كله بيمشى فى بلدنا
عرض للطباعة
كله بيمشى فى بلدنا
بصراحة القيادة هنا لا علاقة لها بالاخلاق ولا حتي قواعد القيادة
ولا فنونها بالمرة القيادة هنا عبارة عن دركسيون + دواسه بنزين
اما الباقي سلموا لي عليه
امبارح جااااااي من الدايري داخل مدينه نصر من عند الكوبري اللي عند
اكاديمية الشرطة ومعي بالسيارة صحبة وواخد اليمين بالاشارات
واذا بخلفي واحد _ ايديه علي الكلاكس ولا زق في ظهري
ايه يا عم في ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
هو وبكل بجاحة : عايز اعدي
قلت له : مش في فلاشر بيقةل انا داخل يمين
هو : سلامتك يا فلاشر .. فلاشر ايه يا ابو فلاشر .. قال فلاشر قال
طبعا اللي معايا ............ هات يضحك قاللوا لي ياعم صلي ع النبي
انت بتشتم الراجل تلاقيه مش عارف بيعملوا بيه ايه الفلاشر
بجد ازمة المرور عندنا الجهل التام بقواعد القيادة
ورأي المتواضع من دوسيه الترخيص يبان كام مرة تم تجديدها
ومن رأي صاحب اول مرة + اللي جدد مرة يعاد اختباراته
سواء كان حامل الرخص خاصة او مهنية
الحمد لله طلعتها بالظبط في اسبوع
انا تميت يوم 7/8/2012 روحت يوم الاربعاء الموافق 8/82012 جبت الملف والصور والذي منه وقدمت في حاجه اسمها دوة تثقفبه ودفعت حوالي 250-270 جنيه وقالولي معاد الختبار يوم الاربعاء القادم قعدت علي النت ذاكرت الاشارات وتعبت في نفسي روحت لقيت اسئله غريه غير الي علي النت المهم يعني كان معايا جوز عمتي وهو لواء معاش وكمان كان سابقا ماسك حاجه في المرور روحت الاشارات الراجل قاله هنجحه قلتله بس سبني اجاوب قالي ماشي جبت 91% روحت علي العملي وعلي الشاهين المعفنه بتاعت المرور طبعا قعد بتاع سنه عقبال ما طلعت لاني بسوق اوتوماتك والحمد لله لقيت العسكري بيساعد قلت خير وبركه بس رضو كله بمجهودي وجوز عمتي راح للظابط عرفه بنفسه قاله ناجح من قبل ما اوصل واحنا في اخرر التراك لقيت العسكري بطل العربيه قولت بس فهمت طلعتله 20 جنيه واقراص حاجه حلوة :-) وكل سنه وانت طيب ياباشا دور تاني وعننننن وروحت ركنت قدام الظابط قالي ناجح ياباشا الكلام ده يوم 15/8 عقبال ما خلصت كانت الساعه 12:10 روحت الخزنه طبعا قفلت فقلت خلاص بكرة روحت الخميس 16/8 اشتريت شويه حجات ب5 جنيه ملف مش عارف ايه وصور بطاقه
....وروحت اتصورت ويارتني ما اتصورت الي اصحاب القلوب الضعيفه محدش يتخض
http://store2.up-00.com/Aug12/o9y48022.jpg
اعادة الامتحان مش هتعمل حاجة ولا هتغير سلوك الناس " بالظبط كدا زى اللى داخل على لجنة يقوم رابط الحزام و خلاص " احنا عايزين نعمل اعادة للاخلاق و الشرطة عايزة تشوف شغلها كويس و بلاش تطنيش
انا الحمد لله طلعتها بمجهودى مع تسقيف حار من الجماهير المشاهدة فى مرور عين الصيرة لانى ركنت فى نص دقيقة بالظبط , وكانت الركنة على قد العربية بالظبط وكان قبلى واحد واقسم بالله حطينلة القمعين بمسافة 8 متر تقريبا وكان داخل بعربية مش كبيرة كبيرها 4 متر طول يعنى الضعف وفى الاخر ركن برة الخط كمان وخبط العربية فى الرصيف وفى الاخر لقيتة بيستلم الرخصة معايا عادى جدا
انا اؤيد تماما فكرة اعادة اختبارات رخصة القيادة ويارب تكون من غير واسطة , ساعتها البلد هتنظف فعلا
بالنسبة للموتسيكلات مين قال لحضرتك إن سواقين الموتيسيكلات بيمشوا أساسا برخص ؟
بس لو الامتحان اتعمل فى ادارة المرور بيقى مالوش لزمة لازم يكون امتحان بجد وواحد يطلع مع المتقدم يعمل تقييم على السرعات وال ركنات واسلوب دخول الملفات والمنحنيات واستخدام الاشارات وكل حاجة
انا للاسف طلعت الرخصة بواسطة من 12 سنة وكنت بمارس السواقة قبلها ب3 سنين فى الشوارع بس الواسطة عشان انجح ومع ذلك انا الويحد اللى عديت الاختبار بنجاح يوميها
واقر اننى مستعد للاختبار تانى بس البلد تتعدل شوية
عموما انا لى راى، اللى من الاعضاء الافاضل سافر بره مصر شاف زى ما فى قانون بردو فى Controls عشان القانون يطبق صح بدون ظلم وبالعقل طبعا، يعنى مثلا فى امريكا فى كاميرات فى كل الشوارع وفى الاشارات كمان فى رادار فى الاشارات عشان ماتاخدش الاشارة طاير حتى لو بتاعتك، والكاميرا اللى فى الاشارة بتجيب رقم الشاسيه اللى على الازاز الامامى للسيارة ههههههههههههههههه واحنا عندنا بنستخدم النمر الذكية اللى ممكن تتخلع ههههههههههههههه
الناس بره اتعودوا على احترام المرور من اجيال لانهم عارفين حقوقهم وبردو عارفين هيحصلهم ايه لو خالفوا... بس للامانة هناك بيطبقوا روح القانون يعنى لو طريق اخره 65 ميل بس الدنيا فاضية فى وقت متاخر الرادار مش هيصور اللى ماشى 100 ميل عشان للا يوجد ما يستدعى انه يمشى بطئ فى الطرق الفاضية...
اسمحولى اشارك معاكو
انا بشتغل فى لندن وبطبيعة عملى كنت لازم اطلع رخصه
مش عايز اقولكم كمية الامتحانات اللى دخلتها والمذاكره اللى ذاكرتها لدرجة ان لمااخدت الرخصه لقيت الناس بتهنينى كانى نجحت فى الثانويه مثلا او الجامعه
الامتحان العملى فقط 40 دقيقه سواقه ولازم بعربيه بمواصفات معينه وفىشوارع وبصعوبات يختارها الممتحن ده بخلاف الامتحان النظرى اللى فيه حوالى 120 سؤال اختيارى فى 50 دقيقه
ده كوم والمصاريف كوم
في يعض الولايات في امريكا بيعمل امتحان تحريري في الاول من 25 سؤال اختر من متعدد. اشارات علي مواقف معينه يرسمها لك ويقوللك انهو التصرف الصح مع شوية قواعد تانية. فيه كتاب متوفر في المرور تذاكر منه. بس مش كل الاسئلة بتيجي منه. لازم تحاوب علي 20 علي الاقل صح. او تسقط وتعيده تاني. ليك 4 مرات. لما تنجح يديلك رخصة مؤقتة تسوق بيها وحد راكب جنبك معاه رخصة. مينفعش تسوق لحدك. صالحة لمده سنه. في اي وقت خلال السنة بتروح تمتحن عملي. بييجي واحد من المرور يركب جنبك العربية ومشيك في شوارع البلد شوية ويشوف مدي اتيباعك لاساليب وقواعد المرور. ممكن يوقفك مرة تركن العربية ويشوف هاتركن ازاي. فيه غلطات ممكن يعدوها وفيه غلطات بعملها تسقط. بس في اخر المشوار بقولك انت عملت كذا غلط ودا اللي سقطك العملية دي بتاخد ييجي 20 دقيقة وتطلع بالرخصة.