الموضوع: هل فعلاً السيارات الكورى فى بداية ظهورها فى مصر كانت الناس واخده نفس الفكره

المشاركة الأصلية كتبت بواسطة hany63

الهيونداي الاكسل هي اللي اكتسحت السوق ايامها سنة 1992 ومكانش لسه الدايو نزل و بعد كده ابتدت الهيونداي تتعمل في مصر (اكسل 1500 و 1300 سي سي ) و بعد شويه نزلت الدايو مستورده (راسر - اسبيرو)

تمام معلومات حضرتك مظبوطة ... لكن أنا أشير بصفة خاصة لميزة رخص السعر بالمقارنة بالنظير الأوربي أو الياباني وهذه لعبة وكيل وليست لعبة دولة منشأ ... أبو الفتوح في التسعينات تسبب في تخفيض جميع أنواع السيارات التي تباع في مصر ما عدا الماركات الراسخة طبعا ... السويفت نزل من سعرها 15 ألف جنية دفعة واحدة بسبب اللانوس... إذا لعب أحد وكلاء الصيني نفس اللعبة بسيارة جودتها معقولة حتى لو كان طرازها قديم قليلا وسعرها يدور حول الخمسين ألف جنيه فسيكتسح السوق

هو مش قصه كورى و لا صينى. هو الموضوع كله مرتبط بألسعر، يعنى معظم الناس بتقبل على الحاجه الرخيصه علشان الامكانيات المتاحة و لانها مضطره يعنى و هى و نصيبها بقى يا اما تطلع كويسه فيبدأوا يستوردوا فئات اعلى منها او تطلع تعبانه و الناس تفضل تجيبها برضه و تحاول تتأقلم معاها رغم العيوب لانها على الاقل ارحم من بهدله المواصلات و ده معناه ان لو فى حاجه اقل من الصينى كمان هيجربوها فينا (زى التوكتوك كده) فالموضوع يعنى مش حبا فى الكورى او الصينى او اى صناعه تانيه اقل حتى لكن كرها فى المواصلات و احتراما للادميه و انا على فكره ضد فكره التمييز ببلد الصناعه او الماركه و بأفضل احكم على السياره من امكانياتها لان اى شركه فى الدنيا وارد انها تعمل موديلات واقعه