا بستفسر منكم بقى لانى وعدتة أننا أعرفله كام بالتفصيل الممل
الموضوع و ما فيه أن الأرض صافى بعد المرافق 160 متر
ناوى يعمل الدور شقة واحدة و الأرضى محلات
عايز يعمل الأساس كويس و يتحمل حوالى 8 أدوار و لكنه هيعمل الدور الأول بس و بعد فتره ممكن يعمل لأخواته
الناس قالت كلام كتير جدا لدرجة أن الكلام كله متناقض و ناس تقولة مرة التكلفة هتكون 80 ألف للأساس و المحلات و الدور الأرضى (طبعا من غير تشطيب) و ناس تانيه تقولة هتكون 300 ألف و الأختلاف كله بيكون على كمية المكونات عشان كدة أنا حبيت أعمله تقسيمه كدة للمكونات و أسعارها
طيب من واقع خبرات المهندسين هنا فى المنتدى و الأشخاص إلى بنت بيوت
1- الحفر تحت الأرض كام متر ؟ التكلفة ؟
2- كمية الحديد فى الأساس ؟
3- كمية الأسمنت فى الأساس ؟
4- كمية الرمله فى الأساس ؟
5- كمية الزلط فى الأساس ؟
6- أجور العمال فى الأساس ؟
___________________________________
7- كمية الحديد المستخدم فى عمدان المحلات ؟
8- كمية الأسمنت المستخدم فى عمدان المحلات ؟
9- كمية الرمل المستخدمه فى عمدان المحلات ؟
10- كمية الحديد و الأسمنت و الزلط و الرمل المستخدمه فى سقف المحلات ؟
11- أجور العمال فى صب عمدان المحلات و أجورهم فى صب السقف ؟
___________________________________
12- كمية الحديد المستخدم فى عمدان الدور الأول ؟
13- كمية الأسمنت و الرمل و الزلط المستخدم فى عمدان الدور الأول ؟
14- كمية الحديد و الأسمنت و الزلط المستخدمه فى سقف الدور الأول ؟
15- أجور العمال فى عماويد الدور الأول و سقف الدور الأول ؟
ياريت الردود تكون طبقا للأسئلة و تقولولى كام طن بالظبط لأن الفتاوى زادت أوى و كل مقاول أو مهندس أو شخص صاحبه حتى بيقول كلام غير التانى فنعرف الكمية بالطن و طبقا لأسعار اليومين دول يحسبها مع نفسه
