كماليات من usa

**Hobgoblin** · 14-03-2012 04:36 PM

المشاركة الأصلية كتبت بواسطة kbarema

طب فعلا انا عاوز اشترى حاجه من ايباى بس انا هحولك وانت تشترى من غير ضمان ولا انت هتشترى وتبعت وبعدين احولك من غير ضمان لك اكيد فيه حل وسط فكر معايا

kbarema

عشان أكون صريح مع حضرتك...أنا مش هاخد أي risk. أنا رجل دوغري يعني ومش هاشتغل حد بكلام من عينة خلي عنك وفي بيتها والجيب واحد وكدة...

أنا عمل إلمشاركة دي خدمة وبس لو حضرتك مش مرتاح للموضوع دة حقك طبعاً ومحدش يقدر يلومك. دايماً المعاملات المادية بتكون صعبة شوية.

وسترن يونيون ممكن يكون حل كويس جداً...أو زيه MoneyGram ...

ومرة تانية أنا في خدمة الجميع بأي طريقة

**yasser_omar** · 14-03-2012 11:41 PM

سهلة يا جماعة الاخ الى فى امريكا يشترى ويشحن والاخ اللى هيستلم يدفع عند الشحن
او لو ليه حد فى مصر يستلم الفلوس ويسلم البضاعة

**tejani** · 15-03-2012 01:24 AM

اولا شكرا لحضرتك على الخدمة بس هثو لازم كماليلت مينفعشي حاجات تانية انا كنت عاوز كابلت وجراب للتابلت الزووم بتاعي

**M_Marwan** · 15-03-2012 01:47 AM

هيا المشكله فى الجمارك مش مصاريف التحويل

**Hobgoblin** · 15-03-2012 02:30 AM

المشاركة الأصلية كتبت بواسطة yasser_omar

سهلة يا جماعة الاخ الى فى امريكا يشترى ويشحن والاخ اللى هيستلم يدفع عند الشحن
او لو ليه حد فى مصر يستلم الفلوس ويسلم البضاعة

ياسر بك

معلش هوضح حاجة بس...أنا مش هشتري حاجة غير بعد التحويل...إلا في حالة إن الحاجة دي refundable من غير مصاريف علي...أعتقد محدش يرضالي اني أتكلف في حاجة مش لي أساساً

يعني لو اشتريت حاجة non-refundable وإلي عايزها في مصر غير رأيه هاكون أنا اللي شيلت الليلة...وأنا زي ما وضحت أحب أكون دوغري فبالتالي مش حتحمل أي تكلفة

أنا طبعاً لي أهل في القاهرة لكن أفضل وسترن يونيون أو PayPal لو ينفع...

الموضوع يا جماعة خدمة وبس وأنا كمان هستفيد خبرة كبيرة...ومبني أساساً على الثقة وبس

وأنا في الخدمة...

سلام

**Hobgoblin** · 15-03-2012 02:31 AM

المشاركة الأصلية كتبت بواسطة tejani

اولا شكرا لحضرتك على الخدمة بس هثو لازم كماليلت مينفعشي حاجات تانية انا كنت عاوز كابلت وجراب للتابلت الزووم بتاعي

يا فندم تؤمر بس...أي حاجة ممكنة وأنا في الخدمة...

**Hobgoblin** · 15-03-2012 02:33 AM

المشاركة الأصلية كتبت بواسطة m_marwan

هيا المشكله فى الجمارك مش مصاريف التحويل

من قال لا أعلم فقد أفتى

وعليه: "لا أعلم"

سلام

**Ayman-Ahmed** · 15-03-2012 09:39 AM

مساعدة ممتازة منك لكل اللى محتاج حاجة من برا .انا كنت قاعد فىTexas -Port Arthur ,ونقلت على كذا ولاية بعد كدة ولويزيانا جميلة ربنا يعينك على الحر.

ويسترن يونيون ممتاز فى التحويل ولكن مصاريف التحويل عالية والافضل فى رائي تحويل بنكى لان نسبته مش عالية زى ويسترن.

**Hobgoblin** · 15-03-2012 03:14 PM

المشاركة الأصلية كتبت بواسطة ayman-ahmed

مساعدة ممتازة منك لكل اللى محتاج حاجة من برا .انا كنت قاعد فىtexas -port arthur ,ونقلت على كذا ولاية بعد كدة ولويزيانا جميلة ربنا يعينك على الحر.

ويسترن يونيون ممتاز فى التحويل ولكن مصاريف التحويل عالية والافضل فى رائي تحويل بنكى لان نسبته مش عالية زى ويسترن.

أيمن بك

تشرفنا يا فندم بتكساس وأهل تكساس الكرام.

الحر إشتغل أهو ورطوبة جميلة جداً...

الحقيقة أنا معنديش خبرة قوي في مواضيع التحويل لكن لو التحويل البنكي دة سهل وأقل في التكاليف يبقى تمام جدنو أسهل لي أنا كمان

واللي عنده إقتراحات تانية يا جماعة أنا كلي أذان صاغية

سلام

**theangel** · 15-03-2012 06:33 PM

حضرتك بتقول انا معاكم في اي اقتراح او اي خدمه او اي طريقه وانت مش بتقبل اي طرق ومش عايز تاخد ريسك يبقي انت كده مفيش عند حضرتك غير حل واحد من حلولك تقوله وتوفر علي الناس التفكير في حلول انت مش هتقبلها ........
وطريقة الدفع عند الإستلام دي طريقه ماشيه جدا او حد هنا يستلم الفلوس وقت إستلام الطرد دي يعني حاجه مفيش فيها كلام

وشكرا لمساعدة حضرتك .............