النجده يا اصحاب الخبره

**mahmouaddiver** · 14-03-2012 03:46 PM

السلام عليكم ورحمة الله
يا خوانى والله فلوسى كلها ضاعت على العربية وبعد صرف اكتر من 7 الف على العربية وبره مخلصتش
المشكله المتور بيجيب دخان جامد جدا من فايز الزيت الى هو طالع من مكان تزويد الزيت طولت الخرطومه لحد تحت العربية علشان معى الهوا يرجع لخلف فيه دخان جامد برده بيجى من الصدر بتاع العربية على صدرى جامد والكل بيقول طقم شمبر وانا حاسس انه اكتر من كتر عاوز اعرف هل يوجد حل غير ذلك
ولا اجيب ماتور تانى احسن وينفع متور اكبر فى السعة ويثبت على الرخصة وياريت يكون حد من اسكندرية
يقولى حد بتاع مواتير اجيب من عنده تكون اسعاره كويسه
العربية 127 ايطالى 900
وشكرا

**فادى محمد** · 14-03-2012 07:08 PM

غير طقم الشنبر وكاوتش الصباب هتظبط معاك
مالوش لازمه موتور جديد

**mahmouaddiver** · 15-03-2012 07:53 AM

الف شكر على الرد بس خايف تفتح معايا وتبقة هى هى زى ماتور تانى

**zastaffa** · 15-03-2012 09:15 AM

علي فكرة أنا معايا عربية فيورا وعندي نفس المشكلة وركبت برضوا خرطوم طويل لحد تحت الأكصدام...بس عارف أنه أما هيطلع شنبر....أو عمرة كاملة...والشك ده مش هيتقطع باليقين ألا لما الميكانيكي يفكلك وش السلندر ويبص ع الشمايز ويقيسها....لو لقاها كاملة الأستدارة مش معتبة أو بيضاوية أو حتي علي شكل قرطاص((واسعة من فوق يعني وضيقة من تحت))....ساعتها هيديك البستم وتنزل التوفيقية عند مجدي رمزي أو حبيبكو بشارع البوصة تجيبله طقم شنبر برازيلي في حدود 100جنيه....وتعدي بالمرة علي جوكر متعهد الجوانات هناك وتجيبلك طقم جوانات في حدود 80جنيه ومصنعية الميكانيكي مش هتزيد عن 200جنيه....ولو هتودي وش السلندر للخراط أقصي حاجه لو فتح معاك هيخشله في 150أو200جنيه ....والميكانيكي طبعا ساعتها هايراجعلك علي طقم السبيكة وبنوز البساتم....وهيعمل نص عمرته من غير مايطلع الماتور بره العربية

**zastaffa** · 15-03-2012 09:22 AM

أه علي فكرة....حاجه تانيه عاوز أقولهالك....لو وش السلندر هيعدي ال150جنيه شغل عند الخراط....كمل 100وكبر دماغك وأنزل هاتلك واحد أستيراد من عزبة شلبي أو الشيخ طارق بالهرم....وقول للبياع أنا هاخده منك بس لو الميكانيكي طلع فيه حاجه هارجعهولك من أولها كده....هيقولك يابيه أحنا حاجتنا ممتازة ومش عارف أيه....رد عليه وقوله أنا مش غاوي مشورة أنا جاي من((( وأرزعله أي حته بعيده أوي من مكان محله))) ولو طلع كويس أيه اللي هيرجعني ليك؟؟؟ أنا غاوي وجع قلب وحرقة دم؟؟؟