تكييف بيجو ٤٠٦ هام جدا

**Ahmed Amin** · 20-03-2012 03:40 PM

أنا شايف برضه أنك تركب الياباني عن تجربة ناس كتير أداة ممتاز.
لو حابب حاجة بيجو الأصلية عليك وعلي التوكيل او أي مركز خدمة نضيف, عشان لو عملتها برة اللي بيفك هيجرب لكن في التوكيل أو مركز الخدمة هيبقي عارف هوا بيعمل ايه لو مش عايز حد يعكلك.
بس أدائة مش هيبقي زي الياباني.

سؤال جانبي, ممكن نعرف أيه هيا الكاميليات النادرة اللي عندك.؟!!

**ana** · 20-03-2012 06:43 PM

السياره فابريكه بالكامل حتى الاكصدامات و لسه بريحه الفبريكه وهى المانى مش فرنساوى الحمد لله وعامله 140000 كيلو واظن اللى معاه زيها مش هيفكر يبعها عشان كده انا عايز اركبلها تكييفها ولسه لغايه دلوقتى محدش حطلى العقده فى المنشار فى الموضوع ده

**Ahmed Amin** · 20-03-2012 07:34 PM

المشاركة الأصلية كتبت بواسطة ana

انا عندى فتحه سقف كهرباء اوريجينال وعندى العربيه بتدور برقم سرى زى العربيه الاودى اللى فى فيلم ترانسبورتر 2 بالظبط ولو اتكتب مرتين غلط العربيه بتقفش فى الارض 24 ساعه وعندى حساسات زياده عن المواصفات المصرى وكراسى ماساج والعربيه مانيوال مش اوتوماتيك والموتور 1600 يعنى الضريبه قليله والفتيس مفهوش مشاكل ودول عيبين فى معظم ال406 غير كده زجاج السياره بالكامل bte كفايه ولا عايز تانى

ماشاء الله واضح ان العربية فعلاً جميلة. ربنا يباركلك فيها يارب.
وأنا من رأيي انك تتوكل علي الله. تركب التكيف الياباني بس عند حد بيفهم وشغال في الجديد.
لانه بامانه تلاجة ومش زي التكيف بتاع البيجو، وكمان تركيبة سهل ميتهيألي مش هيبقي معقد زي تكيف البيجو
احنا كان عندنا تكييف الانسر في عز الحر بشغلة علي اول درجة في الساقع في واطفي الفريون من الزرار بتاعه كل شوية عشان كان بيتلج العربية. في حين اني كنت بشغل التكيف في البيجو علي ١٨ ومش بطفيه.
كمان اعطال اليباني شبه معدومة في الغالب.

اهم حاجة بس تجيب نوع كويس لاني بصراحة مفهمش فيهم والسوق مليان كدابين، وتروح لواحد ايديه نضيفه وشغال في الجديدعشان ميعكش وتقف علي ايديه في كل حاجة يفكها.
وبالتوفيق.