الموضوع: انت فين ؟؟؟؟................ و جاى امتى !!!!!

المشاركة الأصلية كتبت بواسطة donzi

طيب ياريت انت تسأل مديرك بكرة " حضرتك دلوقتي مبسوط من ساعة مامراتك بقيت تعتبرك مجرد حصالة او ماكينة صراف الي لا اكثر"

يا حضرات ياللي مضايقين من زوجاتكم عشان بيسألوكم انتو فين او بتعملو ايه او جايين امتى احب اوضحلكم حاجة صغننة كدا

الست بعد الجواز مابيبقاش وراها - الفروض يعني - غير بيتها و جوزها و ولادها و من اول ما بتتجوز بيبقى جوزها دا بالنسبالها هوا الشخص اللي بتحس انها منتمية ليه بعد ابوها و امها لانها في بيت اهلها بيبقى ليها اخوات و الاب و الام و العيلة كبيرة و مفيش حد فيهم منتمي ليها او منتمية ليه لوحدهم كدا و بالتالي اول ما بتتجوز بتبقى هي و زوجها حاجة واحدة يعني بتوع بعض

و لما زوجها يبقى في شغله طول النهار و مش شايفاه و مش حاسة بوجوده معاها ممكن تتكلم 100 مكالمة في اليوم لاسباب تافهة و هايفة - في نظر الراجل طبعا - لكن دا بيبقى لانها محتاجة بس تسمع صوته او تكلموا انشالله ماتكملش دقيقة و تحس انه مشاركها اليوم كله مش هوا في وادي و هي في وادي

يبقى لما مراتك تكلمك عشان اسباب هايفة يا عزيزي الزوج اعرف ان مراتك بتحبك و بتغير عليك مفتقداك و عاوزة تحس بوجودك معاها في كل تفاصيل حياتها و لو مراتك بطلت تعمل كدا اعرف انها رميت طوبتك و ان انت بقيت مجرد شخص عايش معاها في بيت واحد بتصرف عليها و على ولادها و بس و ماعتقدش ان في حد فيكم هايتبسط كدا

ممكن دي تكون حاجة بتضايق الرجالة بس صدقوني لو بصيتوا للامور من وجهة نظر تانية هاتلاقوا ان دي مش حاجة وحشة

كلام جميل .... كلام معقول ... مقدرش اقول حاجه عنه .... لككككككككككككككككككككككن

يا فندم ... الزوجه بتبقى حاطه فى اعتبارها ان زوجها كل حياتها و ده شيىء تشكر علية طبعا بس للاسف مش بتكون قادر تتصور انها جزء من حياة زوجها على اعتبار انه لديه مسئويات اخرى مثل عمله اوشغله اللى هيكون مستواه و درجته فية مرتبطه بمستوى احترافيته و اجادته و لا يكون هناك مكان لاى اعتبارات اخرى مثل البيت ... فأحيانا اذا اخلت الزوجه بأحدى مسئولياتها تجاه زوجها ... قطعا سينظر لاعتبارات اخرى بحكم العشرة و الرصيد السابق من التعامل ... بينما على الواقع العملى لا توجد هذة الاعتبارات .... ولو اخذنا هذا المنطق بالمعكوس و كان الزوج هو الذى يبدا بالاتصال و يبادر بتلك الاسئله مع اختلافها طبعا فسوف تضيق ذرعا بهذا الاستجواب ... و اذا كان الدافع وراء ذلك هو انه كل حياتها فالوقع يقول انها جزء من حياته بجانب بقية الاجزاء الاخرى ..
و شكرا على مرورك الكريم ....