المشاركة الأصلية كتبت بواسطة ahmedeg1
السلام عليكم يا أخى الكريم
الرعشة موجوده فعلا و بتخف لما توصل ل 10000 كم و ممكن تمنعها خالس [برشة wd40 ]على شداد الأكسرتير بس كل شويه هتعملها لما تظهر
وضع الدبرياج ده طبيعى و عود رجليك عليها كنت كده فى الأول و بعد كده اتعودت عليها و موضوع الطبتيل ده عيب منك انتا و هتتعود عليها سويه سويه
فعلا صوت الموتور عالى من ار بى إم 3 لحد ار بى إم 4 و بعد كده بيبقى هادى و عاوز أقولك بلاش زيت توتال بتاع التوكيل و جرب ليكوى مولى هتلاقى فى فرق خاصة بعد ما تعمل 1000 كم
موضوع الوقود غير كامل الإحتراق ده مش سليم لأنه لو غير كامل الإحتراق هتلاقى دخان إسود و الريحه اللى بتشمها دى هتلاقيها فى أى عربيه زيرو لأن علبة البيئه بتاعتها لسه متنيلتش بأثار العادم و هيصاحب الرائحه دى قطرات مياه نتيجة لتلامس الهواء الساخن الخارج من الموتور لسطح الشماك الداخلى البارد
ما تقلقش وكل اللى ملاحظه ده طبيعى و ربنا يستر طريقنا جميعا