الموضوع: الي خبراء اجهزة قياس السكر في الدم

انا لسة مشتري bionime gm 100 من حوالي 3 اسابيع من صيدلية على وعلى امام الدمرداش ب 270 ومعاه عرض 100 شريط (4 علب * 25 شريط) ، والجهاز ده فى ناس كتيرة بتشكر فية وبيستخدموة فى دار الشفاء ، ومتوافق علية من ال FDA

الأهم فى الموضوع اسعار الشرائط ، انا فى خلال اسبوعين خلصت 50 شريط (بقيس كتير فى اليوم علشان لسة مكتشف السكر جديد وبنشوف تغييرة مع الأكل على مدار اليوم ) فالأستهلاك كتير والسعر كلة فى الشرائط

يكفى ان مثلا ال 100 شريط ب 200 جنية ، يعني تقريبا الجهاز ب 70 جنية ، فلما تدور على حاجه دور على الشرايط بتاعتها كمان وانها تكون متوافرة

انا عملت امبارح تحليل فى المختبر وحللت بالجهاز ، أول ما تطلع النتيجة هقارن بينهم وأقول لحضرتك على النتيجة

ربنا يجازيكم كل خير ويشفي مرضانا ومرضي المسلمين

ومنتظر تجربتك يا بشمهندس مصطفي وربنا يشفيك ويجازيك كل خير

الحمد لله النتائج طلعت

صائم 93 فاطر بعدها بساعتين 133

نتائج الجهاز 107 صائم 139 فاطر

والحمد لله تعتبر نتجة قريبة

ربنا يشفيك ويعافيك يا بشمهندس والحمد لله النتيجة طلعت كويسه

انا اشتريت الجهاز ده



جهاز الكونتور تي اس Contour TS الياباني الذي يستخدم خاصية GDH - FAD والتي أثبتت انها الافضل عالميا لانها تستطيع التمييز بين انواع السكريات وخصوصا بين المالتوز والجلوكوز.


وجربته علي نفسي الاول والحمد لله طلع 79 نسبة السكر عندي في الجسم

وجربته علي الحاج طلع 590 لانه بقاله 3 ايام مبياخدش انسلوين واديته حقنة الانسلوين والحمد لله بقا احسن دلوقتي


سعره 380 جنيه عليه 50 شريط هديه من العزبي

وسئلت علي الشرايط لقيتها ب 170 جنيه ال 50 شريط

شفاة الله وعافاة ، ابقى قارنة بتحليل المعمل وقولنا النتيجة

المشاركة الأصلية كتبت بواسطة م/مصطفى محمود

انا لسة مشتري bionime gm 100 من حوالي 3 اسابيع من صيدلية على وعلى امام الدمرداش ب 270 ومعاه عرض 100 شريط (4 علب * 25 شريط) ، والجهاز ده فى ناس كتيرة بتشكر فية وبيستخدموة فى دار الشفاء ، ومتوافق علية من ال fda

الأهم فى الموضوع اسعار الشرائط ، انا فى خلال اسبوعين خلصت 50 شريط (بقيس كتير فى اليوم علشان لسة مكتشف السكر جديد وبنشوف تغييرة مع الأكل على مدار اليوم ) فالأستهلاك كتير والسعر كلة فى الشرائط

يكفى ان مثلا ال 100 شريط ب 200 جنية ، يعني تقريبا الجهاز ب 70 جنية ، فلما تدور على حاجه دور على الشرايط بتاعتها كمان وانها تكون متوافرة

انا عملت امبارح تحليل فى المختبر وحللت بالجهاز ، أول ما تطلع النتيجة هقارن بينهم وأقول لحضرتك على النتيجة

انا برضة بارشح الجهاز دة انا باستخدمة من حوالي سنة وشايف انة بيدي نتائج دقيقة

المشاركة الأصلية كتبت بواسطة م/مصطفى محمود

شفاة الله وعافاة ، ابقى قارنة بتحليل المعمل وقولنا النتيجة

الله يخليك يا بشمهندس مصطفي وبأذن الله هروح السبت المستشفي الجوي واحلله صايم وفاطر علي الجهاز وعندهم واشوف النتيجة هتبقي مطابقة ولا لا

المشاركة الأصلية كتبت بواسطة masryxt

انا برضة بارشح الجهاز دة انا باستخدمة من حوالي سنة وشايف انة بيدي نتائج دقيقة

تسلم يا بشمهندس وانا استقريت علي الجهاز ده بعد ما سئلت طوب الارض من الصيادلة ولاني كنت اشتغلت زمان في العزبي فترة فسئلت اصدقاء ليا هناك ورشحولي الجهاز ده وربنا يشفي مرضانا جميعا