dephser ?????????

**mohmmed_yuosse** · 13-03-2012 08:42 AM

انا عندي ترس الدفيزر بيعمل صوت بس لما بثبت رجلي علي البنزين علي ار بي ام 2000 او اقل سنة يفضل صوت الموتور كويس و بعد 15 ثانية يبدا يطلع الصوت و سعات و انا ماشي بالعربية براحة بسمع صوتة مع العلم تن العربية بدور كويس الصوبح و ما بسمعش ليها صوت خالص و ما بتفصلش

السؤال هل ينفع امشي بالعربية شوية كمان لغاية ما تبدا اعراض انها تبطل الصبح و لا خطر مع العلم اني مجنط فلوس فارجوا الرافة في الاجابة علي هذا الشؤال 36_2_46[1]:

تاني جاجة انا سمعت ان الترس دة بيتصلح هل ينفع الكلام دة و لاشغل عك

انا عندي استهلاك البنزين عالي جوة البلد 13 ليتر 100 كلم انا حسبتها كذا برة و انا بمون و لقيت الكمبيوتر مديني نفس الارقام هو دة لية علاقة بالترس

و شكرا للمنتدي الجميل و ارجوا الافادة

**lol86** · 13-03-2012 04:00 PM

تصليح ترس الديفيزر ب 300 جنيه ولكن بصفة مؤقتة من 4 شهور لسنة

**moh158** · 13-03-2012 08:04 PM

تصليح الترس هو الغاء لعمل الترس عن طريق حشو الفروقات ... الافضل تغييره

**lol86** · 13-03-2012 08:28 PM

المشاركة الأصلية كتبت بواسطة moh158

تصليح الترس هو الغاء لعمل الترس عن طريق حشو الفروقات ... الافضل تغييره

كلام سليم ولكنه بصفة مؤقتة للى معهوش فلوس يصلح ويبقى يغيره لما ربنا يفرجها

**shawkylotfy** · 14-03-2012 02:47 AM

المشاركة الأصلية كتبت بواسطة moh158

تصليح الترس هو الغاء لعمل الترس عن طريق حشو الفروقات ... الافضل تغييره

ازاى الغاء عمل الترس ؟ دا الترس هو الى بينظم الكامات ...
الى اعرفة ان التصليح عبارة عن تغير النجمة الى جواة ويشتغل معاك لمدة سنة كمان مش عارف موضوع الحشو دة اية والتصليح بيتكلف من 300 الى 350

**Ahmed Selim** · 14-03-2012 06:18 AM

هو فيه حاجة أنا مش فاهمها هنا

ترس الديفازر لو بايظ هيعمل معاك صوت عالى ساعة لما تدور العربية بعد لما تكون مركونة فترة طويلة........يعنى 12 ساعة مثلاً.........بعد لما الصوت ده بيروح العربية بتمشى عادى بدون أى أصوات.

ده اللى أنا أعرفه.........و من الواضح أنك بيظهر معاك صوت مختلف و أنت مدور العربية و ماشى.........يا ريت تقولنا بالظبط وصف أكتر للصوت.

**shawkylotfy** · 14-03-2012 01:00 PM

المشاركة الأصلية كتبت بواسطة mohmmed_yuosse

الصوت بيظهر لمل بكون ماشي في شارع ضيق و جنبي عربيات و بسرعة قليلة بس انا مجرد ما زود بنزين يروح و هوا اكيد من الترس بس هوا الشؤال ينفع اكبر دماغي منة شهر او اثنين او لغاية ما يبدا يطلع صوت الصبح مع العلم ان انا استعمالي للعربية لا يتعدي 1000كلم في الشهر

صوت طق طق طق طق اكن العربية بقت ديزل صح ؟
لو كدة يبقى هو الترس

**shawkylotfy** · 14-03-2012 01:06 PM

المشاركة الأصلية كتبت بواسطة ahmed a.maksoud

هو فيه حاجة أنا مش فاهمها هنا

ترس الديفازر لو بايظ هيعمل معاك صوت عالى ساعة لما تدور العربية بعد لما تكون مركونة فترة طويلة........يعنى 12 ساعة مثلاً......

مش شرط اوقات بركن العربية سعتين بس ويعمل الصوت لما ادور واوقات اسيب العربية باليومين وادور ميعملش الصوت هو بس حسب ضغط الزيت وهو بيعمل الصوت علشان النجمة الى جواة بتبقى مكسرة ولو الصوت فضل مستمر ممكن يخلف الكمات ويكسرهم وبتغيير النجمة الى جواة بتختفى المشكلة بس مش كل الناس بتصلحة