الفرق بين FM Modulator و FM Transmitter

**tayson54** · 05-06-2008 12:28 PM

يا شباب هو فيه فرق بين FM Modulator و FM Transmitterاللي فهمته انهم شئ واحد بأسمين ولا انا فاهم غلط ؟

النقطه التانيه هل فيه اي جهاز زي FM Modulator كده بمعني انه يقرا الكارت ميموري او الفلاشه واوصله بالكاسيت عن طريق aux علشان يطلع الصوت علي السماعات مباشره بدل ما يحول الصوت الأول علي FM ؟
بس عايز حاجه غير MP3 PLAYER انا عايز جهاز يقرا الكارت او الفلاش ميموري .

**wild_man** · 05-06-2008 12:36 PM

عليك و على راديو شاك ب99 جنيه

انا لسة جايب واحد من كام يوم تحفففةةةةةةةة معاه ميموري كارد ريدر و معاه وصلة تاخد من أي Mp3 أو حتى من ووكمان دا غير انه ممكن ياخد من فلاش ميموري Usb و معاه ريموت كنترول دا غير انه معاه ضمان ضد عيوب الصناعة...

و صوته نقي جداااااا

توكل على الله و هاته

**tayson54** · 05-06-2008 12:41 PM

فعلا هروح راديو شاك النهارده بأذن الله وسؤالي علشان كده ...اروح هناك اقوله عايز FM Modulator ولا FM Transmitter ....الأسمين دول لجهاز واحد ولا ده جهاز وده جهاز تاني ؟؟

اذا سمحت تقولي اسم الجهاز اللي انت اشتريته امبارح علشان اجيب زيه ..والف شكر علي مساعدتك

وياريت حد يا شباب يقولي هل فيه جهاز بيقرا الكارت او الفلاش ويحول الصوت للسماعات مباشره عن طريق الAUX بدل ما يحوله علي موجه ال FM ؟؟

**wild_man** · 05-06-2008 12:48 PM

بص يا سيدي.. هي العلبة سودا و مكتوب عليها MP3 FM Modulalator
و خلي بالك عشان فيه نوعين و الاتنين بنفس السعر

واحد فيه ميموري كارد ريدر و التاني مافيهوش

فقوله انا عاوز اللي فيه ميموري كارد ريدر (الاتنين ب 99 جنيه)

انا جبته من فرع سفير عشان قريب مني

**tayson54** · 05-06-2008 01:09 PM

جزاك الله كل خير ....طيب سؤال اخير بقه علشان انا رخمت عليك معلش

الجهاز اللي جبته ده بيحتفظ بأخر تراك كان بيشغله ولما كل ما تشغله بيشتغل من الأول ؟

ومتعرفش mp3 palyer يكون بيحتفظ بأخر تراك كان بيشغله لان العيب القاتل اللي في mp3 player انه مش بيحتفظ .
والف شكر

**wild_man** · 05-06-2008 01:20 PM

بيحتفظ باخر تراك و الاحسن من كدا كمان انهم خلوني أجربه قبل ما أشتري و طلعوا واحد معايا يشغلهولي في العربية... بس للمرة التانية.. اوعى تاخد اللي مافيهوش كارد ريدر... لو مالقيتوش خليهم يشوفوا عالسيستم موجود في أنهي فرع و يقولولك تروح تاخده

و يا باشا مافيش ترخيم ولا حاجة you are most welcome :)

**tayson54** · 05-06-2008 01:24 PM

دول ناس محترمين وانت كمان اكثر احتراما :) ...الف شكر wild man ربنا يكرمك ويبارك لك فيه ...انا هروح اشتري واحد النهارده ان شاء الله

**wild_man** · 05-06-2008 01:31 PM

يا باشا انتا اللي كلك ذوق والله... و مبروك مقدما :)

**tayson54** · 05-06-2008 07:05 PM

بص يا wild-man انا رحت راديو شاك ولقيته فعلا (حتي ماركته راديو شاك) لكن قالي ان النوع ده (اللي فيه كارد ميموري ريدر) مش بيقرا folders في الفلاشه لكن النوع التاني (اللي من غير كارد ريدر) بيقرا الفولدرز ...يا تري الكلام اللي بيقوله ده ايه ؟ لو صحيح ان شايف ان ميزه قرايه الفولدرز اهم من الكارد ريدر ادام في الحالتين بيقرا الفلاشه ...ايه رأيك ؟

**wild_man** · 06-06-2008 12:07 AM

هي بصراحة قراية الفولدرز ميزة طبعا... و بعدين انتا لو مش هتحتاج تحط ميموري كارد فيه و هتستعمل فلاشات بس يبقا خليك في اللي بيقرا الفولدرز.

حسب احتياجك, و حسب نوع الميموري اللي عندك كمان