المشاركة الأصلية كتبت بواسطة gelgel2004
السلام عليكم ورحمه الله و بركاته
و اوضح لحضراتكم ما يلى :-
1/ اللى بيستخدم سائل التبريد - المياه الخضراء - او اى كان لونها - و معتمده شل او موبيل او ما يعادلها ،موضوع الغسيل هيجيب معاه نتيجه ممتازه خصوصا لو التركيز مضبوط.
2/ اللى بيستخدم المياه العاديه من الحنفيه
يجب عمل التالى قبل الغسيل
1/ فك الرادياتير و تنظيفه بدون استخدام ميه النار - بتاتا - و تسليكه جيدا قبل الغسيل الشامل لدوره التبريد.
2/ التاكد من خراطيم المياه و طلمبه المياه و اى تسريبات محتمله.
3/نشيل الثرموستات اللى فى الكوعه بتاعه المياه.
4/ نعمل الغسيل و نستمر لمده 10 دقائق.
5/نراجع التركيز - يعنى لو تركيز العربيه 50 % نحط موبيل 33 %
ليه
لان الميه العاديه اللى كانت فى دوره الرادياتير ملحت البلوك و عملت تكوينات ملحيه و الحقيقه المؤكده انها صعب جدا تتشال، و لما التركيز يزيد الى الحد المسموح به 50 % ممكن يحصل تسريبات لان الخراطيم موش هتستحمل التركيز الجديد.
اذن هناك 2 حل لمستخدمى المياه بتاعه الحنفيه او المياه العاديه
1/ تركيز اقل على الخراطيم القديمه
2/ عمل تغيير للخراطيم و تغيير الكوليهات بجديده و الكل اصلى طبعا و نزود التركيز الى الحد المرفق بالكتالوج.
ملاحظه مهمه :-
للحاله الاولى مستخدمى المياه المبرده - الخضراء - طول فتره عمر السياره .
يتصح بتسليك الرادياتير - بدون ميه النار - كل 80000 كلم.
و لو الرادياتير فبر - انصح بالذهاب الى الاسطى مجدى بجسر السويس - مخلص و امين - و اسعاره ممتازه.
تقبلوا تحياتى.........