الموضوع: هل من ضرر من الى حصل

الموضوع خاص بصديق معاه نفس عربيتى
بس هوا معندهوش خلفيه عن الميكانيا اوى

المهم باختصار
كنا عند الميكانيكى عشان يغير طقم سيور وبلى كاتينه نوع السياره كيا سيفيا
لقينا ان التقسيمه كانت خلفه بسنتين
المهم الراجل فك ونظف وركب وكلوا تمام وظبط التقسيمه وعلى خبرتى فى العربيه ان التقسيمه كانت مظبوطه
فيما بعد بص على الكستبنات لقى ان فى اتنين عاوزين تيغيروا وغيرهم وطبعا كان لازم يشيل الكامات بترتيب معين
ورجع ركب تانى بنفس الترتيب الى فكهم بيه
وجينا للتدوير العربيه مش عاوزه تدور وصوت التدويره غريبه
طبعا كلنا فضلنا واقفين مش عارفين سبب المشكله وقعدنا ندور كذا مره
فكينا تانى الوش والميكانيكى بص على كل حاجه لقينا كل حاجه تمام

فيما بعد قالنا ان الصبابات كلها فتحت نتيجه اننا شلنا الكامات طب والحل
قال انها هتظبط نفسها بنفسها بس دور وهاتك تدوير لحد مبئدت تلقط وتبطل وتلقط وتبطل
ولما بتدور كان صوتها بيكون مختلف ورعشه جامده فى الماتور
قعدنا كدا فتره لحد الميكانيكى اول مدارت مشى بيها شويه كانت بتقطع بس قامت تمام
والعربيه رجعت زى الاول ومشينا

صاحب العربيه من ساعت الموضوع ده لو الكاوتش نام بيعقتد ان العيب فى الموضوع اى حصل ده ومقلق جامد وبيقولى ان فى رجرجه بتظهر معاه من وقت للتانى وانا برضوا بحاول اقنعه ان ممكن من رجله لانوا لسه جايب العربيه ومش اتاقلم عليها

وبرضوا حبيت اعمل موضوع عشان لو فى ضرر نقدر نعرفهوصاحب العربيه حاليا بيشوف الموضوع ومستنين راى الناس ايه
مع العلم انى ركبت العربيه معاه ومكنتش حاسس بحاجه
وشكرا ليكم مقدما