رقم العضوية : 101576
تاريخ التسجيل : 01Jun2011
المشاركات : 1,130
النوع : ذكر
الاقامة : السعودية
السيارة: سيراتو ٢٠١٥A/T
السيارة[2]: 2012 logan B/L
دراجة بخارية: no
الحالة :
بص ياعم انا قمت الصبح فى ميعادى ورحت الشغل فى ميعادى الساعة 7 صباحا
وبعدين على الظهر كانت بتتصل بيا وبتسألنى
- تحب تتغدى ايه ؟
- اعملى اى حاجة
- انت كده بتصعبها عليا قول عايز كذا حدد لى اكلة .
- عايز لحمة مشوحة .
- لأ هاعمللك اكلة اسمها "مطبقة" حاجة كده زى الحواوشى .
- طب بتسالينى ليه .
تقريبا كده بتعذبنى تعذيب نفسى - نفسك فى ايه - نفسى فى كذا طب مش هاعملهولك - المهم كان صوتها رايق وما فيهوش اى زعل او شوائب زعل يعنى عادى
المهم وصلت البيت فى ميعاى بعد العصر بساعة دخلت المطبخ
- لسه محططهوش فى النار بقالك 4 ساعات بتعمليه
- عشان يبقى سخن
- ماشى
المهم دخلت غيرت هدومى واستنيت لما تخلص وقعدت معاكم عنت شوية .. شوية ولقيتها جاية بالصينية فيها المطبقة اللى قالت لى عليها
قعدت كلت ولقيت طعمها حلو اول مرة تعمل الاكلة ديه
ملحوظة مراتى ما بتكلش اى لحوم او منتجات اللحوم نهائيا حتى لو ماتت من الجوع - بتاكل بس فراخ او اسماك
المهم لقيتها جاية ووشها بدأ يتغير ويقلب لوحدة كده من غير سبب
- ايه فى ايه ؟
- انت قاعد بتاكل وما سألتنيش انتى اكلتى ايه ؟
- طب انتى اكلتى ايه ؟
- ما اكلتش حاجة .
- طب انا اعملك ايه ما انتى اللى ما بتاكليش اللحوم .
مشيت وهى قلبا وشها ... وانا قعدت اكل وما سألتش وبعد ما خلصت قعدت شوية وكملت معاكم عنت لاقيتها جى وبتقول
- انت سايبنى ومش معبرنى ومش هامك اكل ولا ما اكلش
- طب ما احنا كنا فى المحمل يوم الجمعة ما اشترتيش ليه فراخ ليكى مجمدة
- انا ما بحبش المجمد
- طب وانا ذنبى يه الفرارجيه قافلين الساعة 12 مساء
الكلام ده كله كان يوم الاحد
- ويوم السبت انا رحت الشغل وجيت وانتى ما طلبتيش منى اى حاجة اجبها ولا حتى كلبتى اى فرخة بالتليفون من الفرارجى .
سكتت وما اتكلمتش
المهم انا قلت اخد بعضى وانزل اصلى العشا فى المسجد قبل ما القنبلة تنفجر فيا وبعدين اعدى على والدتى واديها فلوس كانت ليها عندى تكون نسيت
المهم نزلت ورحت المسجد وقلت بالمرة اعدى على الفرارجى عشان ما انكدش على نفسى وابعد عن الشر وغنى له ..... رحت للفرارجى قلى انا خلصت بكره ابعتها على البيت الصبح الساعة 9 او 10
رجعت البيت دخلت قلت له انا رحت للفرارجى ولقيته خلص وقالى هايبعتلى فرخة الصبح
-يعنى هنام كده من غير ما اكل
- كلى مرة او حلاوة او جبنة او قشدة او زبادى ... اى حاجة من التلاجة
-ما ليش نفس
- طب تحبى انزل اجيب لك اى تيك اواى لأ خلاص خليك ووشها راق
طلعت بره الغرفة تتفرج على mbc4 قلت الحمد لله اهى حاجة واتلهت فيها وان قلت اقعد معاكم شوية
قعدت شوية وبعدين لقيتها جاية وواقفة جانبى قلت اعمل ياد مش واخد بالك شكلها كده ناوية لك على حاجة وعملت نفسى مش واخد بالى حوالى دقيقة كده وبعدين بصيت لها لقيتها بتبص لى وبتبتسم ابتسامة مصطنعة وحاسس انها مش من قلبها
انا برده ابتسمت وعملت نفسى مش واخد بالى وكملت معاكم
وسابتنى وخرجت
ثم هبت العاصفة
انا قاعد عنت وسليبنى لوحدى حرام عليك ما حاسة ان فى حد قاعد معايا فى البيت
وكلام من اللى قلبك يحبه
وعدين دخلت تعيط
وجابت حاجات من الزمن اللى فات عشان تكمل باقى مسلسل النكد
- حرام انا تعبانة بقالى شهر ومش عايزة اكلم
- طب ليه ؟
- عشان ما بتخدش كلامى على محمل الجد ان اعصاب ايدى سايبة وقعدت تعيط
خدت موبايلى واتصلت ب محمع عيادات وسالت على دكتور مخ واعصاب قالوا لى ده بيجى يوم الثلاثاء
- انا مش هاستنى للثلاث
- طب خلاص نروح لدكتور باطنة
- ماشى انا هاخد الواد وانزل وانت حصلينى
الكلام ده اكان الساعة 10 الا ثلث
نزلت ووصلنا الساعة 10 قلت لها اسبقى عشان الدكتورة بتمشى الساعة 10 وحجزت الكشف وانا حصلتها ومعايا عمرو بيه
دخلنا للدكتورة
- اعصاب ايدى سايبة
قاست الضغط لقيته كويس
معدل الحديد فى الدم كويس
- انتى محتاجة شوية فيتامينات
شكرا يا دكتورة
- مع السلامة
-مع السلامة
اشترينا شريط فيتامينات وروحنا
وخدت حباية فيتامينات
والحمد لله فوت الفرصة على مراتى واحبطت مخططها
وقال فرعون ذرونى اقتل موسى وليدع ربه انى اخاف ان يبدل دينكم او ان يظهر فى الارض الفساد " يا سلام على ايمان وورع فرعون وفعلا صدقوه ....وبرده كانوا مصريين
رقم العضوية : 93531
تاريخ التسجيل : 05Apr2011
المشاركات : 2,095
النوع : ذكر
الاقامة : Cairo
السيارة: غير معروف
السيارة[2]: غير معروف
الحالة :
رقم العضوية : 105302
تاريخ التسجيل : 25Jun2011
المشاركات : 3,817
النوع : ذكر
الاقامة : Port Said \ Cairo
السيارة: Toyota Corolla 2008
السيارة[2]: Hyundai Verna 2009
دراجة بخارية: Kia Cerato 2010
الحالة :
ربنا يكون في عونك و كرهونا في الجواز كمان و كمان ربنا يخليكوا
رقم العضوية : 55956
تاريخ التسجيل : 16Dec2009
المشاركات : 3,827
النوع : ذكر
الاقامة : EGYPT
السيارة: BMW
السيارة[2]: LANCER
دراجة بخارية: ISA
الحالة :
والله انتا برنس البرانيس كلهم. عمال تتفادي محاولات النكد كانك ماشي في شارع مكسر وبتتفادي المطبات. ههههههههههههههه
فعلااااااااااااااااا ان كيدهن عظيم
رقم العضوية : 80905
تاريخ التسجيل : 22Sep2010
المشاركات : 2,674
النوع : ذكر
الاقامة : cairo elbehera
السيارة: بيجو 406
السيارة[2]: bmw 523i
دراجة بخارية: no
الحالة :
هو في ايه حراااااااااااااااام عليكوا والله انا داخل علي جواز ايه التعقيد ده
rompo10
رقم العضوية : 57297
تاريخ التسجيل : 29Dec2009
المشاركات : 5,411
النوع : ذكر
الاقامة : مدينه نصر
السيارة: 01009779970
السيارة[2]: لانسر كريستاله 2000
دراجة بخارية: قريبا ان شاء الله
الحالة :
ياجماعه بتدلع عليه
وانتا مش ملاحظ انك من ساعه ما دخلت البيت مقعدتش معاها اصلا
فين الاكل
كلت وقعدت عالنت
نزلت تصلي العشا وقعدت عالنت
بالليل قعدت عالنت
حاول تفضي وقت لبيتك شويه
واستحمل ياعم
:)
دي واحده ست
امال هما عملوا الدلع لمين
ابقي هاتلها فراخ ياعم
:)
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
جبت السيره دي ليه حرام عليك
قلبت عليا كل مواجعي
الله يسامحك
ههههههههههههههههههههههه
don't judge a car unless you have driven it
hm414 سابقا
رقم العضوية : 36613
تاريخ التسجيل : 27Mar2009
المشاركات : 256
النوع : ذكر
الاقامة : Far Far Away
السيارة: ...
السيارة[2]: Proton Gen-2
دراجة بخارية: لا
الحالة :
الصراحة أنا شايف أن عندها حق ..
سبحان الله وبحمــــده .. سبحان الله العظيـــــم
لا إله إلا أنت سبحانك إني كنت من الظالميــــــــن
رقم العضوية : 116019
تاريخ التسجيل : 26Oct2011
المشاركات : 1,379
النوع : ذكر
الاقامة : القاهرة
السيارة: لانسر شارك ثم كروز من اليوم
السيارة[2]: بولونيز ثم لادا 2110(الشكل الجديد)
دراجة بخارية: no
الحالة :
والله مهما عملت -كورس النكد مكتوب مسبقا ومستحيل تهرب منه مهما قلت وعملت ودلعت -كل اللى ممكن يحصل الحد من تأثير طاقة الانفجار وحصرها فى اضيق مكان حتى لا يسمع الجيران والاولاد وتكون الخسائر اقل ما يمكن
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
اسهل من كل الحوار ده
...
...
مجرد كلمة حلوة ح تاكل عقلها وتسعدها وحسن معنوياتها وتحسسها بانها قيمة مهمة في حياتك
يعني اعتقد ان هي اولى من المنتدى انك تقعد معاها
لكن واضح انها حاسه ان اهميتها في حياتك الاكل وتربية الولد وبس
والدليل انها بتشتكي من اي حاجة عشان توديها للدكتور وتدورلها على اكل اللي بتحبه وبمجرد ما قلتلها اجيبلك تيك اواي فرحت وابتسمت وقالت لأ خلاص
لازم تشعرها باهميتها في حياتك
الكلمة الطيبة صدقة .... والكلمة الطيبة للزوجة ..... واجب عليك
جرب مرة لما تدخل البيت ما تسألش على الاكل علطول .... اسألها عن نفسها الاول .... حسسها انها كانت واحشاك
جرب جيبلها وردة بإتنين جنيه
ح تحس انك اشتريت راحة بالك وبيتك وسعادتك بالاتنين جنيه دول
.... الحاجات دي قد تكون بسيطة بالنسبة للرجل لكن بالنسبة للزوجة دي اهم من اي حاجة
خصوصا لو كانت ربة منزل ولا تخرج للعمل .... يعني دنيتها بيتها وزوجها واولادها بس
وبالمقابل ح تلاقيها بتحاول تسعدك بدل ما تنكد عليك
ده كلام عن خبرة وتجربة وجرب ومش ح تخسر حاجة .... غير الاتنين جنيه طبعا ههههههههه
خيركم خيركم لأهله
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
المفضلات