كارثة فى ال byd f3 اتوماتيك

**aha3020** · 15-03-2012 12:55 AM

بعد تفكير قررت اشترى BYD اتوماتيك
طبعا فرحت بيها وخلصت ال 1000 ك بسلام لكن لاحظت انها بتستهلك بنزين كتير 000قلت يمكن عشان بتلين
لكن بعد كدة لاحظت نفس المشكلة 195 ك ف الصفيحة000 رحت التوكيل اسال رد المهندس اللى بيقابلنى دايما ان دة طبيعى عشان الاشارات والوقوف كتير وخلافة000بصراحة ما اقتنعتش لان الاعلانات والكتالوج بيقول 100 ك فى ال4.7 لتر قالى المهندس دة مش صحيح
المهم مشيت0
لاحظت الايامى دى ان الاستهلاك 135 ك فى الصفيحة مع العلم انى طبيب ومش بتحرك بيها كتير وما فيش اشارات فى طريقى0
وحتى لو فية اشارات ما يكونش الفرق كبير قوى كدة فى المكتوب فى مواصفات السيارة وبين الحقيقى وكمان فى المرتين اللى رحت فيهم التوكيل اطلب ظبط زوايا يقولى الجهاز عطلان
مش عيب توكيل كبير زى دة يكون فية جهاز ظبط زوايا واحد وكمان عطلان
حاسس بالندم انى اشتريت العربية دى

**rti** · 15-03-2012 01:14 AM

سلام عليكم الف مبروك السيارة وانشاء الله يكون خير موضوع استهلاك البنزين ده بيرجع لغوامل كتير اهمها طبيعة الطرق وطبيعة استخدامك لدواس البنزين يعني لو رجلك تقيلة هتلاقي العربية بتاكل بنزين من غير ما تشعر المهم نصيحة اخوية شوف يوم تكون فاضى من بدري واطلع على فرع اسكندرية للمهندس اسامة مبروك و هو هيظبطلك القصة دي و انشاء الله خير و بالنسبة للتوكيل في القاهرة هما بيحولو يكونوا على مستوى اداء كويس بس واضح ان قدمهم وقت شوية .
هو حضرتك رحت فرع القطامية ولا غمرة ؟

**rti** · 15-03-2012 01:22 AM

سلام عليكم الف مبروك السيارة وإن شاء الله يكون خير موضوع استهلاك البنزين ده بيرجع لغوامل كتير اهمها طبيعة الطرق وطبيعة استخدامك لدواس البنزين يعني لو رجلك تقيلة هتلاقي العربية بتاكل بنزين من غير ما تشعر المهم نصيحة اخوية شوف يوم تكون فاضى من بدري واطلع على فرع اسكندرية للمهندس اسامة مبروك و هو هيظبطلك القصة دي و إن شاء الله خير و بالنسبة للتوكيل في القاهرة هما بيحولو يكونوا على مستوى اداء كويس بس واضح ان قدمهم وقت شوية .اما بالنسبة لستهلاك البنزين معايا 250كم للصفيحة وده يعتبر كويس لان الستهلاك اللى حضرتك ذكرته وموجود فى المواصفة دهفى درجة حرارة معينة وبسرعة 90كم فى الساعة . لي سؤال الكلام ده في فرع القطامية ولا غمرة ؟

**lonedoctor** · 15-03-2012 11:51 AM

الموضوع بسيط جدا اهم حاجة فية تظبيط السيارة على الكمبيوتر او فك كابل البطارية الموجب ربع ساعة كدة وركبه تانى --تغيير البوجيهات او خلى اى ميانيكى يفكها وينظفها وخلى فتحة البوجيهات 1.1 مم بالفللير--اكشف على فلتر الهواء ونظفه كويس او ركب واحد جديد--انا بعد لما عملت كدة الاستهلاك اصبح 360 ك/صفيحة على الطرق السريعة
تقبل تحياتى

**aha3020** · 15-03-2012 11:06 PM

المشاركة الأصلية كتبت بواسطة rti

سلام عليكم الف مبروك السيارة وإن شاء الله يكون خير موضوع استهلاك البنزين ده بيرجع لغوامل كتير اهمها طبيعة الطرق وطبيعة استخدامك لدواس البنزين يعني لو رجلك تقيلة هتلاقي العربية بتاكل بنزين من غير ما تشعر المهم نصيحة اخوية شوف يوم تكون فاضى من بدري واطلع على فرع اسكندرية للمهندس اسامة مبروك و هو هيظبطلك القصة دي و إن شاء الله خير و بالنسبة للتوكيل في القاهرة هما بيحولو يكونوا على مستوى اداء كويس بس واضح ان قدمهم وقت شوية .
هو حضرتك رحت فرع القطامية ولا غمرة ؟

شكرا على النصيحة
انا رحت فرع القطامية
ممكن توصفلى مكان فرع الاسكندرية

**rti** · 16-03-2012 01:38 AM

طريق اسكندرية الصحراوي بعد كوبري العامرية اول يو ترين بعد الكيلو 27 و لف وارجع تاني هتلاقي التوكيل على اليمين وبالتوفيق انشاء الله على فكرة مهم جدا موضوع البوجيهات و المهندس اسامة ان شاء الله هيظبطلك القصة دي بس ياريت تتطمنا عليك لما تخلص .

**aha3020** · 16-03-2012 11:45 AM

المشاركة الأصلية كتبت بواسطة rti

طريق اسكندرية الصحراوي بعد كوبري العامرية اول يو ترين بعد الكيلو 27 و لف وارجع تاني هتلاقي التوكيل على اليمين وبالتوفيق إن شاء الله على فكرة مهم جدا موضوع البوجيهات و المهندس اسامة ان شاء الله هيظبطلك القصة دي بس ياريت تتطمنا عليك لما تخلص .

لازم احجز الاول قبل ما اروح فرع اسكندرية ولا ممكن اروح على طول
على فكرة انت شوقتنى انى اقابل المهندس اسامة
قريت كتير عن اراء الناس فية
لم يختلف احد فى اخلاقة واخلاصة فى الشغل
ان شاء الله هاروح مخصوص عشان اتعرف علية
شكرا على اهتمامك0

**lonedoctor** · 16-03-2012 01:26 PM

الباش مهندس اسامة من افضل البشر اللى ممكن تقابلهم فى حياتك اساسا --عملة نادرة جدا فى هذا الزمان--لقد اشعرنى بالخجل وجعلنى اشعر كيف يكون الدين سلوك وعمل وليس شكل ومنظر
تقبل تحياتى

**aha3020** · 16-03-2012 10:08 PM

المشاركة الأصلية كتبت بواسطة lonedoctor

الباش مهندس اسامة من افضل البشر اللى ممكن تقابلهم فى حياتك اساسا --عملة نادرة جدا فى هذا الزمان--لقد اشعرنى بالخجل وجعلنى اشعر كيف يكون الدين سلوك وعمل وليس شكل ومنظر
تقبل تحياتى

ماقولتليش لازم احجز قبل ما اروح