رجاله نايل موتورز اجمع , مساعده ارجوكم

**Totexxxxx** · 14-03-2012 11:53 PM

المشاركة الأصلية كتبت بواسطة mohamed_refaat

اكيد حتلاقيها فى سيتى ستارز فى محلات الاثاث فى كل حتة هناك بس حتكون غالية جدا جدا جدا

انا روحت امريكان فرنيتشر و اكتر من محل اثاث في عباس العقاد وللاسف ملقتهاش

مظنش انها هتكون اغلي من 400 مثلا

ان شاء الله هدور عليها في سيتي ستارز وان شاء الله الاقيها

**homme49** · 15-03-2012 04:43 AM

المشاركة الأصلية كتبت بواسطة totexxxxx

انا روحت امريكان فرنيتشر و اكتر من محل اثاث في عباس العقاد وللاسف ملقتهاش

مظنش انها هتكون اغلي من 400 مثلا

ان شاء الله هدور عليها في سيتي ستارز وان شاء الله الاقيها

هناك إعلانات فى القنوات الفضائية تعلن عنها بمبلغ 120 جنيه + مصاريف الشحن
و عندما علم إبنى أننى أرغب فى شرائها قال لى أن له أصدقاء إشتروها من خارج إعلانات التلفزيون بمبلغ 75 جنيه

**Totexxxxx** · 15-03-2012 12:23 PM

المشاركة الأصلية كتبت بواسطة homme49

هناك إعلانات فى القنوات الفضائية تعلن عنها بمبلغ 120 جنيه + مصاريف الشحن
و عندما علم إبنى أننى أرغب فى شرائها قال لى أن له أصدقاء إشتروها من خارج إعلانات التلفزيون بمبلغ 75 جنيه

يا فرج الله يا فرج الله , ياريت تسألهولي لو سمحت فين المكان الي اشترو منه ب 75 جنيه او حتي رقم النليفون بتاع التلفزيون واكون شاكر جدا لحضرتك

**casper_Dj30** · 15-03-2012 01:01 PM

باشا علي فكرة انا شوفتها في داري اللي في شارع الهرم بس فعلا مش فاكر السعر بالظبط بس تقريبا كان 90 جنية

**Totexxxxx** · 15-03-2012 01:49 PM

المشاركة الأصلية كتبت بواسطة casper_dj30

باشا علي فكرة انا شوفتها في داري اللي في شارع الهرم بس فعلا مش فاكر السعر بالظبط بس تقريبا كان 90 جنية

انا ان شاء الله نازل دلوقتي حالا ورايح علي هناك وان شاء الله الاقيها

شكرا جدا لحضرتك

**homme49** · 15-03-2012 08:35 PM

المشاركة الأصلية كتبت بواسطة totexxxxx

يا فرج الله يا فرج الله , ياريت تسألهولي لو سمحت فين المكان الي اشترو منه ب 75 جنيه او حتي رقم النليفون بتاع التلفزيون واكون شاكر جدا لحضرتك

سألت إبنى بالتليفون حيث أنه خارج القاهرة و سوف يعود يوم 28 بإذن الله و أخبرنى أن له أصدقاء يعملون فى تجارة الجملة ممكن أن يحصلوا له عليها بهذا السعر
فلو إستطعت الإنتظار ليوم 28 مارس أو 29 مارس ممكن نتقابل و نذهب لشرائها من أصدقائه

**Totexxxxx** · 15-03-2012 10:23 PM

المشاركة الأصلية كتبت بواسطة homme49

سألت إبنى بالتليفون حيث أنه خارج القاهرة و سوف يعود يوم 28 بإذن الله و أخبرنى أن له أصدقاء يعملون فى تجارة الجملة ممكن أن يحصلوا له عليها بهذا السعر
فلو إستطعت الإنتظار ليوم 28 مارس أو 29 مارس ممكن نتقابل و نذهب لشرائها من أصدقائه

الف شكر لحضرتك , بس انا خلاص لاقيتها الحمد لله واشترييتها كمان

روحت داري الي في الهرم لقيت واحده شبيها ليها بس معجبتنيش , المهم رجعت ببص في موقع سوق دوت كوم ولحسن الحظ لقيت رقم تليفون الشخص الي عارضها في احد التقييمات المهم طلع جنبي في الدقي وقابلته اخدتها منه ب 100 بالظبط

شكرا جدا لكل رجاله نايل موتورز ومعلش تعبتكو معايا

**Sherifmt** · 16-03-2012 01:59 AM

السلام عليكم ... كانت 2010 في كارفور المعادي ب 75

المهم قبل الترابيزة خللي بالك الم ظهرك ممكن يكون بسبب حركتك القليلة نتيجة لطبيعة شغلك والبرد الغير طبيعي السنة دي أسمحللي أنصحك ب 3 حاجات مهمة وبمشيئة الله تختفي الالم:
-اولا في لزقة يابانية في الصيدلية مش غالية وبتحتوي علي حاجة زي الشطة في مكوناتها بعد ما تستخدمها بتحس ان ظهرك سخن وحركتك أحسن كتير (بجد انا مكنتش مقتنع بيها لكن ...هتجرب وتعرف)
-ثانيا كل يوم نصف ساعة مشي ابدأ ولو خمس دقايق وبعدين زود علي قد ماتقدرمع اي تمارين بطن وظهر
-ثالثا أكيد وزنك زايد سيطر علي المشكلة دي وبسرعة أرجوك اقبل مني علشان كنت زيك شغلي مكتبي يعني كمبيوتر 10 ساعات يوميا وصلت لدرجة اني لومشيت 30 متر فقط ظهري بيبقي زي ما يكون فية خنجر لكن وبفضل الله عملت اللي نصحتك بيه من 35 يوم فقط وحاسس اني صغرت 5 سنين مع العلم عندي 40 سنة فقط.......تحياتي من مكة

**homme49** · 16-03-2012 02:25 PM

فعلا المشى مفيد جدا لدرجة لا يعرفها إلا من عانى من آلام الظهر فقد عانيت فترة من آلام الظهر و أصبت بإنزلاق غضروفى نتيجة محاولة دفع سيارة كانت تركن صف ثانى و تمنعى من خروج سيارتى التى كانت تركن أول صف و كان ذلك منذ عدة سنوات و لكن حدث فى فترة معرض الكتاب بأرض المعارض فى مدينة نصر أن حضرت ندوة شعرية إستمرت لما بعد منتصف الليل و عند إنتهائها و الخروج فوجئ كل الحاضرين بأن إدارة المعرض قد أغلقت المدخل الرئيسى فى شارع صلاح سالم و سمحت لنا بالخروج من المدخل الخلفى الموجود فى الشارع الذى يقع به مسجد آل رشدان .
فاضررت للمشى مسافة كبيرة متحاملا على نفسى حتى أصل إلى البارك الرئيسى حيث أركن سيارتى فى شارع صلاح سالم . و سبحان الله فى صباح اليوم التالى بعد الإستيقاظ من النوم تلاشت آلام الظهر بصورة غير متوقعة .