المشاركة الأصلية كتبت بواسطة ahmedhossam86
مبدئيا احب أسلم علي جميع اعضاء قسم كيا.. بقالي كتيــــر اوي ماكتبتش هنا بس حقيقة لظروف خارجة عن ارادتي.. و ان شاء الله تبقي فرصة و اكرر التواصل معاكم من جديد..
انا معايا سيراتو 2011 وكيل عاملة 29 ألف و شوية.. نقول داخلة علي الـ 30 و اني ان شاء الله حاحجز صيانتها قريب.. العربية من بعد الـ 25 و هي مش في حالتها خالص..
1- انا ماغيرتش اي حاجة في التيل و الطنابير لحد دلوقتي.. بس الفرامل بقت loose جدا.. الفرامل بقت خفيفة الي حد كبير.. و في ظروف فرملة مفاجئة الاقي العربية بتسحف علي الاسفلت.. ده طبيعي و انا داخل علي الـ 30؟ لازم اعمل شغل في الفرامل؟
ضغط الكاوتش عالى ممكن يخليها تزحف (حصلت معايا و الضغط كان 36 .)
ممكن زيت الفرامل عاوز يتفضى هوا ,او الفرامل تترجلش .
او تيل جديد
2- و دي ارجو انكو تفهموني فيها.. العربية بحالات.. يعني ابقي ماشي في شارع و مهدي شوية (السرعة 40-60) العربية بتاخد وقت طوييييل اوي عشان تستجيب لدوسة البنزين.. لما انقل تيبترونك الاقيها علي النقلة الرابعة! اضطر انزل بالنقلات للتاني مثلا عشان العربية تجمع معايا.. و ده اتكرر اكتر من مرة.. الاقي the overall performance للعربية غريب.. صوت موتور عالي .. استجابة ضعيفة.. و بالذات لو راكب معايا ناس في العربية و مشغل التكييف.. و للامانة في مرات تانية استجابتها معقولة و مش ماشية علي نقلة او غيار اعلي من سرعتها..
+11111111111111
بتحصل معايا
و حلها انك تنزل سوفت وير جديد اللى بيتحكم فى الفتيس مينقلش بدرى .لانه بيجيب اخر غيا بدرى جدا على ال 60 او 70 مثلا و ممكن تتاكد بنفسك لما تنقل استب ترونيك .
مفيش حد فى مصر بينزل سوفت وير زى باقى التوكيلات برا مصر .التوكيل فى مصر مش فاهم حاجه ههههههههه
3- الثبات!.. كان عادي جدا لحد الـ 20 ألف اجيب الـ 120-140 و العربية ماسكة نفسها.. دلوقتي من بعد الـ 100 صفافير و هوا بيزق في العربية و بتحدف و ماشية علي حارتين.. ليه؟
ضغط كوتش و حاة الكوتش و تعمل روتيشن كل 12 الف كم
ظبط زوايا
تربيط عفشه
الصفافير ده من كوتش الزجاج و الابواب و ممكن تمشى عليهم بحته مبلوله ميه سخنه عشان الكوتش يطرى .
و الله اعلم
4- استهلاك غير مبرر للبنزين.. هي في العادي استهلاكها عالي بس زاد جدا في الفترة الاخيرة
تغيير بوجيهات و تنضيف بوابات و تنضيف الايدل كونترول و تغيير فلتر الهوا او تنضيفه .و ممكن تشيك على فلتر البنزين و الحساسات و تغير زيت و فلتر زيت نضيف
5- و ده سؤال بره الموضوع.. الجانب اليمين واخد 4 لحامات في الكاوتش.. اتنين قدام و اتنين ورا.. عادي و لا ابدل اماكن الكاوتش احسن..