انا كنت حطيت ميه حمره من فتره كده و بعدها باسبوع لقيت الميه بقت شفافه و اللون اترسب علي القربه و الرادياتير.......بحط صباعي عليه بيطلع كأنه طين بالظبط!!!!!!!!!!!!!!!!!!!
عرض للطباعة
انا كنت حطيت ميه حمره من فتره كده و بعدها باسبوع لقيت الميه بقت شفافه و اللون اترسب علي القربه و الرادياتير.......بحط صباعي عليه بيطلع كأنه طين بالظبط!!!!!!!!!!!!!!!!!!!
http://www.nilemotors.net/Nile/276595-a.html
طيب تابع الموضوع ده كدة وقولى لو محتاج معلومة تانية.
انا كنت قريت الموضوع ده قبل كده بس مش عارف اجيب الحاجت دى منين حضرتك عارف ان الصيف خلاص على الابواب والعربية الفليشيا معروف عنها السخونية فعايز اظبط الدنيا انا رحت محطة موبيل امبارح وقلت انظف الدورة واحط مية موبيل الجركن اللى ب 67 جنيه البنزينة طلعت مش شغالة وقاللى تعالى بكرة اظبط الدنيا راى حضرتك اعمل ايه احط مية موبيل انا بصراحة مجربتهاش قبل كده كل اللى جربتهم السعودى وطلعت زبالة والاسبانى وحضرتك قلت عليها مش كويسة
معلش بس عشان في ناس خالطة في الموضوع
التركيز يا جماعة ميفرقش في بلادنا الحاره ولا بتعريفة!!!
الاثيلين جليكول الماده اللي بتتحط على الماء المبرد دي ماهي الا مادة مانعة تجمد!!!
والبلاد الاوروبية بيحتاجو مانع تجمد في الشتاء
احنا عندنا التركيز من 5% اداؤه رائع واخرك 40% ومتعديهاش
اكتر من كده بيرفع درجة غلليان المية اكتر من 5 درجات وده بيخلي العربية محتفظه بالحراره بدل ما تفقدها!!!
عن نفسي جربت الاسباني تركيزه كان 5% وكان رائع جدا
جربت ادكو (من كارفور) ومش مكتوب عليه تركيز بس غالبا هو 40 % لان النوع اللي عليه اسم كارفور ارخص منه وتركيزه 40 % واداؤه هوا هوا اداء الاسباني
تحياتي
كلامك سليم يا دكتور ولا يختلف عليه كثيرون ولكن :
لو ال 50 % هما مانع التجمد يبقى اللى يهمونا النسبة الباقية واللى هى فيها مانع الصدا+المبرد+المادة المنعمة (اللى بتعمل زى عزل على جدار المواسير والخراطيم).
ولا ننسى ان الايثلين زى ما بيمنع التجمد فهو بيمنع ارتفاع درجة الحرارة وعلى سبيل المثال(البريستون اللى استخدمتها) بتمنع ارتفاع الحرارة عن 122 وده مهم فى حالة لا قدر الله الترموستات باظت والمروحة مشتغلتش واللى المفروض( فى النيو اكسنت) الترموستات بتفتح على 88 وتشغل المراوح.
واهم وظائف اضافة الايثلين انه مع سريانه فى المواسير واللى بتاخد الحرارة من الموتور وتبردها عن طريق الريادتير واللى بيخرج الحرارة فى الهوا المحيط والباقى بيخرج مع العادم.وانه بيحافظ على اقل درجة سخونة ممكنة وأمنة على الموتور والاجزاء الميكانيكية.
والكلام ده موجود هنا :
Pure ethylene glycol has a specific heat capacity about one half that of water. So, while providing freeze protection and an increased boiling point, ethylene glycol lowers the specific heat capacity of water mixtures relative to pure water. A 50/50 mix by mass has a specific heat capacity of about 0.75 BTU/lb F, thus requiring increased flow rates in same system comparisons with water. Additionally, the increase in boiling point over pure water inhibits nucleate boiling on heat transfer surfaces thus reducing heat transfer efficiency in some cases, such as gasoline engine cylinder walls. Therefore, pure ethylene glycol should not be used as an engine coolant in most cases.
واللينك :
Ethylene glycol - Wikipedia, the free encyclopedia
يبقى كل ما عليت المادة ديه كل ما زادت كفاءة تسريب الحرارة او اقصد الاحتفاظ باقل درحة حرارة.وده ممتاز فى بلادنا الحارة.