الحقونى يا جدعان بالرد السريييييع

السلام عليكم الاول يا جماعه..
الى اصحاب الخبره فى الجولييت او اللانوس,,
انا عندى مشكلتين كبار جدا و محتاج مساعدتكم معايا لو سمحتم..
انا معايا جولييت 99 ..
1- العربيه بتتأخر اوى اوى اوى فى الدواره طبعا و هى بارده و ساعات و هى سخنه.. يعنى ابقى مخلص مشواااااااااااار و بطلت العربيه و بعدها ب 15 دقيقه مثلا ادور تانى و بردوه تغيييب اوى على ما تدور و لما تدور تفضل مبرجله شويه كده و بعدين تظبط نفسها بس فى المشى بعد كده لمل باجى اكبس للمتور بحس انه مخنوق و فى تنتيشه خفيفه شويه,, ده غير انى بحس بريحه بنزين نى من الشكمان و هى دايره..
اللى انا عاوز اقوله بقى انى لسه مغير 4 بوجيهات ngk اليكترونى و الفلاتر و السيور و كمان غيرت قلب طرمبة البنزين( بوش المانى) علشان كان فيه مشكله يعنى تقريبا عامل سيرفس كامل.. 2- ساعات و انا ماشى ال rpm يتترفع منى فوق و يفضل معلق و يرجع لوحده تانى فى حين ان لمبة التشك مش بتنور معايا خالص غير لما بفتح الكونتكت, يعنى مش بتقول ان فى اى اعطال..
فممكن يكون العيب من ايه ؟؟
ارجو الرد السرييييييع يا رجاله و اسف انى طولت عليكوا

بالنسبه لتأخير الدواره والبرجله في الثواني الاولى للتشغيل وريحه البنزين الني ده اعراض تسييل رشاشات
وزمن فتح الرشاشات بيبان بسهوله على الاسكانر
ولو عايز تتاكد (بطريقة بدائيه شويه) اذا كانت رشاشات فعلا او لا , وانت بتدور العربيه والدواره متأخره دوس سنه بنزين وثبت رجلك , لو دارت اسرع من المعتاد يبقا الرشاشات بتسييل فعلا ومحتاجه تتغير

وبالنسبه للار بي ام , دي محتاجه كهربائي يبص عليها

بس لي طلب صغير
اتاكد ان لمبه التشيك شغاله بوظيفتها الحقيقيه , يعني مش مربوطه على لمبة الزيت مثلا
وعشان تشوف لمبه التشيك شغاله تمام ولا لا , ممكن تخلي العربيه دايره وتفصل حساس الهوا الموجود على الخرطوم التخين اللي جاي من فلتر الهوا رايح على المنافولد
لو لمبه التشيك نورت يبقا كده الدنيا تمام , غير كده تروح لكهربائي

انا بقولك اتأكد ان اللمبه شغاله عشان احيانا الكهربائي لما بيلاقي اللمبه منوره على طول ومش عارف يطفيها فـ بيربط اللمبه على اي لمبه تانيه في التابلوه عشان تنور مع الدواره وتفصل بمجرد التشغيل , وفي الغالب بيربطها على لمبه الزيت

اقتباس:

---

بالنسبه لتأخير الدواره والبرجله في الثواني الاولى للتشغيل وريحه البنزين الني ده اعراض تسييل رشاشات
وزمن فتح الرشاشات بيبان بسهوله على الاسكانر
ولو عايز تتاكد (بطريقة بدائيه شويه) اذا كانت رشاشات فعلا او لا , وانت بتدور العربيه والدواره متأخره دوس سنه بنزين وثبت رجلك , لو دارت اسرع من المعتاد يبقا الرشاشات بتسييل فعلا ومحتاجه تتغير

وبالنسبه للار بي ام , دي محتاجه كهربائي يبص عليها

بس لي طلب صغير
اتاكد ان لمبه التشيك شغاله بوظيفتها الحقيقيه , يعني مش مربوطه على لمبة الزيت مثلا
وعشان تشوف لمبه التشيك شغاله تمام ولا لا , ممكن تخلي العربيه دايره وتفصل حساس الهوا الموجود على الخرطوم التخين اللي جاي من فلتر الهوا رايح على المنافولد
لو لمبه التشيك نورت يبقا كده الدنيا تمام , غير كده تروح لكهربائي

انا بقولك اتأكد ان اللمبه شغاله عشان احيانا الكهربائي لما بيلاقي اللمبه منوره على طول ومش عارف يطفيها فـ بيربط اللمبه على اي لمبه تانيه في التابلوه عشان تنور مع الدواره وتفصل بمجرد التشغيل , وفي الغالب بيربطها على لمبه الزيت

---

+111111
الله ينور

باظبط زي ما قاللك محمد الشامي و بالمرة نظف البوابة و الأيدل كونترول

لابد من وضع السيارة علي اسكانر لان دي كلها اعراض بداية تلف حساس ال tps

اقتباس:

---

المشاركة الأصلية كتبت بواسطة tarek_2005

لابد من وضع السيارة علي اسكانر لان دي كلها اعراض بداية تلف حساس ال tps

---

اخي طارق :) مش اهم اعراض تلف التي بي اس هو ان الموتور يعلا ويوطى بشكل ملحوظ ؟

اقتباس:

---

المشاركة الأصلية كتبت بواسطة محمد الشامي

اخي طارق :) مش اهم اعراض تلف التي بي اس هو ان الموتور يعلا ويوطى بشكل ملحوظ ؟

---

لاحظ كلام الزميل السائل

(( ادور تانى و بردوه تغيييب اوى على ما تدور و لما تدور تفضل مبرجله شويه كده و بعدين تظبط نفسها ))

وكمان

(( لمل باجى اكبس للمتور بحس انه مخنوق و فى تنتيشه خفيفه شويه,, ده غير انى بحس بريحه بنزين نى من الشكمان و هى دايره ))

ودا معناه لخبطة في نسب الخلط بنزين وهواء ولها اكثر من سبب ممكن حساس اكسجين وممكن تي بي اس وممكن رشاشات
وانا قلت له في بداية كلامي لازم يحطها علي اسكانر علشان يحدد العيب بالظبط

يا جماعه انا متشكر جدا ليكم على الاهتمام بالرد.. :)
بس انا كنت عاوز اقول حاجه بخصوص لمبة التشيك و انها بتتربط بلمبه الزيت احيانا زى ما قال الزميل الفاضل
انا عندى لمبه الزيت اصلا مش شغاله :)
فكده الوضع يبقى ازااااى معايا ؟؟
و بالنسبه لللايدل كونترول فهو مكانه فين بالظبط ؟؟
شكرا جدا لاهتمامك و لو المشكله دى ممكن تيجى بسبب حاجه فى الكنترول نفسه ياريت الافاده برده

مش معني ان لمبه الزيت مش شغاله يبقى لمبه التشيك مش حتنور حتلاقي لمبه الزيت محروقه ودي ملهاش دعوه لو متوصله على فيشتها

انا عملت التجربه بتاعت لمبة التشيك و شيلت الحساس الى فى فلتر الهواء و لما شيلت الحساس لمبة التشيك نورت و لما ركبتها فضلت منوره شويه كده و رجعت طفت تانى فكده الحمدلله التجربه نجحت و جربتها بردوه فى عربية زميلى لانوس برده و برده عملت كده.. فكده الحمد لله لمبة التشيك سليمه ولا بايزه ؟؟

اقتباس:

---

المشاركة الأصلية كتبت بواسطة محمد الشامي

وعشان تشوف لمبه التشيك شغاله تمام ولا لا , ممكن تخلي العربيه دايره وتفصل حساس الهوا الموجود على الخرطوم التخين اللي جاي من فلتر الهوا رايح على المنافولد
لو لمبه التشيك نورت يبقا كده الدنيا تمام , غير كده تروح لكهربائي

---

احييك يا باشا على الاختبار دة .. لأنى كان عندى مشاكل و لمبة التشيك كانت منورة و الكهربائى صلح العيب و اللمبة طفت .. بس من باب التشييك على شغل الراجل كنت محتاج الاختبار بتاعك دة
شكرا

ياريت تعمله موضوع خاص و يكون عنوانه مثلا "كيف تتأكد ان لمبة التشيك شغالة" و يتم تثبيته عشان تعم الفائدة

انا تحت امرك
يارب بس الاختبار يفيدك ويحقق المراد منه

اقتباس:

---

المشاركة الأصلية كتبت بواسطة amr_adel00

انا عملت التجربه بتاعت لمبة التشيك و شيلت الحساس الى فى فلتر الهواء و لما شيلت الحساس لمبة التشيك نورت و لما ركبتها فضلت منوره شويه كده و رجعت طفت تانى فكده الحمدلله التجربه نجحت و جربتها بردوه فى عربية زميلى لانوس برده و برده عملت كده.. فكده الحمد لله لمبة التشيك سليمه ولا بايزه ؟؟

---

اخبار العطل الاساسي ايه

اتصلح ولا لسه؟

اقتباس:

---

المشاركة الأصلية كتبت بواسطة amr_adel00

يا جماعه انا متشكر جدا ليكم على الاهتمام بالرد.. :)
بس انا كنت عاوز اقول حاجه بخصوص لمبة التشيك و انها بتتربط بلمبه الزيت احيانا زى ما قال الزميل الفاضل
انا عندى لمبه الزيت اصلا مش شغاله :)
فكده الوضع يبقى ازااااى معايا ؟؟

---

لازم تعرف السبب ايه
اكشف على اللمبه في التابلوه , وغالبا هايطلع العيب منها

اقتباس:

---

المشاركة الأصلية كتبت بواسطة amr_adel00

و بالنسبه لللايدل كونترول فهو مكانه فين بالظبط ؟؟

---

هتلاقيه راكب في ضهر بوابة المنافولد

اقتباس:

---

المشاركة الأصلية كتبت بواسطة amr_adel00

انا عملت التجربه بتاعت لمبة التشيك و شيلت الحساس الى فى فلتر الهواء و لما شيلت الحساس لمبة التشيك نورت و لما ركبتها فضلت منوره شويه كده و رجعت طفت تانى فكده الحمدلله التجربه نجحت و جربتها بردوه فى عربية زميلى لانوس برده و برده عملت كده.. فكده الحمد لله لمبة التشيك سليمه ولا بايزه ؟؟

---

كده لمبه التشيك تمااااااااام وسليمه و زي الفل :)

اقتباس:

---

المشاركة الأصلية كتبت بواسطة biomedo

اخبار العطل الاساسي ايه

اتصلح ولا لسه؟

---

لسه متصلحش و هتجنن بقى

اقتباس:

---

المشاركة الأصلية كتبت بواسطة tarek_2005

لاحظ كلام الزميل السائل

(( ادور تانى و بردوه تغيييب اوى على ما تدور و لما تدور تفضل مبرجله شويه كده و بعدين تظبط نفسها ))

---

حسب معلوماتي المحدوده ده كده عيب رشاشات :)

اقتباس:

---

المشاركة الأصلية كتبت بواسطة tarek_2005

وكمان
(( لمل باجى اكبس للمتور بحس انه مخنوق و فى تنتيشه خفيفه شويه,, ده غير انى بحس بريحه بنزين نى من الشكمان و هى دايره ))

---

وده كمان وارد جدا يكون عيب رشاشات :) لان تسييل الرشاشات يبرجل الموتور وبما انه بيخلي الرشاش يدي بنزين اكتر من المطلوب فمن الطبيعي ان مش كل البنزين يتم حرقه وبالتالى بيكون في ريحه بنزين غير محترق


و زي ما حضرتك قولت , الاسكانر فعلا هايوضح المشكله بشكل دقيق ومحدد

اقتباس:

---

المشاركة الأصلية كتبت بواسطة amr_adel00

لسه متصلحش و هتجنن بقى

---

يا يا باشا اخطف رجلك لغايه محمد السيد في الدقي وخليه يركب الاسكانر على العربيه ويشوفلك حساساتك اخبارها ايه , وطبعا هايقولك انت ايه المشكله عندك عشان يربط بين كلامك وقراءات الاسكانر , وبكده هاتعفى نفسك من مصاريف تانيه كتير ممكن تدفعها عند الميكانيكي لغايه لما تحل المشكله
تكلفه الاسكانر 30 جنيه , ولو قالك ازيد من كده فهمه انك جايله عن طريق الزملاء في نايل موتورز مش زبون يعني