سكودا اوكتافيا or اوبل فيكترا موديلات من 2000 الى 2003

**alnmr79** · 14-03-2012 03:35 PM

المشاركة الأصلية كتبت بواسطة tananybasha

الأتنين كويسيين
بس الفيكترا اقوى

كلام 100|100
واحب اضيف عليه انها ارخص
الماتور ال2000 سى سى الايكو تك137 حصان بجد مش كلام وخلاص بالفتس الاوتوماتيك بالكنترول والحساسات بالتركيب كمان فى حدود ال6000 الى 7000جنيه
والماتور ال1600سى سى بالفتيس المانوال 5000 جم
شوف بقى اسعار الفتيس الاوتماتيك للاوكتافيا استيراد بكام؟؟؟؟؟؟؟؟؟
طقم الدبرياج ديسك +اسطوانة كورى 300 جنيه-الالمانى 800 جنيه
الفشة كاملة استيراد قدام ووره 500 -600 جم
الفانوس الامامى ديبو 200 جم والخلفى 100جم
الاكصدام تايوانى-ايطالى جديد فى حدود ال500 جم
بس طبعا اللى يفرق ما بين الاتنين 1-انتى نفسك تركب ايه 2-حالة العربية والموديل والسعر
وربنا يوفقك لان الاتنين فعلا محترميين جدا

**abdohero** · 02-04-2012 10:25 PM

على فكرة انا لسه واحد صاحبي مغير موتور اوكتافيا موديل 2000 ب 5000 جنيه في الحرفيين

لكن انا بتكلم على الامكانيات والاوبشنز مين اكتر

وبعدين هل يعني ان صيانة السكودا سهلة يعني عند اي ميكانيكي ولا مركز متخصص

يعني ما الفرق اذا اخترت السكودا يعني بالاصح ماذا تعني صيانة سهلة

**abdohero** · 20-04-2012 11:31 AM

معلوماتي ايضا تقول ان السكودا 101 حصان والاوبل ال 1600 75 حصان فقط فهل هذا الكلام صحيح وهل هذا يعني ان الاوكتافيا تسارعها افضل من الفيكترا 1600

**islambana** · 20-04-2012 03:23 PM

مبدئيا انا معايا العربيتين
الاولي فيكترا 97 فيها موتور 2000 ايكوتيك اوتوماتيك
التانيه اوكتافيا a4 97 مانيوال
مبدئيا خلينا متفقين علي حاجه لو عاوز اوتوماتيك يبقي اياك واياك من الاوكتافيا فتيس الاوكتافيا مشاكله كتير وغالي
عكس فتيس الاوبل (تجمعيه حلو جدا تحسه مانيوال ونقلاته مش محسوسه خااااااالص ومشاكله تكاد تكون معدومه ومعمر جدا وسعره استيراد كان قبل حظر الاستيراد 1500 جنيه وعليه ضمان 6 شهور معرفش دلوقتي بكام

هقارنلك العربيتين
1-من حيث الشكل :
الشكل مسأله ازواق بس شكل الاوكتافيا ليه هيبه اكبر عشان انتشارها اقل وانتاجها كان لغايه 2008 تقريبا وشكلها كلاسيك اكتر
الفيكترا شكلها شبابي اكبر بس شكلها اتعرف عند الناس وبقي تقليدي بس لو انت شاب يبقي هات فيكترا اي حاجه بتليق عليها وخصوصا الترويشات واكسسواراتها متوفره اكتر
2-نظام التعليق
الفيكترا ناشفه شويه عن الاوكتافيا عشان كده الاوكتافيا مناسبه اكتر لداخل البلد بس الاوبل اثبت علي الطريق
الدريكيسون في العربيتين تقيل شويه عن بقيه العربيات
بس محاور الفيكترا اوسع من محاور الاوكتافيا وده عشان قاعده عجلات الفيكترا اكبر من الاوكتافيا
3-الموتور
مواتير الاوبل معقده في مشاكل الكهرباء عشان كهربتها كتير عكس مواتير الاوكتافيا بس مواتير الاوكتافيا خراطيمها كتير ووصلاتها كتير
بالنسبه للتسارع لو هنتكلم عن 1600 الاوكتافيا تكسب بس السرعه القصوي الاوبل تكسب
اما لو هتقارن بالفيكترا ال2000 سي سي يبقي الفيكترا طبعا
استهلاك البنزين في الفيكترا ال2000 =استهلاك البنزين في الاوكتافيا ال1600
3-التكييف
التكييف في العربيتين واحد ولو مظبوط علي الشعره هيبقي تلاجه وتحفه بمعني الكلمه
4-الصالون
صالون الاوبل اوسع من الاوكتافيا بشكل ملحوظ وكنبه الاوبل اريح لكن كراسي الاوكتافيا الاماميه اريح
خامات صالون الاوبل اقيم من الاوكتافيا بس تابلوه الاكوتافيا اشيك شويه من الاوبل وكراسي الاوكتافيا الاماميه مريحه
الاوبشنز الموجوده في صالون الاوبل اكتر بكتير من صالون الاوكتافيا (الكلام علي ال1600 انما لو 2000cdx يبقي تتقارن بالa5
5-الابعاد الخارجيه
الاوبل اصعب من الاوكتافيا في السواقه وخصوصا في الركن
6-الثبات
ثبات العربيتين تحت ال120 تقريبا واحد لكن بعد كده الاوبل تكسب وفي المنحنيات ثبات الاوبل اعلي
7-قطع الغيار
الاوبل قطع غيارها ارخص بكتيييييير من الاوكتافيا ومنتشره اكتر يعني المكنه ال2000 الايكوتيك هي هي مكنه الليجانزا
وال1600 السوداء تعتبر موتور دايو لكن الاوكتافيا مالهاش بديل وحاجاتها اغلي من الفيكترا

الخلاصه ان العربيتين واحد وفي نفس الفئه والمستوي بس كل واحده بتتفوق علي التانيه في حاجات شوف اللي انت محتاجه

**Dawns_Mist** · 20-04-2012 04:16 PM

لو أوكتافيا بنتكلم عن الـ a4 موتور 1600 أوتو موديل 2002 مثلا ، مع الفيكترا موتور 2000 أوتو موديل 2002 ....

أنا سوفت الأوكتافيا نفس المواصفات دي بالظبط و جبت بيها 220 فعلا بس كانت مانيوال على الدولي الساحلي و عربية فعلا محترمة جدا ، و ثباتها ممتاز .... بس عن تجربة لإنها كانت مع واحد صاحبي أوي ( متعبة في الأعطال أكتر من الفيكترا ) صحيح الفيكترا كانت بتبقى أغلى شوية لكن عمرها ماكانت بتزعلنا .... و الفيكترا نفس المواصفات اللي مكتوبة دي قعدت معانا تقريبا سنة ... فأنا عندي خبرة في العربيتين و عارفهم كويس ....

الاتنين ثباتهم عالي ، لكن الفيكترا لو جنط 16 أو 17 صحيح هتبقى ناشفة شوية بس ثبات يتقارن بأي عربية زيرو في فئتها ....
الفيكترا أقوى طبعا لو 2000 سي سي ....
الأوكافيا فيها أوبشنات صغيرة كده لذيذة مش في الأوبل .. لكن السينسورز اللي في الأوبل بتساعدك جدا جدا و ياريت لو تلاقي الأوبل فيها كل السينسورز شغالة و مايكونش حد لعب فيها كمبيوتر و تكون حالتها نضيفة ...
الفيكترا تقبل إنك تلعب فيها و تسقطلها مواتير 2500 و تلعب في الإنجكشن و تجنط و بيكون شكلها فخم و شبابي في نفس الوقت .... الأوكتافيا محتاجه جنتله شوية مايليقش فيها خالص الشغل الشبابي ده ...

من تجربتي للعربيتين فترة كبيرة ..... أنا لو مكانك هدور على فيكترا بحالة نضيفة أوي بس لازم تكون 2000 سي سي أوتو ... و أصرف عليها كمان 5000 على الشكل الخارجي و شوية نضافه من جوه و جنوط ... بعدها صدقني هتقعد معاك 5 سنين عمرها ما هتزعلك أبدا ، و هتحس بمتعة السواقة و هتحس إنك راكب زيرو ....

**Dawns_Mist** · 20-04-2012 04:20 PM

المشاركة الأصلية كتبت بواسطة islambana

مبدئيا انا معايا العربيتين
الاولي فيكترا 97 فيها موتور 2000 ايكوتيك اوتوماتيك
التانيه اوكتافيا a4 97 مانيوال
مبدئيا خلينا متفقين علي حاجه لو عاوز اوتوماتيك يبقي اياك واياك من الاوكتافيا فتيس الاوكتافيا مشاكله كتير وغالي
عكس فتيس الاوبل (تجمعيه حلو جدا تحسه مانيوال ونقلاته مش محسوسه خااااااالص ومشاكله تكاد تكون معدومه ومعمر جدا وسعره استيراد كان قبل حظر الاستيراد 1500 جنيه وعليه ضمان 6 شهور معرفش دلوقتي بكام

هقارنلك العربيتين
1-من حيث الشكل :
الشكل مسأله ازواق بس شكل الاوكتافيا ليه هيبه اكبر عشان انتشارها اقل وانتاجها كان لغايه 2008 تقريبا وشكلها كلاسيك اكتر
الفيكترا شكلها شبابي اكبر بس شكلها اتعرف عند الناس وبقي تقليدي بس لو انت شاب يبقي هات فيكترا اي حاجه بتليق عليها وخصوصا الترويشات واكسسواراتها متوفره اكتر
2-نظام التعليق
الفيكترا ناشفه شويه عن الاوكتافيا عشان كده الاوكتافيا مناسبه اكتر لداخل البلد بس الاوبل اثبت علي الطريق
الدريكيسون في العربيتين تقيل شويه عن بقيه العربيات
بس محاور الفيكترا اوسع من محاور الاوكتافيا وده عشان قاعده عجلات الفيكترا اكبر من الاوكتافيا
3-الموتور
مواتير الاوبل معقده في مشاكل الكهرباء عشان كهربتها كتير عكس مواتير الاوكتافيا بس مواتير الاوكتافيا خراطيمها كتير ووصلاتها كتير
بالنسبه للتسارع لو هنتكلم عن 1600 الاوكتافيا تكسب بس السرعه القصوي الاوبل تكسب
اما لو هتقارن بالفيكترا ال2000 سي سي يبقي الفيكترا طبعا
استهلاك البنزين في الفيكترا ال2000 =استهلاك البنزين في الاوكتافيا ال1600
3-التكييف
التكييف في العربيتين واحد ولو مظبوط علي الشعره هيبقي تلاجه وتحفه بمعني الكلمه
4-الصالون
صالون الاوبل اوسع من الاوكتافيا بشكل ملحوظ وكنبه الاوبل اريح لكن كراسي الاوكتافيا الاماميه اريح
خامات صالون الاوبل اقيم من الاوكتافيا بس تابلوه الاكوتافيا اشيك شويه من الاوبل وكراسي الاوكتافيا الاماميه مريحه
الاوبشنز الموجوده في صالون الاوبل اكتر بكتير من صالون الاوكتافيا (الكلام علي ال1600 انما لو 2000cdx يبقي تتقارن بالa5
5-الابعاد الخارجيه
الاوبل اصعب من الاوكتافيا في السواقه وخصوصا في الركن
6-الثبات
ثبات العربيتين تحت ال120 تقريبا واحد لكن بعد كده الاوبل تكسب وفي المنحنيات ثبات الاوبل اعلي
7-قطع الغيار
الاوبل قطع غيارها ارخص بكتيييييير من الاوكتافيا ومنتشره اكتر يعني المكنه ال2000 الايكوتيك هي هي مكنه الليجانزا
وال1600 السوداء تعتبر موتور دايو لكن الاوكتافيا مالهاش بديل وحاجاتها اغلي من الفيكترا

الخلاصه ان العربيتين واحد وفي نفس الفئه والمستوي بس كل واحده بتتفوق علي التانيه في حاجات شوف اللي انت محتاجه

بجد بجد عشرة على عشرة .. كلام ممتاز و من الآخر ....