الموضوع: عفوا .... الموضوع بلا عنوان

لا حول ولا قوة إلا بالله
كان في واحد في رمسيس عند شغلي القديم معروف ( أسمه الطوبجي ) الراجل دا كان غني جداً وحصلت له أزمة مادية فأصبح كدة - وسبحان الله الناس دي مش بتحس لا بسقعة ولا حر لأن عم طوبجي دا كان لابس هدوم كتييير جداً وبلطوا صوف طويل صيف شتا ونايم في الشارع .
هل الناس دي بتفقد الشعور بالجو زي ما هي فاقدة عقلها !! الله أعلم
وهل الناس اللي زي كدة بيكون مرضهم النفسي سببه عدم إيمانهم بالله - الله أعلم .
وربنا يشفي كل مريض
ومعلش يا حاج أحمد - فيه ناس كتير بتقشعر الجسم برضوا زي أطفال الشوارع ، ربنا يكون في عونهم وينتقم من اللي كان السبب ، لو الناس تتمسك بالصدقة والزكاة كتير من الناس دي أكيد مش هيكونوا كدة .

الموضوع مش جديد انا شفت واحد فى صلاح سالم ماشى ملط فى عز الظهر الاحمر ومن سنتين كمان يعنى قبل الثورة وكان ماشى وسط الزحمة بيخبط على زجاج السيارات

مش عارف اقول ايه بصراحه ... بس تخيل الحساب الجارى للسيئات اللى بيشلها كل من تسبب فى الحاله المزرية اللى وصل ليها هذا الرجل .... بما فيهم اهله ...

عاصرت موقف مشابه بس ده كان لشاب و هذا الشاب لم يكن مجنونا او مصابا بأحدى الامراض العقلية او النفسية حسب ما اعتقد ... كنت راجع من الشغل فى اواخر شهر ديسمبر فى عز البرد و اتفاجأت بهذا الشاب يجرى بعرض طريق الاتوستراد ... عاريا تماما ... كما ولدته امه ... و جسمه مغطى بالدماء بسبب طعنات و جروح سطحية على معظم جسدة و كان يصرخ و يطلب من الناس القاء اى قطعه من الملابس لكى يستر بها نفسه لدرجه انى حاولت ان اخلع له الجاكت و القيه له من نافذة الميكروباص ولكن للاسف لم يتوقف السائق له خوفا من وجود مجرمين يلاحقونه ...... مما سبب لى ازمه نفسية ما زلت اعانى منها حتى الان .......